កីឡា
ច្បាស់ការហើយ FIFA World Cup 2026 ទ្វីបអាស៊ីនឹងមាន ៨ ក្រុមចូលរួម
សហព័ន្ធកីឡាបាល់ទាត់ពិភពលោក (FIFA) បានកំណត់ចំនួនកៅអីក្រុមចូលរួមប្រកួតជាផ្លូវការហើយ ខណៈក្រុមមកពីទ្វីបអាស៊ីនឹងទទួលបាន ៨ កៅអីកន្លះ (កន្លះ បានន័យថាជម្រុះ) សម្រាប់ព្រឹត្តិការណ៍បាល់ទាត់ពិភពលោក (FIFA World Cup 2026)។
World Cup 2026 ត្រូវបានបង្កើនចំនួនក្រុមដល់ ៤៨ ក្រុម ដែលជាទូទៅតែ ៣២ ក្រុម ហេតុនេះហើយទើបធ្វើឱ្យកៅអីរបស់ទ្វីបនីមួយៗមានការកើនឡើងដូចគ្នា ជាក់ស្ដែងទ្វីបអាស៊ី ទទួលបានដល់ទៅ ៨ កៅអីកន្លះ ស្របពេលដែលពីមុនទទួលបានតែ ៤ កៅអីកន្លះប៉ុណ្ណោះ។
ជាមួយគ្នាផងដែរ គណៈកម្មាធិការប្រតិបត្តិនៃសហព័ន្ធកីឡាបាល់ទាត់អាស៊ី (AFC) បានអនុម័តលើទម្រង់ប្រកួតផងដែរ ដោយបានបែងចែកការប្រកួតជា ៤ ជុំផ្សេងៗពីគ្នាដែលមានដូចខាងក្រោម៖
ជុំទី១: មាន ២២ ក្រុមចូលរួមប្រកួត (គេរាប់ចំណាត់ថ្នាក់ FIFA ពីលេខ ២៦-៤៧ គិតតែក្នុងទ្វីបអាស៊ី)។ ក្រុមទាំង ២២ នេះ នឹងផ្គូផ្គង់ដើម្បីប្រកួតជម្រុះចំនួន ២ ជើង (ក្រៅដី-ក្នុងដី) យក ១១ ក្រុមឡើងទៅជុំទី ២។
ជុំទី២: មាន ៣៦ ក្រុម (គេរាប់ចំណាត់ថ្នាក់ FIFA លេខ ១-២៥ បូកនឹង ១១ ក្រុម ដែលឈ្នះវគ្គជម្រុះជុំទី ១)។ ជុំទី ២ នឹងបែងចែកចេញជា ៦ ពូល ហើយក្នុងមួយពូលមាន ៤ ក្រុម ប្រកួតវិលជុំសន្សំពិន្ទុចំនួន ២ ជើង (ក្រៅដី-ក្នុងដី) និងយកក្រុមចំណាត់ថ្នាក់លេខ ១ លេខ ២ ទៅប្រកួតជុំទី ៣។
ជុំទី៣: មាន ១៨ ក្រុម ខណៈ ១៨ ក្រុមនេះ បែងចែកចេញជា ៣ ពូលបន្តទៀត ដោយក្នុងមួយពូលមាន ៦ ក្រុម ប្រកួតវិលជុំសន្សំពិន្ទុ ២ ជើងដូចគ្នា (ក្រៅដី-ក្នុងដី) ហើយក្រុមចំណាត់ថ្នាក់លេខ ១ លេខ ២ សរុប ៦ ក្រុម នឹងបានកៅអីប្រកួតជុំផ្ដាច់ព្រ័ត្រ FIFA World Cup 2026 ដោយស្វ័យប្រវត្តិ។
ជុំចុងក្រោយ (Play-off round): មាន ៦ ក្រុម។ ជុំចុងក្រោយនេះ នឹងមានក្រុមចំណាត់ថ្នាក់លេខ ៣ និងលេខ ៤ មកពីពូលទាំង ៣ ដែលបានប្រកួតនៅជុំទី ៣។ ក្រុមទាំង ៦ នឹងត្រូវចាប់ឆ្នោតបែងចែកចេញជា ២ ពូលបន្តទៀត ហើយក្នុងមួយពូលមាន ៣ ក្រុម ប្រកួតប្រជែងតែ ១ ជើងប៉ុណ្ណោះ។ ក្រុមលេខ ១ ចំនួន ២ ក្រុមនឹងបានកៅអីប្រកួតជុំផ្ដាច់ព្រ័ត្រ FIFA World Cup 2026 ស្វ័យប្រវត្តិ ដោយឡែកក្រុមលេខ ២ ត្រូវប្រកួត (Play-off) ជាមួយគ្នាដើម្បីរកឈ្នះចាញ់ កំណត់ក្រុមដែលនឹងតំណាងឲ្យទ្វីបអាស៊ី (AFC) ទៅប្រកួតជម្រុះអន្តរទ្វីប (Intercontinental Playoff)
បញ្ជាក់ថា FIFA World Cup 2026 នឹងធ្វើឡើងនៅទឹកដីរួមលើប្រទេសចំនួន ៣ គឺ សហរដ្ឋអាមេរិក, កាណាដា និងម៊ិកស៊ិកកូ។
កៅអីរបស់ទ្វីបដទៃទៀតមានដូចជា ទ្វីបអាហ្វ្រិក បាន ៩ កៅអីកន្លះ, ទ្វីបអាមេរិកខាងជើង ៦ កៅអីកន្លះ, ទ្វីបអាមេរិកខាងត្បូង ៦ កៅអីកន្លះ, ទ្វីបអូសេអានី ១ កៅអីកន្លះ និងទ្វីបអឺរ៉ុប បានច្រើនជាងគេដល់ទៅ ១៦ កៅអី៕
អត្ថបទ៖ មន្នីរ័ត្ន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ