កីឡា

លីគបាល់ទាត់អ៊ុយក្រែនត្រលប់មកវិញ ដោយមានកន្លែងសម្រាប់កីឡាករគេចពួនពីគ្រាប់បែក

បានផុស

២ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

លីគបាល់ទាត់នៅអ៊ុយក្រែន បានចាប់ផ្តើមឡើងវិញជាលើកដំបូងចាប់តាំងពីរុស្ស៊ីបានចូលឈ្លានពានប្រទេសនេះកាលពី ៦ ខែមុន ខណៈដែល Shakhtar Donestk លេងជាមួយ Metalist Kharkiv នៅក្នុងរដ្ឋធានី Kyiv។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការត្រលប់មកវិញនៃបាល់ទាត់លីកស្របគ្នា នឹងថ្ងៃបុណ្យទង់ជាតិរបស់ប្រទេសអ៊ុយក្រែន និងមុនថ្ងៃបុណ្យឯករាជ្យជាតិអ៊ុយក្រែន ថ្ងៃទី ២៤ ខែសីហា (នៅពេលដែលប្រទេសនេះបានប្រកាសឯករាជ្យពីអតីតសាធារណរដ្ឋសហភាពសូវៀតក្នុងឆ្នាំ ១៩៩១) បន្ទាប់ពីបិទបញ្ចប់លីគរយៈពេល ៦ ខែរួចមក។ រដូវកាលថ្មីនៃលីគបានចាប់ផ្តើមជាមួយនឹង Shakhtar Donetsk លេងជាមួយ Metalist 1925 ពីតំបន់ Kharkov ដែលជាក្លិបពីរមកពីទីក្រុងនៅភាគខាងកើតនៃប្រទេសអ៊ុយក្រែន ជាចំណុចកណ្តាលនៃជម្លោះ។

មិនមានអ្នកគាំទ្រចូលរួមទេ ដោយសារការភ័យខ្លាចផ្នែកសន្តិសុខដែលកំពុងបន្ត ខណៈកន្លែងពួនពីគ្រាប់បែកក្នុងគ្រាអាសន្ន ត្រូវបានដាក់នៅក្បែរនោះ ហើយប្រសិនបើមានករណីអ្វីកើតឡើង ស៊ីរ៉ែននឹងបញ្ចេញសំឡេងតាមអាកាស។

ប្រធានក្រុម Shakhtar កីឡាករ Taras Stepanenko បានពន្យល់ប្រាប់សារព័ត៌មាន The Associated Press ថា «យើងមានច្បាប់ក្នុងករណីមានការជូនដំណឹង ហើយយើងគួរតែទៅក្រោមដី។ ប៉ុន្តែខ្ញុំគិតថាក្រុម និងកីឡាករនឹងមានមោទនភាពចំពោះព្រឹត្តិការណ៍នេះ។ យើងត្រៀមខ្លួនរួចជាស្រេច យើងមានភាពរឹងមាំ និងខ្ញុំគិតថាយើងនឹងបង្ហាញដល់ពិភពលោកទាំងមូលនូវជីវិតអ៊ុយក្រែន និងឆន្ទៈដើម្បីឈ្នះ»។

នាយកផ្នែកបាល់ទាត់របស់ Shakhtar Donestk និងជាវីរបុរសរបស់ក្លិប លោក Darijo Srna បានប្រាប់ Mirror Football កាលពីខែកក្កដា ដោយលើកឡើងពីសារៈសំខាន់នៃការវិលត្រលប់មកប្រទេសជាតិវិញថា «បាល់ទាត់គឺជាអ្វីដែលបង្រួបបង្រួមប្រជាជន ហើយអ៊ុយក្រែន គឺជាប្រទេសដែលស្រឡាញ់កីឡា យើងនឹងបង្ហាញពិភពលោកទាំងអស់ថាយើងនៅមានជីវិត និងកំពុងប្រយុទ្ធនៅលើវាលស្មៅសម្រាប់អ៊ុយក្រែន។»

ប្រភព៖ mirror

អត្ថបទ៖ មន្នីរ័ត្ន

Related Topics:កីឡាបាល់ទាត់