កីឡា
មើលប្រវត្តិជួបគ្នា មុនព្រះខ័នរាជស្វាយរៀង ប៉ះ បឹងកេត ថ្ងៃសៅរ៍នេះ
ព្រះខ័នរាជស្វាយរៀង នឹងបើកទ្វារកីឡដ្ឋានរបស់ខ្លួនទទួលស្វាគមន៍ បឹងកេត វេលាម៉ោង៦:៣០នាទី ល្ងាច ថ្ងៃសៅរ៍ ទី២៧ ខែសីហានេះ ក្នុងសប្តាហ៍ទី១៧ នៃជម្រើសជើងឯកខេមបូឌានព្រីមៀរលីគ ២០២២ ដែលមានការផ្សាយផ្ទាល់តាមរយៈ «កម្ពុជាថ្មី»។

ព្រះខ័នរាជស្វាយរៀងឈរលើកំពូលតារាងលីគកំពូលកម្ពុជា២០២២នេះជាមួយ៣៨ពិន្ទុពីការប្រកួតឈ្នះ១២ ស្មើ២ និងចាញ់២ ប្រៀបធៀបនឹងបឹងកេតឈរលេខ៣ដែលមាន៣០ពិន្ទុ បន្ទាប់ពី១៦ប្រកួតកន្លងទៅ ឈ្នះ៩ ស្មើ៣ និងចាញ់៤។
៥ប្រកួតចុងក្រោយនៅលីគរបស់ព្រះខ័នរាជស្វាយរៀងក្នុងលីគរដូវកាលនេះ ចាញ់ភ្នំពេញក្រោន ០-៣, ឈ្នះ គិរីវង់សុខសែនជ័យ ១០-០, ចាញ់វិសាខា ១-០, ឈ្នះ អង្គរថាយហ្គឺរ ០-៤ និងឈ្នះណាហ្គាវើលដ៍ ១-០។ ចំណែក៥ប្រកួតចុងក្រោយរបស់បឹងកេតឈ្នះ ក្រសួងការពារជាតិ ៣-២, ស្មើ ណាហ្គាវើលដ៍ ០-០, ឈ្នះ ភ្នំពេញក្រោន ២-១, ឈ្នះ វិសាខា ៣-២ និងស្មើ អង្គរថាយហ្គឺរ ០-០។

ប្រវត្តិជួបគ្នា៤លើកចុងក្រោយនៃលីគកំពូលកម្ពុជារដូវកាល២០២១ និង២០២២នេះ ព្រះខ័នរាជស្វាយរៀង ឈ្នះ២ដង បឹងកេតឈ្នះ១ដង និងស្មើគ្នា១ដង។ រដូវកាល២០២១ ជើងទី១ បឹងកេតបានឈ្នះព្រះខ័នរាជស្វាយរៀង ដោយលទ្ធផល ១-២ នៅទឹកដីស្វាយរៀង នៅថ្ងៃទី១ ខែសីហា និងជើងទី២ ក្រុមទាំងពីរស្មើគ្នា ១-១ នៅទឹកដីបឹងកេត ក្នុងរាជធានីភ្នំពេញ នៅថ្ងៃទី៣០ ខែកញ្ញា។
រដូវ២០២២នេះ ជួបគ្នា២លើកកន្លងមក ព្រះខ័នរាជស្វាយរៀងបានយកឈ្នះទាំងពីរលើក។ ជើងទី១ ថ្ងៃទី២២ ខែមីនា បឹងកេត បានចាញ់ ដោយលទ្ធផល ០-៤ នៅទឹកដីស្វាយរៀង និងជើងទី២ ថ្ងៃទី២២ ខែកក្កដា ព្រះខ័នរាជស្វាយរៀង បានឈ្នះ ០-១ នៅទឹកដីបឹងកេត។

ថ្ងៃសៅរ៍ ទី២៧ ខែសីហា សប្តាហ៍នេះគឺជាការជួបគ្នាលើកទី៣នៅក្នុងលីគកំពូលកម្ពុជា ពីព្រោះគោលការណ៍ថ្មីនៃការប្រកួតលីគត្រូវធ្វើឡើង៣ដងទើបចប់វគ្គវិលជុំសន្សំពិន្ទុ។ បន្ទាប់មកក្រុមកំពូលទាំង៤ត្រូវប្រកួតខ្វែងគ្នាទៀតទើបរកក្រុមឡើងទៅប្រកួតវគ្គផ្តាច់ព្រ័ត្ររកជើងឯក៕

អត្ថបទ៖ វីរបុត្រ

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?