កីឡា

បាល់ទះអង្គុយកម្ពុជា ឈ្នះមេដាយមាសអាស៊ានប៉ារ៉ាហ្គេម ជាលើកដំបូងក្នុងប្រវត្តិសាស្ត្រ

បានផុស

៣ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

ក្រុមបាល់ទះអង្គុយជម្រើសជាតិកម្ពុជា បានឈ្នះមេដាយមាសលើកដំបូងជាប្រវត្តិសាស្ត្រ ក្នុងព្រឹត្តិការណ៍កីឡាអាស៊ានប៉ារ៉ាហ្គេម ដែលកំពុងធ្វើលើកទី ១១ ឆ្នាំ ២០២២ នៅប្រទេសឥណ្ឌូនេស៊ី ក្រោយយកឈ្នះថៃ ៣ សិតទល់ ១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការប្រកួតកម្ពុជា យកឈ្នះថៃ ពោលគឺសិតទី ១ កម្ពុជា ឈ្នះទាំងលំបាក ២៣-២៥ បន្ទាប់ពីថៃនាំមុខស្ទើរតែឈ្នះទៅហើយ តែកម្ពុជាវាយបកបានយ៉ាងអស្ចារ្យ។ សិតទី ២ កម្ពុជា បានយកឈ្នះជាថ្មី ដោយនាំរហូតដល់ឈ្នះ ២២-២៥ លុះចូលដល់សិតទី ៣ ថៃ បានវាយបកយកឈ្នះវិញ ២៥-១៩ នៅសិតទី ៤ កម្ពុជា បានធ្វើឱ្យក្លាយសិតកាត់សេចក្ដី ដោយយកឈ្នះវិញ ២២-២៥។

បញ្ជាក់ថា នេះជាការប៉ុនប៉ងបានសម្រេច បន្ទាប់ពីក្រុមបាល់ទះអង្គុយជម្រើសជាតិកម្ពុជា បានឡើងដល់វគ្គផ្ដាច់ព្រ័ត្រម្ដង កាលពីអាស៊ានប៉ារ៉ាហ្គេម លើកទី ១០ នៅម៉ាឡេស៊ី លើកចុងក្រោយ កម្ពុជា បានត្រឹមមេដាយប្រាក់ ក្រោយចាញ់មីយ៉ាន់ម៉ា នៅវគ្គផ្ដាច់ព្រ័ត្រ៕

អត្ថបទ៖ មន្នីរ័ត្ន

Related Topics:កីឡាបាល់ទះ