កីឡា
អនុប្រធានសហព័ន្ធបាល់ទាត់កម្ពុជា ជុំវិញការចាប់ឆ្នោតពានរង្វាន់ជើងឯកអាស៊ីអាគ្នេយ៍ AFF Championship 2022
ការរាប់ថយក្រោយនៃពានរង្វាន់ជើងឯកអាស៊ីអាគ្នេយ៍ (AFF Mitsubishi Electric Cup 2022) ដែលប្ដូរឈ្មោះពី AFF Suzuki Cup ក្រោយទទួលបានម្ចាស់ឧបត្ថម្ភថ្មី នឹងចាប់ផ្តើម ខណៈដែលសហព័ន្ធកីឡាបាល់ទាត់អាស៊ាន (AFF) បានប្រកាសនៅថ្ងៃនេះថា ការចាប់ឆ្នោតជាផ្លូវការនឹងធ្វើឡើងនៅទីក្រុងបាងកក ប្រទេសថៃ នាថ្ងៃអង្គារ ទី៣០ ខែសីហា។
ការចាប់ឆ្នោតជាផ្លូវការនឹងធ្វើឡើងនៅទីក្រុងបាងកក ប្រទេសថៃ ដោយមានតំណាងមកពីក្រុមប្រឹក្សាសហព័ន្ធ, សហព័ន្ធដែលជាសមាជិក និងក្រុមចូលរួមមួយចំនួនដែលរំពឹងថា នឹងចូលរួម។ ប្រទេសទាំង ៩ ក្នុងការចាប់ឆ្នោតមានកម្ពុជា, ឥណ្ឌូណេស៊ី, ឡាវ, ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, ថៃ និងវៀតណាម ខណៈព្រុយណេ ជាមួយទីម័រខាងកើត នឹងប្រជែងគ្នាដណ្តើមកៅអីចុងក្រោយ អំឡុងពេលការប្រកួតជម្រុះ។
លោកឧត្តមសេនីយ៍ទោ ខៀវ សាម៉េត ប្រធានសហព័ន្ធកីឡាបាល់ទាត់អាស៊ីអាគ្នេយ៍ (AFF) និងជាអនុប្រធានសហព័ន្ធកីឡាបាល់ទាត់កម្ពុជា (FFC) មានប្រសាសន៍ថា៖ «ការប្រកាសថ្ងៃចាប់ឆ្នោតបែងចែកពូលជាផ្លូវការថ្ងៃនេះ គឺជាជំហានឆ្ពោះទៅមុខយ៉ាងសំខាន់ក្នុងការរៀបចំការប្រកួតពានរង្វាន់ AFF Mitsubishi Electric Cup 2022។ យើងជឿជាក់ថាអ្នកគាំទ្រ រួមទាំងក្រុមជម្រើសជាតិ នឹងទទួលបានក្តីរំភើបជាមួយយើង ហើយការចាប់ឆ្នោតនឹងចាប់ផ្តើម ការប្រកួតបាល់ទាត់ដ៏ធំបំផុតរបស់តំបន់ដែលគ្រោងប្រព្រឹត្តទៅនៅចុងឆ្នាំនេះ»។
AFF Mitsubishi Electric Cup 2022 នឹងឃើញក្រុមដែលមានសមត្ថភាពចំនួន ១០ ប្រកួតប្រជែងដណ្តើមពានដែលគ្រប់គ្នាចង់បានបំផុតនៅក្នុងបាល់ទាត់អាស៊ាន។ ចូលដល់ការប្រកួតលើកទី ១៤ របស់ខ្លួន ការប្រកួតនៅឆ្នាំនេះ នឹងត្រលប់មកលេងទម្រង់ (ក្នុងដី និងក្រៅដី) ពេញលេញវិញផងដែរ បន្ទាប់ពីលើកចុងក្រោយពុំត្រូវបានប្រើរូបមន្តនេះដោយសារវិបត្តកូវីដ-១៩។
ការចាប់ឆ្នោតជាផ្លូវការនឹងបែងចែកជា ២ ពូល ក្នុងមួយពូលមាន ៥ ក្រុម ដោយក្រុមនីមួយៗលេង ២ ប្រកួតក្នុងដី និង ២ ប្រកួតក្រៅដី។ បន្ទាប់មកក្រុមកំពូលទាំងពីរ នៃពូលនីមួយៗនឹងឈានទៅវគ្គជម្រុះចាញ់ធ្លាក់ ដែលមាន ២ ជើង គឺវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។ តាមគម្រោងពានរង្វាន់នេះនឹងចាប់ផ្ដើមនៅអំឡុងដើមខែធ្នូ ឆ្នាំ ២០២២ ហើយបញ្ចប់ទៅវិញនៅដើមខែមករា ឆ្នាំ ២០២៣៕
អត្ថបទ៖ មន្នីរ័ត្ន
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ