កីឡា
កក្រើកទៀតហើយ! ធន់ ផានិត ប៉ះខ្លាចាស់មុខស្វិត ទួនប៉េ ថ្ងៃអាទិត្យនេះ
នាថ្ងៃអាទិត្យ ទី២១ ខែសីហានេះ នៅសង្វៀនបាយ័នស្ទឹងមានជ័យ អ្នកប្រដាល់វ័យក្មេងល្បីលើសង្វៀន ធន់ ផានិត ត្រូវប៉ះដៃគូចាស់ ទួនប៉េ ស៊ីតសាម ផាយ៉ាក់ សម្រាប់ការប្រកួតសន្សំពិន្ទុក្នុងពូលជុំទី៣ ដើម្បីស្វែងរកឱកាសឡើងទៅវគ្គពាក់កណ្តាលផ្តាច់ព្រ័ត្រខ្សែក្រវាត់ភេសជ្ជៈប៉ូវកម្លាំងខារ៉ាបាវរដូវកាលទី៨ ឆ្នាំ២០២២។
អ្នកលេងឆ្លងដែន ទួនប៉េ ជាកីឡាករចាស់វស្សា និងបទពិសោធជោកជាំទាំងសង្វៀនប្រទេសថៃ និងលើទឹកដីកម្ពុជា។ រូបគេតែងតែធ្វើឲ្យកក្រើកសង្វៀនគុនខ្មែររាល់ពេលដែលរូបគេប្រកួត។ ភាពខ្លាំងរបស់កីឡាករថៃរូបនេះគឺរឹងមាំ ស៊ុហ្វខ្លាំង វ៉ៃមិនចេះអស់ និងមិនងាយសន្លប់។
សម្រាប់ការប្រកួតវគ្គសន្សំពិន្ទុខ្សែក្រវាត់ភេសជ្ជៈប៉ូវកំលាំងខារ៉ាបាវរដូវកាលទី៨នេះ ទួនប៉េ មិនទាន់ស្គាល់បរាជ័យឡើយ បន្ទាប់ពីប្រកួត២លើកកន្លងមកទទួលបានជ័យជម្នះទាំងជម្រូងចម្រាសលើ ជើងខ្លាំងគុនខ្មែរ ពេជ្រ សម្បត្តិ និងបន្ទាប់មកឈ្នះ ផាន់ ផាត់ណាត់ ដើម្បីមាន៦ពិន្ទុពេញ។
ចំណែកអ្នកលេងគុនខ្មែរ ធន់ ផានិត ជាបេក្ខភាពមួយរូបដែលអ្នកគាំទ្រសង្ឃឹមច្រើនក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ។ កីឡាករគុនខ្មែររូបនេះកាយសម្បទាខ្ពស់ល្អ អាវុធវ៉ៃចេញបានល្អទាំងកណ្តាប់ដៃ កែង ជង្គង់ និងទាត់ ហើយក៏ជាកីឡាករធន់ម្នាក់ដែរ។
សម្រាប់ការប្រកួតសន្សំពិន្ទុ២លើកកន្លងមក ធន់ ផានិត មាន៤ពិន្ទុ បន្ទាប់ពីប្រកួតលើកទី១ចាញ់ពិន្ទុកីឡាករថៃ ផាត់ថាណា និងលើកទី២ឈ្នះ ផេតម៉េតម៉ៃ។ ប្រសិនបើ រូបគេឈ្នះ ទួនប៉េ ក្នុងការប្រកួតជុំទី៣នេះ រូបគេនឹងមាន៧ពិន្ទុស្មើនឹង ពេជ្រ សម្បត្តិ ដែលកំពុងឈរលើកំពូលតារាងពូល A។
ធន់ ផានិត និង ទួនប៉េ ធ្លាប់ជួបគ្នាម្តងហើយក្នុងការប្រកួតមិត្តភាពមុនពេលប្រកួតខ្សែក្រវាត់។ កាលណោះ ធន់ ផានិត ទទួលបានជ័យជម្នះដោយពិន្ទុ។ ពេលនោះការប្រកួត៥ទឹកលើសង្វៀនឃើញថា ទួនប៉េ ត្រូវបាន ធន់ ផានិត វ៉ៃចូលច្រើនទាំងកណ្តាប់ដៃ ជង្គង់ និងកែង ហើយបែកក្បាលឈាមហូរស្រោចខ្លួនទៀតផង ប៉ុន្តែកីឡាករថៃម្នាក់នេះនៅតែរឹងមាំ ដើរចូលវ៉ៃ៥ទឹកពេញ។
ទន្ទឹមជាមួយគ្នានេះ បេក្ខភាពដែលមិនទាន់ស្គាល់ជ័យជម្នះដូចគ្នាទាំងកីឡាករខ្មែរ និងកីឡាករថៃ គឺ ផាន់ ផាត់ណាត់ ត្រូវប្រកួតជាមួយ ផេតម៉េតម៉ៃ ដើម្បីរកឃើញម្នាក់ស្គាល់ជ័យជម្នះលើកដំបូង បន្ទាប់ពីបានចាញ់២ប្រកួតដូចគ្នា។
សូមបញ្ជាក់ថា ការប្រកួតវគ្គសន្សំក្នុងពូលនេះ បេក្ខភាពគុនខ្មែរ៤រូបមិនប៉ះគ្នាទេ ហើយកីឡាករថៃ៤រូបក៏មិនប៉ះគ្នាដែរ ពោលគឺកីឡាករខ្មែរប៉ះកីឡាករថៃដែលម្នាក់ៗមានការប្រកួត៤ដង។ អ្នកលេខ១ និងលេខ២នៃពូលនីមួយៗត្រូវប្រកួតគ្នាក្នុងវគ្គពាក់កណ្តាលផ្តាច់ព្រ័ត្រដើម្បីយកឈ្នះឡើងទៅវគ្គផ្តាច់ព្រ័ត្រ។
ពិន្ទុបណ្តោះអាសន្នពូលខ្មែរ (A)
- ពេជ្រ សម្បត្តិ មាន៧ពិន្ទុ (៣ប្រកួត) ចាញ់ ទួនប៉េ, ឈ្នះ រ៉ាថែ និងឈ្នះ ផាត់ថាណា
- ជ័រ ពៅ មាន៥ពិន្ទុ (៣ប្រកួត) ឈ្នះផេតម៉េតម៉ៃ, ចាញ់ ផាត់ថាណា និងចាញ់ រ៉ាថែ
- ធន់ ផានិត មាន៤ពិន្ទុ (២ប្រកួត) ចាញ់ ផាត់ថាណា និង ឈ្នះ ផេតម៉េតម៉ៃ
- ផាន់ ផាត់ណាត់ មាន២ពិន្ទុ (២ប្រកួត) ចាញ់ ទួនប៉េ និងចាញ់ រ៉ាថែ
ពិន្ទុបណ្តោះអាសន្នពូលថៃ (B)
- រ៉ាក់ថែ មាន៧ពិន្ទុ (៣ប្រកួត) ឈ្នះ ផាន់ ផាត់ណាត់, ចាញ់ ពេជ្រ សម្បត្តិ និងឈ្នះ ជ័រ ពៅ
- ផាត់ថាណា មាន៧ពិន្ទុ (៣ប្រកួត) ឈ្នះ ធន់ ផានិត, ឈ្នះ ជ័រ ពៅ និងចាញ់ ពេជ្រ សម្បត្តិ
- ទួនប៉េ មាន៦ពិន្ទុ (២ប្រកួត) ឈ្នះ ពេជ្រ សម្បត្តិ និងឈ្នះ ផាន់ ផាត់ណាត់
- ផេតម៉េតម៉ៃ មាន២ពិន្ទុ (២ប្រកួត) ចាញ់ ធន់ ផានិត និងចាញ់ ជ័រ ពៅ
អត្ថបទ៖ វីរបុត្រ
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?