កីឡា

កីឡាករ Man Utd ភាគច្រើនចាប់ផ្ដើមធុញទ្រាន់នឹងទង្វើរបស់ Ronaldo

បានផុស

២ years មុន

នៅ

ថ្ងៃអង្គារ ៣០ សីហា ២០២២

ដោយ

កីឡាកររបស់ក្លិបបិសាចក្រហម Manchester Utd ភាគច្រើនត្រូវបានគេនិយាយថាមានការរំភើបចំពោះលទ្ធភាពដែល Cristiano Ronaldo ចាកចេញពី Old Trafford នៅរដូវក្តៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម ESPN កីឡាករជាច្រើនរបស់ Man Utd សប្បាយចិត្តពេលឮថា Ronaldo សុំចាកចេញម្តងហើយម្តងទៀត។ Sportbible បានបង្ហាញថាកីឡាករ Man Utd មានការធុញទ្រាន់នឹងអាកប្បកិរិយារបស់ Ronaldo ពួកគេគិតថា CR7 ឥឡូវនេះបានក្លាយជារឿងនាំឱ្យឈឺចាប់ ជំនួសឱ្យការជួយក្រុមឆ្ពោះទៅមុខ។

ភាពអាជីពរបស់ Ronaldo គឺមិនបង្កើតឱ្យមានជម្លោះ ទោះជាយ៉ាងណាក៏ដោយកីឡាករ “បិសាចក្រហម” មួយចំនួនទទួលបានការរំខាន ដោយការទាមទារខ្ពស់របស់អតីតកីឡាករ Juventus រូបនេះ ហើយមិនទទួលយកការដែនកំណត់របស់ក្រុម។

Ronaldo នៅតែរក្សាមហិច្ឆតាដ៏អស្ចារ្យ និងការទាមទារខ្ពស់ពីមិត្តរួមក្រុម ទោះបីជាពួកគេមិនស្ថិតក្នុងកម្រិតដូចគ្នាជាមួយនឹងក្រុមក្រោមការដឹកនាំរបស់លោក Sir Alex Ferguson ក៏ដោយ។ ខ្សែការពារ Man Utd លែងជា Rio Ferdinand និង Nemanja Vidic ដូចពីមុនទៀតហើយ។ CR7 កាលពីរដូវកាលមុនតែងតែខកចិត្តជាមួយនឹងកម្រិតលេងរបស់ Harry Maguire និង Victor Lindelof។

កន្លងមក គ្មានកីឡាករណាចង់ឃើញតារាឆ្នើមដូច Ronaldo ចាកចេញពីក្រុមឡើយ បើនិយាយពីឥទ្ធិពលវិជ្ជមានលើការប្រកួត។ ទោះយ៉ាងណាក៏ដោយ វាមិនមែនជាការពិតទៀតទេនៅ Old Trafford នៅពេលនេះ។

យោងតាមអ្នកកាសែត MEN លោក Samuel Luckhurst បានឱ្យដឹងថា Napoli ទើបតែបានជួបពិភាក្សាជាមួយ Ronaldo និងភ្នាក់ងាររបស់គេ Jorge Mendes។ ក្លិបនេះត្រូវបានគេនិយាយថា បានត្រៀមខ្លួនរួចរាល់ហើយក្នុងការចុះហត្ថលេខាលើប្រធានក្រុមព័រទុយហ្គាល់។

ទោះជាយ៉ាងណាក៏ដោយ ដោយសារតែទីផ្សារដោះដូរកីឡាកររដូវក្តៅនៅ Serie A នៅសល់តែ ២ ថ្ងៃទៀតប៉ុណ្ណោះ Napoli មិនមានពេលវេលាគ្រប់គ្រាន់ដើម្បីបំពេញបែបបទនោះទេ។ ដូច្នេះហើយ ពួកគេបានរកដំណោះស្រាយដើម្បីខ្ចីតារាឆ្នើមវ័យ ៣៧ ឆ្នាំរូបនេះសម្រាប់មួយរដូវកាល។

ប្រភពនៅក្នុងចក្រភពអង់គ្លេសបាននិយាយថា គ្រូបង្វឹក Erik ten Hag ត្រៀមខ្លួនរួចជាស្រេចក្នុងការអនុញ្ញាតឱ្យ Ronaldo ចាកចេញពី Man United ។ កិច្ចសន្យារបស់ Ronaldo មានសុពលភាពរហូតដល់រដូវក្តៅឆ្នាំ ២០២៣ ជាមួយនឹងជម្រើសក្នុងការបន្តរយៈពេលមួយឆ្នាំទៀត។

ប្រសិនបើគាត់មិនអាចលាទៅ Old Trafford មុនពេលទីផ្សាររដូវក្តៅបិទ Ronaldo ប្រហែលជាត្រូវទទួលយកតួនាទីជាកីឡាករបម្រុង។ នៅក្នុងការប្រកួតពីរលើកជាប់ៗគ្នា Man Utd បានឈ្នះ Liverpool និង Southampton គ្រូបង្វឹក Ten Hag មិនបានបញ្ចូលឈ្មោះរបស់ CR7 នៅក្នុងជម្រើស ១១ នាក់នោះទេ។ តំណែងរបស់ Ronaldo កាន់តែមានភាពរង្គោះរង្គើនៅពេលដែល Man Utd បានទិញ Antony ដោយជោគជ័យ៕

ប្រភព៖ ESPN

អត្ថបទ៖ មន្នីរ័ត្ន