កីឡា
លោក ទុំ សារ៉ាយ និយាយពីក្រុម EDC កំពុងល្អក្នុងពានសម្តេចតេជោ និងលីគ២
ក្លឹបអគ្គិសនីកម្ពុជាបាននិងកំពុងធ្វើយ៉ាងល្អក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិលើកទី១៦ និងជម្រើសជើងឯកលីគទី២ បើទោះបីជាក្រុមដែលហៅ EDC ប្រើប្រាស់កីឡាករក្នុងស្រុកសុទ្ធក៏ដោយ។
ក្នុងជម្រើសជើងឯកខេមបូឌាលីគទី២ អគ្គិសនីកម្ពុជា កំពុងឈរលើកំពូលតារាង បន្ទាប់ពីការប្រកួត១៦សប្តាហ៍កន្លងទៅ ទទួលបាន៣៨ពិន្ទុពីការឈ្នះ១២ដង ស្មើ២ដង និងចាញ់២ដង ដែលដាច់ពិន្ទុក្រុមលេខ២ដល់៥ពិន្ទុគឺ កោះកុង អេហ្វស៊ី មាន៣៣ពិន្ទុ។
ចំណែកនៅក្នុងពានរង្វាន់សម្តេចតេជោ ហ៊ុន សែន វិញ អគ្គិសនីកម្ពុជាបានឡើងដល់វគ្គ៨ក្រុមចុងក្រោយហើយ។ កាលវគ្គ១៦ក្រុមចុងក្រោយថ្នាក់ជាតិ EDC បានយកឈ្នះគិរីវង់សុខសែនជ័យដែលជាក្រុមលេងនៅលីគកំពូលដោយលទ្ធផលទាំងពីរជើង៤-៣។ នៅវគ្គ៨ក្រុមចុងក្រោយ ជើងទី១កាលពីថ្ងៃទី២៤ ខែសីហានេះ អគ្គិសនីកម្ពុជាធ្វើបានល្អគឺស្មើ ១-១ ជាមួយព្រះខ័នរាជស្វាយរៀងដែលជាក្រុមកំពុងឈរលើកំពូលតារាងលីគកំពូលកម្ពុជា។
ខ្សែប្រយុទ្ធ ចន្ថា ចន្ធាកា របស់ក្លឹបអគ្គិសនីកម្ពុជា កំពុងទទួលបានការចាប់អារម្មណ៍ពីអ្នកគាំទ្រ បន្ទាប់ពីរូបគេលេង៣ប្រកួតចុងក្រោយរកបាន៣គ្រាប់ និងជាប់ឈ្មោះជាកីឡាករឆ្នើមប្រចាំការប្រកួត២ដង ក្នុងពានរង្វាន់សម្តេចតេជោ ហ៊ុន សែន និងលីគទី២។
ពាក់ព័ន្ធនឹងលទ្ធផលល្អប្រសើរទាំងក្នុងពានរង្វាន់សម្តេចតេជោ និងលីគទី២ លោក ទុំ សារ៉ាយ គ្រូបង្វឹកអគ្គិសនីកម្ពុជា បានប្រាប់«កម្ពុជាថ្មី»ថា ៖«ទោះជាល្អយ៉ាងណាក៏ដោយ ក៏នៅតែមានការខ្វះខាតដែរ ដោយសារតែបាល់ទាត់ត្រូវតែមានឈ្នះ ចាញ់ ស្មើ។ ដូច្នេះហើយក្រុមមួយមិនអាចឈ្នះរហូតទេ ត្រូវតែមានចាញ់ និងស្មើដែរហើយ។ អីចឹងគ្រូម្នាក់ៗត្រូវតែយល់ពីចំណុចខ្វះខាតរបស់កីឡាករ។ ពេលចាញ់នីមួយៗ ត្រូវយកមកអនុវត្តដើម្បីកែលំអចំណុចខ្វះនៅពេលហ្វឹកហាត់»។
អតីតជម្រើសជាតិកម្ពុជាបន្តទៀតថា ៖«សម្រាប់ក្រុមអគ្គិសនីកម្ពុជាមួយរយៈពេលនេះ ខ្ញុំមើលឃើញថា កីឡាករមួយចំនួនលេងបានល្អច្រើននៅក្នុងក្រុម។ ពួកគាត់យល់បានច្រើនពីការពន្យល់របស់ពួកខ្ញុំជាក្រុមគ្រូបង្វឹក។ ការលើកទឹកចិត្តឲ្យពួកគាត់ប្រឹងប្រែង។ ការជំរុញឲ្យពួកគាត់ខិតខំប្រឹងប្រែងហ្វឹកហាត់។ ចំណុចខ្វះខាតវិញគឺពួកគាត់ខ្សោយកម្លាំងស៊ុហ្វ កាយសម្បទា និងការយល់ដឹងឲ្យបានច្រើនទៀតនៅក្នុងក្រុមពេលលេងក្នុងការប្រកួតនីមួយៗគឺត្រូវតែយល់ចិត្តគ្នាបន្ថែមទៀត ពីព្រោះឥឡូវនេះ ទោះលទ្ធផលល្អ ក៏ក្នុងនាមខ្ញុំជាគ្រូក៏នៅតែឃើញមានចំណុចខ្វះខាតគឺពួកគាត់មិនទាន់លេងបានល្អ១០០%ទេ។ ដូច្នេះចង់ឲ្យពួកគាត់បន្ថែមការប្រឹងប្រែងទាំងការពារ និងប្រយុទ្ធ»៕
អត្ថបទ៖ វីរបុត្រ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២០ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ