កីឡា

ប៉ះគ្នាលើកទី៣ថ្ងៃនេះ ភ្នំពេញក្រោន អាចឈ្នះ ព្រះខ័នរាជស្វាយរៀងអត់?

បានផុស

២ years មុន

នៅ

ថ្ងៃសៅរ៍ ២០ សីហា ២០២២

ដោយ

ភ្នំពេញក្រោននឹងបើកទ្វារកីឡដ្ឋាន ស្មាតអអេសអិន វេលាម៉ោង៦:៣០ល្ងាចថ្ងៃសៅរ៍ ទី២០ ខែសីហានេះដើម្បីទទួលក្រុមខ្លាំងកំពូលតារាង ព្រះខ័នរាជស្វាយរៀង សម្រាប់ការប្រកួតជុំទី៣នៃជម្រើសជើងឯកខេមបូឌានព្រីមៀរលីគរដូវកាល២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការជួបគ្នា២លើកកន្លងមកក្នុងលីគកំពូលកម្ពុជារដូវកាលនេះ ភ្នំពេញក្រោន មិនធ្លាប់ឈ្នះព្រះខ័នរាជស្វាយរៀងឡើយ។ កាលពីជើងទី១ ថ្ងៃ១២ ខែមីនា ព្រះខ័នរាជស្វាយរៀងបានយកឈ្នះភ្នំពេញក្រោនដោយលទ្ធផល ៣-១ នៅទឹកដីរបស់ភ្នំពេញក្រោន។ ៣គ្រាប់របស់ព្រះខ័នរាជស្វាយរៀងរកបានដោយកីឡាករកម្ពុជាទាំងអស់គឺ គឹម សុខយុទ្ធ, សារ៉េត គ្រីយ៉ា និង ឡុង ភារ៉ាត់ ខណៈ១គ្រាប់របស់ភ្នំពេញក្រោនរកបានដោយកីឡាករអាហ្វហ្គានីស្ថាន Fareed Sadat។

ចំណែកការប្រកួតជើងទី២ ភ្នំពេញក្រោនហាក់ធ្វើបានល្អជាងជើងទី១ ប៉ុន្តែនៅតែចាញ់ដោយសារព្រះខ័នរាជស្វាយរៀងបានយកឈ្នះនៅចុងម៉ោងដោយលទ្ធផល ១-០ ប៉ុណ្ណោះនៅទឹកដីខ្លួនឯង។ ១គ្រាប់របស់ព្រះខ័នរាជស្វាយរៀងធ្វើបានសម្រេចដោយកីឡាករ Marcus Haber នៅម៉ោង៩០+២ទៅហើយ។

ភ្នំពេញក្រោនធ្វើបានល្អច្រើនសម្រាប់ជើងទី២នេះ រហូតឡើងឈរក្នុងចំណោមកំពូលតារាងទាំង៤ ជាមួយនឹង២០ពិន្ទុ ខណៈព្រះខ័នរាជស្វាយរៀងមាន៣៨ពិន្ទុ កំពុងឈរលើកំពូលតារាង និងទើបតែចាញ់១ដងក្នុងការប្រកួតទាំងពីរជុំ៕