កីឡា

គ្រូ U-16 ម៉ាឡេស៊ី មានទំនុកចិត្តឈ្នះពាន AFF U-16 ខណៈថ្ងៃនេះបើកឆាកជួបកម្ពុជា

បានផុស

២ years មុន

នៅ

ថ្ងៃអង្គារ ២ សីហា ២០២២

ដោយ

ពានរង្វាន់បាល់ទាត់យុវជនអាស៊ានអាយុក្រោម១៦ឆ្នាំ (AFF U-16 Boys’s Championship 2022) សម្រាប់ពូល C របស់ U-16 កម្ពុជា នឹងចាប់ផ្ដើមនៅថ្ងៃនេះ ដោយក្រុមគោព្រៃវ័យជំទង់ នឹងត្រូវជួប U-16 ម៉ាឡេស៊ី។ មុនការប្រកួតមកដល់ គ្រូ U-16 បានបង្ហាញទំនុកចិត្តរហូតដល់ជឿជាក់ថា ឈ្នះពាន ដោយយកគំរូតាមក្រុមជម្រើសជាតិឈុតធំ និងឈុត U-19។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Osmeira Omaro គ្រូបង្វឹក U-16 ម៉ាឡេស៊ី បានបញ្ជាក់ទាំងទំនុកចិត្ត នោះគឺជាគោលដៅ ‘ប្រាកដនិយមបំផុត’ ដោយពិចារណាលើការបង្ហាញទម្រង់លេងបច្ចុប្បន្នរបស់កូនក្រុមលោកលេង ដែលកំពុងធ្វើបានល្អបំផុត។ «ខ្ញុំគិតថាប្រសិនបើយើងទៅប្រកួត យើងប្រាកដជាព្យាយាមសម្រេចបានលទ្ធផលល្អបំផុត និងជាក់ស្តែងបំផុត។ ដូច្នេះខ្ញុំគិតថាគោលដៅជើងឯក សម្រាប់ការលើកនេះនេះគឺជាក់ស្តែង និងអាចសម្រេចបាន។» សម្ដីលោក Osmeira Omaro និយាយមុនចាកចេញពីប្រទេសម៉ាឡេស៊ី។

លោកបានបន្តថា៖ «រហូតមកដល់ពេលនេះ ក្រុមស្ថិតក្នុងស្ថានភាពល្អ ហើយទំនុកចិត្តរបស់ពួកគេខ្ពស់ល្មមនឹងប្រឈមមុខនឹងការប្រកួតលើកនេះ។» ការប្រកួតរវាង U-16 ម៉ាឡេស៊ី ជាមួយ U-16 កម្ពុជា នឹងធ្វើឡើងនៅវេលាម៉ោង ៧:០០នាទីយប់ នាកីឡដ្ឋាន Stadion Maguwoharjo ប្រទេសឥណ្ឌូណេស៊ី។