កីឡា
គ្រូបង្វឹកអគ្គិសនីកម្ពុជាថា ការមិនដែលចាញ់នៅលីគទី ២ ជាកម្លាំងចិត្តប្រកួតក្នុងពានរង្វាន់សម្តេចតេជោ
ក្លិបបាល់ទាត់អគ្គិសនីកម្ពុជា ត្រូវបានគេទទួលស្គាល់ថាជាក្លិបដែលប្រើប្រាស់កីឡាករកម្ពុជាសុទ្ធសាធក្នុងលីគ ខណៈក្រុមនេះក៏នឹងត្រូវត្រៀមប្រកួតក្នុងពានរង្វាន់សម្តេចតេជោ ហ៊ុន សែន ជាពានរង្វាន់ដែលពុំអនុញ្ញាតឱ្យមានកីឡាករបរទេសចូលរួមឡើយ។
ពានរង្វាន់សម្តេចតេជោ ហ៊ុន សែន រសៀលនេះ ក្លិបអគ្គិសនីកម្ពុជា នឹងត្រូវជួបប្រកួតជាមួយ ក្លិបគីរីវង់សុខសែនជ័យ វគ្គ ១៦ ក្រុមចុងក្រោយ ជើងទី ១។ ខណៈក្រុមដែលគេនិយមហៅ EDC មួយនេះ កំពុងធ្វើបានយ៉ាងល្អនៅលីគលំដាប់ទី ២ កម្ពុជា ជាមួយកំណត់ត្រាមិនដែលចាញ់ ១៣ ប្រកួតជាប់ៗគ្នា។
គ្រូបង្វឹកអគ្គិសនីកម្ពុជា លោក ទុំ សារ៉ាយ បានប្រាប់ ‘កម្ពុជាថ្មី’ ដូច្នេះថា៖ «ការប្រកួតជាមួយគីរីវង់ គឺយើងបានត្រៀមខ្លួនរួចរាល់អស់ហើយ ទាំងកីឡាករគឺពេញជើងល្អ ហើយអត់មានអ្នករបួស ហើយស្មារតី និងការហ្វឹកហាត់របស់ពួកគាត់គឺពេញ។» «ការមិនដែលចាញ់នៅលីគទី ២ នេះ ធ្វើឱ្យកីឡាករនៅក្រុមអគ្គិសនីទាំងអស់គាត់មានកម្លាំងចិត្ត និងការហ្វឹកហាត់ និងបន្តប្តេជ្ញាធ្វើឱ្យបានល្អនៅការប្រកួតបន្តបន្ទាប់ទៀត។» គ្រូអគ្គិសនីកម្ពុជា បានបន្ថែមជុំវិញការមិនដែលចាញ់នៅលីគទី ២ ជាទំនុកចិត្តដល់ពានសម្តេចតេជោ។
អតីតកីឡាកររបស់ក្លិបព្រះខ័នរាជស្វាយរៀង (២០១០-២០១៤) រូបនេះបាននិយាយពីគូប្រកួតផងដែរថា៖ «ទម្រង់លេងរបស់គីរីវង់គាត់នៅលីគកំពូលក៏យើងមិនអាចមើលងាយសមត្ថភាពគាត់ដែរ ព្រោះបទពិសោធន៍កីឡាករខ្មែរៗគាត់ក៏ល្អមួយចំនួនដែរ ទោះបីជាគាត់នៅក្នុងលីគកំពូលគាត់ប្រើកីឡាករបរទេសក៏ពិតមែន តែកីឡាករខ្មែរគាត់ក៏នៅតែមានកម្រិតល្អ។ អ៊ីចឹងក្នុងការប្រកួតស្អែកនេះក្រុមអគ្គិសនី អត់អាចមើលងាយក្រុមគីរីវង់ បានទេ ដោយសារយើងជាក្រុមមួយដែលនៅលីគ ២ រីឯគាត់ គឺជាក្រុមដែលនៅលីគកំពូល។»
សូមបញ្ជាក់ថា ការប្រកួតរវាង ក្លិបបាល់ទាត់អគ្គិសនីកម្ពុជា ជាមួយ ក្លិបបាល់ទាត់គីរីវង់សុខសែនជ័យ នឹងធ្វើឡើងនៅកីឡដ្ឋានអគ្គិសនីកម្ពុជា នាវេលាម៉ោង ៣:៣០ នាទីរសៀល៕
អត្ថបទ៖ មន្នីរ័ត្ន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ