កីឡា
លោកគ្រូ Conor ប្រាប់ថា ព្រះខ័នរាជស្វាយរៀងត្រូវតាំងស្មារតីវិជ្ជមានរាល់ការប្រកួត
ព្រះខ័នរាជស្វាយរៀងនឹងប្រកួតជាមួយបឹងកេត ក្នុងសប្តាហ៍ទី១៧ នៃលីគកំពូលកម្ពុជារដូវកាល២០២២ វេលាម៉ោង៦:៣០នាទីល្ងាច ថ្ងៃសៅរ៍ ទី២៧ ខែសីហានេះ នៅកីឡដ្ឋានស្វាយរៀង ដែលមានការផ្សាយផ្ទាល់តាមរយៈផេក«កម្ពុជាថ្មី»។
កាលពីសប្តាហ៍ទី១៦កន្លងទៅនេះ ព្រះខ័នរាជស្វាយរៀងបានចាញ់ភ្នំពេញក្រោនដោយលទ្ធផល ០-៣ និងការប្រកួតចុងក្រោយស្មើ អគ្គិសនីកម្ពុជា ១-១ ក្នុងពានរង្វាន់សម្តេចតេជោ ហ៊ុន សែន ថ្នាក់ជាតិ វគ្គ៨ក្រុមចុងក្រោយ ដែលជំរុញឲ្យក្រុមទាំងមូលត្រូវប្រមូលស្មារតី និងតាំងចិត្តវិជ្ជមានសម្រាប់ការប្រកួតដែលនៅមានខាងមុខ ជាពិសេសការជួបបឹងកេតក្នុងសប្តាហ៍ទី១៧នេះ។
លោក Conor Nestor គ្រូបង្វឹកព្រះខ័នរាជស្វាយរៀង បាននិយាយថា ៖«យើងត្រៀមខ្លួនដូចរាល់ការប្រកួតកន្លងមកអីចឹង។ ឈ្នះ និងចាញ់គឺជាផ្នែកមួយនៃបាល់ទាត់ ដែលយើងមិនអាចកែប្រែបានឡើយ ប៉ុន្តែអ្វីដែលសំខាន់នោះគឺយើងត្រូវតាំងស្មារតីឲ្យវិជ្ជមានជានិច្ច។ យើងដឹងថា យើងនឹងជួបក្រុមល្អ ប៉ុន្តែមែនទែនទៅ ក្រុមទាំង៨នៅលីគកំពូលសុទ្ធតែល្អទាំងអស់ ដូច្នេះរាល់ការប្រកួតគឺពិតជាសំខាន់ណាស់»។
សម្រាប់ការជួបគ្នាទាំងរដូវកាល២០២១ និង២០២២នេះ ព្រះខ័នរាជស្វាយរៀង និង បឹងកេត ធ្លាប់ប៉ះគ្នា៤ដងហើយគឺ ព្រះខ័នរាជស្វាយរៀងឈ្នះ២ដង បឹងកេតឈ្នះ១ដង និងស្មើគ្នា១ដង។ រដូវកាល២០២១ ជើងទី១ បឹងកេតបានឈ្នះព្រះខ័នរាជស្វាយរៀង ដោយលទ្ធផល ១-២ នៅទឹកដីស្វាយរៀង និងជើងទី២ ក្រុមទាំងពីរស្មើគ្នា ១-១ នៅទឹកដីបឹងកេត ក្នុងរាជធានីភ្នំពេញ នៅថ្ងៃទី៣០ ខែកញ្ញា។
ឆ្នាំ២០២២នេះ ជួបគ្នា២លើក ព្រះខ័នរាជស្វាយរៀងបានយកឈ្នះទាំងពីរលើក។ ជើងទី១កាលពីខែមីនា បឹងកេត បានចាញ់ ០-៤ នៅទឹកដីស្វាយរៀង និងជើងទី២ កាលពីខែកក្កដា ព្រះខ័នរាជស្វាយរៀង បានឈ្នះ ០-១ នៅទឹកដីបឹងកេត។
ថ្ងៃសៅរ៍ ទី២៧ ខែសីហា សប្តាហ៍នេះគឺជាការជួបគ្នាលើកទី៣នៅក្នុងលីគកំពូលរដូវកាលនេះ ពីព្រោះគោលការណ៍ថ្មីនៃការប្រកួតលីគត្រូវធ្វើឡើង៣ដងទើបចប់វគ្គវិលជុំសន្សំពិន្ទុ។ បន្ទាប់មកក្រុមកំពូលទាំង៤ត្រូវប្រកួតខ្វែងគ្នាទៀតទើបរកក្រុមឡើងទៅប្រកួតវគ្គផ្តាច់ព្រ័ត្ររកជើងឯក៕
អត្ថបទ៖ វីរបុត្រ
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?