កីឡា

បើកឆាកជើងឯក AFF-CUP កម្ពុជា ទទួល ហ្វីលីពីន

បានផុស

២ years មុន

នៅ

ថ្ងៃពុធ ៣១ សីហា ២០២២

ដោយ

បន្ទាប់ពីចាប់ឆ្នោតជាផ្លូវកាលពីថ្ងៃទី៣០ ខែសីហា ម្សិលមិញ កាលវិភាគប្រកួតជើងឯកបាល់ទាត់ធំបំផុតប្រចាំតំបន់អាស៊ាន (AFF Mitsubishi Electric Cup 2022) ឆ្នាំ២០២២ ត្រូវបានរៀបចំរួចរាល់ហើយ។

ក្រុមបាល់ទាត់ជម្រើសជាតិកម្ពុជា ស្ថិតនៅក្នុងពូល A ជាមួយក្រុមខ្លាំង ថៃ ហ្វីលីពីន ឥណ្ឌូនេស៊ី និងទីម័រខាងកើត ឬក៏ព្រុយណេ (២ក្រុមនេះត្រូវប្រកួតជម្រុះសិន)។ ចំពោះពូល B វិញមាន វៀតណាម ម៉ាឡេស៊ី សិង្ហបុរី មីយ៉ាន់ម៉ា និងឡាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបែងចែកជា២ពូលនេះ ក្រុមនីមួយៗត្រូវលេង៤ប្រកួតគឺក្នុងដី២ប្រកួត និងក្រៅដី២ប្រកួត។ ការប្រកួតនឹងចាប់ផ្តើមពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៥ ខែមករា ឆ្នាំ២០២៣ ដែលក្រុមលេខ១ និងលេខ២ នៃពូលនីមួយៗ ឡើងទៅវគ្គពាក់កណ្ដាលផ្ដាច់ព្រ័ត្រ និងបន្តទៅវគ្គផ្តាច់ព្រ័ត្រដែលមានពីរជើងដូចគ្នា។

ផ្អែកតាមកាលវិភាគប្រកួត ក្រុមបាល់ទាត់ជម្រើសជាតិកម្ពុជាត្រូវប្រកួតបើកឆាកមុនគេក្នុងព្រឹត្តិការណ៍ទាំងមូលដែលត្រូវធ្វើជាម្ចាស់ផ្ទះទទួលភ្ញៀវ ហ្វីលីពីន នៅថ្ងៃអង្គារ៍ ទី២០ ខែធ្នូ ឆ្នាំ២០២២ ប៉ុន្តែម៉ោងប្រកួត និងទីលានប្រកួតមិនទាន់ត្រូវបានប្រកាសជាផ្លូវការឡើយ៕

ខាងក្រោមជាកាលវិភាគប្រកួតទាំងស្រុង