កីឡា
អត្តពលិកកីឡាកាយសម្ព័ន្ធកម្ពុជា ចេញទៅប្រកួតជើងឯកអាស៊ី នៅថៃ និងចង់បង្កើតកំណត់ត្រាថ្មី
នៅរសៀលថ្ងៃទី ៣១ ខែសីហានេះ ប្រតិភូ និងអត្តពលិកកីឡាកាយសម្ព័ន្ធកម្ពុជា ១៨ រូប បានធ្វើដំណើរទៅប្រទេសថៃហើយ ដើម្បីចូលរួមប្រកួតកីឡាកាយសម្ព័ន្ធជើងឯកអាស៊ី លើកទី ៧ (7th AEROBIC GYMNASTICS ASIAN CHAMPIONSHIPS) ស្របពេលសហព័ន្ធចង់បង្កើតកំណត់ត្រាថ្មីមួយ ក្នុងព្រឹត្តិការណ៍នេះ សម្រាប់រជ្ជកាលថ្មី នៃក្រុមជម្រើសជាតិវ័យក្មេងរបស់ខ្លួន។
ថ្លែងប្រាប់អ្នកសារព័ត៌មាន មុនចាកចេញពីមាតុភូមិ លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា និងជាប្រធានប្រតិភូ បានបញ្ជាក់ថា ឆ្នាំ ២០២២ នេះ កីឡាកាយសម្ព័ន្ធកម្ពុជា បានបំបែកកំណត់ត្រាប្រវត្តិសាស្ដ្រលើកដំបូង បន្ទាប់ពីដណ្ដើមមេដាយស៊ីហ្គេម លើកទី ៣១ នៅវៀតណាម។ ដូច្នេះសហព័ន្ធចង់សាងកំណត់ត្រាថ្មីមួយទៀត នៅក្នុងការប្រកួតជើងឯកអាស៊ីនាពេលឆាប់ៗខាងមុខ ។
លោកថា «បន្ទាប់ពីយើងទទួលបានកំណត់ត្រាមួយ នៅក្នុងប្រវត្តិកីឡាកាយសម្ព័ន្ធ ដែលបានចូលមកស្រុកខ្មែរ តាំងពីឆ្នាំ ១៩៦៨ រហូតមកដល់បច្ចុប្បន្ន ទើបតែឆ្នាំ ២០២២ នេះ ដែលព្រឹត្តិការណ៍ស៊ីហ្គេម លើកទី ៣១ យើងបានសាងនូវប្រវត្តិមួយសម្រាប់សហព័ន្ធកីឡាកាយសម្ព័ន្ធ។ សម្រាប់មេដាយស៊ីហ្គេម ឆ្នាំ ២០២២ កន្លងមក គឺជាកំណត់ត្រាមួយ ហើយអ្វីដែលយើងទៅចូលរួមប្រកួតជើងឯកអាស៊ី លើកទី ៧ នេះ យើងនឹងខិតខំរកកំណត់ត្រាមួយទៀត»។
«មិនមែនមានន័យថា យើងមិនធ្លាប់ទទួលបានទេ ជើងឯកអាស៊ី យើងធ្លាប់ហើយ ចន្លោះឆ្នាំ ២០១០-២០១៦ ។ អ៊ីចឹងចន្លោះពីនោះ មកដល់បច្ចុប្បន្ន ជាពេលយើងស្ថាបនាកីឡាករ-កីឡាការិនី ដើម្បីធ្វើយ៉ាងណា ៦ ឬ ៨ ឆ្នាំក្រោយ ឲ្យដល់ដំណាក់កាល រកមេដាយ ហើយបច្ចុប្បន្ននេះ ដល់ដំណាក់កាលពួកគេឈានទៅរកមេដាយហើយ ហើយពួកគេសុទ្ធសឹងជាកីឡាករ-កីឡាការិនីប្រមូលផ្ដុំថ្មី ។ ខ្ញុំគិតថា ពួកគេនឹងធ្វើបានល្អ ។ ខ្ញុំមានជំនឿចិត្តថា ពួកគាត់នឹងអាចរកបានមេដាយ ១ ក្នុងចំណោមមេដាយទាំង ៣ (មាស ប្រាក់ និងសំរឹទ្ធ)…» ។
ចុងក្រោយ ក្នុងនាមសហព័ន្ធ ក៏ដូចជាប្រតិភូ លោក ណយ ផាណា បានថ្លែងអំណរគុណឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានសហព័ន្ធ ដែលតែងយកចិត្តទុកដាក់ ក៏ដូចជាជួយទាំងថវិកា និងការលើកទឹកចិត្ត ជាក់ស្ដែងមុនចេញដំណើរនេះ ឯកឧត្តមក៏បានផ្ដាំផ្ញើរ និងជូនពរដល់កីឡាករ-កីឡាការិនីរបស់យើងឲ្យទទួលបានជោគជ័យ ។ ក្នុងនោះលោកឧកញ៉ា សុខ ហុង អនុប្រធាន រួមជាមួយគណៈកម្មាធិការប្រតិបត្តិសហព័ន្ធ ក៏តែងយកចិត្តទុកដាក់ និងសហការគ្នា ដើម្បីដំណើរឆ្ពោះទៅស៊ីហ្គេម ឆ្នាំ ២០២៣ ផងដែរ៕
អត្ថបទ៖ មន្នីរ័ត្ន
នៅតែល្អ! Neymar ស៊ុតហ្វ្រីឃីគយ៉ាងអស្ចារ្យ ជួយឱ្យ Santos ឈ្នះ Bragantino (វីដេអូ)
រដ្ឋមន្រ្តីបរិស្ថាន ប្រាប់ឲ្យកែច្នៃដុំពេជ្រ «ភាពស្អាត បៃតង» មកជាការវិនិយោគទាក់ទាញទេសចរ សម្រាប់អភិវឌ្ឍដោយចីរភាព
សិស្សានុសិស្ស បន្តទទួលបានចំណេះដឹងកាន់តែច្រើនពីផលប៉ះពាល់គ្រឿងញៀន តាមរយៈការចុះផ្សព្វផ្សាយរបស់អាជ្ញាធរ
មន្ត្រីជាន់ខ្ពស់សុខាភិបាល៖ ជំងឺមហារីកមានការកើនឡើង ៨៧,៤២% ក្នុងនោះស្លាប់ ១២៧នាក់
វៀតណាមបារម្ភពីបញ្ហាសាច់ប្រាក់ងាយស្រួលក្នុងវិស័យធនាគារ
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
អង់គ្លេសនិងបារាំង ប្រកាសដឹកនាំក្រុមចម្រុះ ដាក់ទ័ពទៅអ៊ុយក្រែន ទោះគ្មានអាមេរិក
ក្រៅពីថែមកម្ចីជិត៣ពាន់លានដុល្លារ អង់គ្លេសប្រកាសផ្ដល់មីស៊ីល ៥ ០០០គ្រាប់ឲ្យអ៊ុយក្រែន
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
-
សន្តិសុខសង្គម៣ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់