កីឡា

សំបុត្រជាង ២ លានកន្លះ ត្រូវបានលក់អស់សម្រាប់ពានរង្វាន់ FIFA World Cup 2022

បានផុស

២ years មុន

នៅ

ថ្ងៃសុក្រ ១៩ សីហា ២០២២

ដោយ

រហូតមកដល់ពេលនេះ សំបុត្រសរុបចំនួន ២,៤៥ លាន ត្រូវបានលក់អស់ សម្រាប់ការប្រកួតបាល់ទាត់ពិភពលោក (2022 FIFA World Cup) នៅប្រទេសកាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការប្រកួត World Cup ដែលនឹងចាប់ផ្តើមនៅថ្ងៃទី ២០ ខែវិច្ឆិកា នៅពេលដែលម្ចាស់ផ្ទះកាតា ទទួល អេក្វាឌ័រ។ ត្រូវបានដឹងថាអ្នកគាំទ្រមកពីសហរដ្ឋអាមេរិក, អង់គ្លេស, អារ៉ាប៊ីសាអូឌីត, ម៉ិកស៊ិក, អារ៉ាប់រួម, បារាំង, អាហ្សង់ទីន, ប្រេស៊ីល, អាឡឺម៉ង់ និងប្រទេសម្ចាស់ផ្ទះផ្ទាល់ បានទិញច្រើនបំផុតនៃសំបុត្រ។

សំបុត្រសរុបចំនួន ៥២០,៥៣២ ត្រូវបានលក់អស់ ក្នុងអំឡុងពេលនៃការលក់ដ៏កម្រថ្មីៗនេះ ចាប់ពីថ្ងៃទី ០៥ ខែកក្កដា ដល់ថ្ងៃទី ១៦ ខែសីហា។

ការលក់សំបុត្រនឹងបន្តរហូតដល់ចុងបញ្ចប់នៃការប្រកួត ហើយ FIFA ជំរុញឱ្យអ្នកគាំទ្រ “ចូលមើលតែនៅលើ FIFA.com/tickets ចាប់ពីចុងខែកញ្ញាតទៅ នៅពេលដែលកាលបរិច្ឆេទចាប់ផ្តើមនៃដំណាក់កាលលក់ចុងក្រោយនឹងត្រូវបានបង្ហាញ”។

បាល់ទាត់ពិភពលោក នៅប្រទេសកាតា ឆ្នាំ ២០២២ នឹងក្លាយជាការប្រកួតបាល់ទាត់ពិភពលោកដំបូងគេដែលធ្វើឡើងនៅមជ្ឈិមបូព៌ា ដោយការប្រកួតចុងក្រោយគ្រោងនឹងធ្វើឡើងនៅកីឡដ្ឋាន Lusail Iconic នៅថ្ងៃទី ១៨ ខែធ្នូ៕

អត្ថបទ៖ មន្នីរ័ត្ន