កីឡា
កំពុងលេចធ្លោក្នុងពានសម្តេចតេជោ តើ ចន្ថា ចន្ធាកា មានប្រវត្តិយ៉ាងណា?
ចន្ថា ចន្ធាកា ជាខ្សែប្រយុទ្ធកំពុងលេចធ្លោម្នាក់ដែលជួយក្លឹបអគ្គិសនីកម្ពុជាឈរលើកំពូលតារាងនៃជម្រើសជើងឯកលីគទី២ និងឡើងវគ្គ៨ក្រុមចុងក្រោយពានរង្វាន់សម្តេចតេជោ ហ៊ុន សែន លើកទី១៦ ឆ្នាំ២០២២។
សម្រាប់អាជីពបាល់ទាត់ ចន្ថា ចន្ធាកា មិនសូវទទួលបានការជំរុញលើកទឹកចិត្តប៉ុន្មានពីក្រុមគ្រួសារឡើយកាលពីដំបូង ដោយសារពួកគាត់ចង់ឲ្យរូបគេផ្តោតលើការសិក្សាច្រើនជាង ប៉ុន្តែក្តីស្រឡាញ់នៅក្នុងបាល់ទាត់របស់គេពិតជាធំធេង និងមិនអាចកាត់ថ្លៃបាន។
ចន្ថា ចន្ធាកា បានរៀបរាប់ថា តាំងពីក្មេងតូចមក រូបគេតែងតែលេងបាល់ទាត់តាមដងផ្លូវ និងដើរលេងបាល់ទាត់ជាមួយមិត្តភក្តិតាមភូមិឃុំស្ទើររាល់ថ្ងៃ បើទោះជាថ្ងៃរៀនក៏រូបគេចោលសាលាទៅលេងបាល់ទាត់ដែរ។ មុនពេលទទួលបានឱកាសលេងនៅក្លឹបលក្ខណៈអាជីពអគ្គិសនីកម្ពុជាដើមឆ្នាំ២០២០ រូបគេបានលេងឲ្យក្រុមហ្វូតសាលជាច្រើនដូចជា Down Town, ឱម៉ាល់, មហាកាម្យូរ៉ាជាដើម។ រូបគេក៏ធ្លាប់ជាប់ក្នុងក្រុមហ្វូតសាលជម្រើសកម្ពុជាទៅប្រកួតនៅប្រទេសឥណ្ឌូនេស៊ី។
«ថ្ងៃមួយ ប្រហែលជាឆ្នាំ២០១១ ខ្ញុំបានទៅមើលការប្រកួតលីគ។ ពេលនោះធ្វើឲ្យខ្ញុំមានក្តីស្រមៃចង់លេងកម្រិតអាជីព។ ខ្ញុំក៏កាន់តែខំប្រឹងលេងបាល់ទាត់ខ្លាំងឡើង ប៉ុន្តែខ្ញុំពិបាកក្នុងការហ្វឹកហាត់ណាស់ ព្រោះអ្នកផ្ទះខ្ញុំទាំងម៉ាក់ ទាំងបងស្រី អត់ឲ្យខ្ញុំលេងបាល់ទេ។ ពួកគាត់ខ្លាចខ្ញុំមានរបួសបាក់ដៃបាក់ជើងអីជាដើម ពិសេសពួកគាត់ឲ្យខំប្រឹងរៀនសូត្រ»។ ចន្ធាកាបានប្រាប់។
ខ្សែប្រយុទ្ធអគ្គិសនីកម្ពុជារូបបនេះបន្តថា ៖«ប៉ុន្តែពេលខ្លះ ខ្ញុំអត់ទៅរៀន តែទៅលេងបាល់។ មិនមែនពេលខ្លះស្ទើរតែរាល់ថ្ងៃ។ អាយុប្រហែលជា១៤ឆ្នាំ ខ្ញុំបានចូលហ្វឹកហាត់ជាមួយយុវជនព្រះខ័នរាជស្វាយរៀង។ ខ្ញុំបានដើរចម្ងាយប្រហែល៦ទៅ៧គីឡូពីផ្ទះទៅហាត់។ រឿងដែលខ្ញុំចាំអត់ភ្លេចគឺ ពេលចេញពីរៀន ខ្ញុំលួចទៅលេងបាល់ តែម៉ាក់ដឹង គាត់បានទៅស្តីឲ្យ រករឿងដល់កន្លែងលេង។ ពេលខ្លះ ខ្ញុំអត់ហ៊ានយកខោវ ស្បែកជើងទៅផ្ទះទេគឺយកទៅផ្ញើជាមួយមិត្តភក្តិ»។
ចន្ថា ចន្ធាកា ធ្លាប់បានហ្វឹកហាត់ជាមួយយុវជនព្រះខ័នរាជស្វាយរៀងប្រហែលជាកន្លះឆ្នាំ ប៉ុន្តែដោយសារចំឆ្នាំដែលរូបគេត្រូវប្រឡងសញ្ញាបត្រមធ្យមសិក្សាទុតិយភូមិ និងត្រូវបានក្រុមគ្រួសារបង្ខំផងនោះ រូបគេបានឈប់ពីបាល់ទាត់ប្រហែលជាកន្លះឆ្នាំដើម្បីប្រឹងសិក្សាសម្រាប់ប្រឡង។
បន្ទាប់ពីបាលចូលរួមជាមួយក្លឹបអគ្គិសនីកម្ពុជា កីឡាករដែលមានដើមកំណើតនៅក្រុងភ្នំពេញទទួលបានឱកាសបង្ហាញខ្លួនលើទីលានជាញឹកញាប់ទាំងក្នុងការប្រកួតលីគ និងពានសម្តេចតេជោ ហ៊ុន សែន។
ជាពិសេសនៅរដូវកាល២០២២ រូបគេបានបង្ហាញខ្លួនជម្រើសដំបូងស្ទើរមិនដាច់ និងស៊ុតបញ្ចូលទីជាញឹកញាប់ដែលជួយអគ្គិសនីកម្ពុជាឈរលើកំពូលតារាងលីគទី២ និងឡើងវគ្គ៨ក្រុមចុងក្រោយពានរង្វាន់ Hun Sen Cup។
ក្តីស្រមៃធំបំផុតរបស់ ចន្ថា ចន្ធាកា គឺជាប់ជម្រើសជាតិកម្ពុជា និងអាចបង្ហាញខ្លួនលើទីលានប្រកួតចំពោះមុខអ្នកគាំទ្រកម្ពុជា៕
អត្ថបទ៖ វីរបុត្រ
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?