កីឡា

Marcus ស៊ុត២គ្រាប់សប្តាហ៍ទី១៥ ឡើងឈរលើកំពូលតារាងគ្រាប់បាល់វិញ

បានផុស

២ years មុន

នៅ

ថ្ងៃចន្ទ ១៥ សីហា ២០២២

ដោយ

បន្ទាប់ពីបាត់បង់តំណែងកំពូលតារាងនៃកីឡាកររកគ្រាប់បាល់បញ្ចូលទីច្រើនជាងគេមួយរយៈពេល ខ្សែប្រយុទ្ធ Marcus Haber បានឡើងឈរលើកំពូលតារាងវិញហើយ ក្រោយរកបាន២គ្រាប់ក្នុងការប្រកួតសប្តាហ៍ទី១៥នៃជម្រើសជើងឯកខេមបូឌានព្រីមៀរលីគ ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសប្តាហ៍ទី១៣ និង១៤ ខ្សែប្រយុទ្ធមុតស្រួច Takumu Nishihana របស់ក្លឹបក្រសួងការពារជាតិជាអ្នកឈរលើកំពូលតារា បន្ទាប់ពីរកបានគ្រាប់បាល់ជាបន្តបន្ទាប់រហូតដល់១៦គ្រាប់ដើម្បីដាច់គ្រាប់បាល់របស់ Marcus Haber ដែលមាន១៥គ្រាប់។

ប៉ុន្តែសម្រាប់ការប្រកួតក្នុងសប្តាហ៍ទី១៥នៅពេលព្រះខ័នរាជស្វាយរៀងបានយកឈ្នះគិរីវង់សុខសែនជ័យដ៏ធំធេងក្នុងលទ្ធផល ១០-០។ ក្នុងចំណោមគ្រាប់បាល់ទាំង១០គ្រាប់នេះ Marcus Haber ស៊ុតបាន២គ្រាប់ដែលសរុប១៧គ្រាប់នាំមុខ Takumu ដើម្បីឈរលើកំពូលតារាង។

ឈានដល់សប្តាហ៍ទី១៥ ព្រះខ័នរាជស្វាយរៀងនៅតែបន្តនាំមុខក្រុមលេខ២ចំនួន១០ពិន្ទុ ដោយឈរលើកំពូលតារាងជាមួយនឹងពិន្ទុសរុប៣៨ ខណៈវិសាខាមាន២៨ពិន្ទុ ហើយក្រុមលេខ៣ បឹងកេតមាន២៧ពិន្ទុ៕