កីឡា
គ្រូព្រះខ័នរាជស្វាយរៀង និយាយពីរបៀបនៃការផ្លាស់ប្ដូរ មិន រតនៈ នៅក្នុងការប្រកួតនារដូវកាលនេះ
ក្លិបព្រះខ័នរាជស្វាយរៀង បាននឹងកំពុងរក្សាទម្រង់លេងបានយ៉ាងល្អពីមួយសប្ដាហ៍ទៅមួយសប្ដាហ៍ ខណៈសប្ដាហ៍ថ្មីៗនេះ ទើបតែបានយកឈ្នះ ក្លិបអង្គរថាយហ្គឺរ ដោយលទ្ធល ០-៤ នៅលើទឹកដីអង្គរ ខេត្តសៀមរាប។
អ្វីដែលគួរឱ្យចាប់អារម្មណ៍ គ្រូបង្វឹករបស់ក្លិបមានមូលដ្ឋាននៅខេត្តស្វាយរៀង លោក Conor Nestor ក៏បានបង្ហើបជុំវិញការផ្លាស់ប្ដូរកីឡាករយុវជនដូចជា មិន រតនៈ ជាមួយ ជូ ស៊ិនទី ជាដើមដែលគឹសង្កេតឃើញមានការដោះដូរគ្នាទៅវិញទៅមកនៅតាមការប្រកួតនីមួយៗ។
លោក Conor Nestor បានឱ្យ ‘កម្ពុជាថ្មី’ ដឹងថា៖ «សម្រាប់ខ្ញុំ យើងតែងតែមានផែនការសម្រាប់ ៦០នាទីដំបូង និងផែនការសម្រាប់ ៣០នាទីចុងក្រោយ។ នៅក្នុងប្រកួតមួយចំនួន ខ្ញុំត្រូវការកីឡាករប្រភេទផ្សេងៗគ្នា ដើម្បីអាចលេងបានក្នុងរយៈពេល ៣០នាទីចុងក្រោយ។»
«នៅក្នុងការប្រកួតនេះ យើងមានអារម្មណ៍ថាអង្គរថាយហ្គឺរ ក្នុងរយៈពេល ៣០នាទីចុងក្រោយនៃការប្រកួត គេបានបន្សល់ទុកចន្លោះធំរវាងតំបន់ខ្សែបម្រើ និងតំបន់ការពារ ដូច្នេះខ្ញុំចង់ឱ្យរតនៈ (មិន រតនៈ) ធ្វើឱ្យមានការផ្លាស់ប្ដូរសម្រាប់រយៈពេលនេះ ព្រោះគាត់អាចបង្កើតឱកាស និងរកគ្រាប់បាល់បាន នៅពេលដែលការប្រកួតកាន់តែបើកចំហ។»
គួរដឹងដែរថា គេសង្គេតឃើញ មិន រតនៈ ត្រូវបានលោក Conor Nestor ដាក់ឱ្យនៅជាកីឡាករបម្រុង ខណៈតែងតែផ្លាស់ប្ដូរចូលនៅវគ្គទី២ ហើយរៀងរាល់ពេលដែលគេប្ដូរចូលគឺតែងតែធ្វើឱ្យការប្រកួតមានការប្រែប្រួល។ សប្ដាហ៍មុននៅពេលដែលគេផ្លាស់ប្ដូរចូល គឺអាចរកគ្រាប់បាល់បានផងដែរ គ្រាដែលជួយឱ្យក្រុមឈ្នះម្ចាស់ផ្ទះអង្គរថាយហ្គឺរ ០-៤៕
អត្ថបទ ៖ មន្នីរ័ត្ន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ