កីឡា

អគ្គិសនីកម្ពុជា វិសាខា ភ្នំពេញក្រោន និង បឹងកេត ឡើងវគ្គខ្វែងពានសម្តេចតេជោ

បានផុស

៣ years មុន

នៅ

ថ្ងៃពុធ ៣១ សីហា ២០២២

ដោយ

អគ្គិសនីកម្ពុជា វិសាខា ភ្នំពេញក្រោន និង បឹងកេត បានឡើងទៅកាន់វគ្គពាក់កណ្តាលផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៦ ឆ្នាំ២០២២ បន្ទាប់ពីទទួលបានលទ្ធផលល្អដូចគ្នាក្នុងជើងទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិសនីកម្ពុជា បានយកឈ្នះ ព្រះខ័នរាជស្វាយរៀង ដោយលទ្ធផល ១-៣ ក្នុងជើងទី២។ កាលពីជើងទី១ ក្រុមទាំងពីរស្មើគ្នា ១-១ ដូច្នេះសរុបទាំងពីរ អគ្គិសនីកម្ពុជា ទទួលបានជ័យជម្នះដោយលទ្ធផល ២-៤ និងបានក្លាយជាក្រុមមកពីលីគទី២តែមួយគត់ដែលបានឡើងវគ្គពាក់កណ្តាលផ្តាច់ព្រ័ត្រពានសម្តេចតេជោឆ្នាំនេះ។

ចំណែក វិសាខា នៅក្នុងផ្ទះរបស់ខ្លួនបានយកឈ្នះ ក្រសួងការពារជាតិ ដោយលទ្ធផល ៣-០ ក្នុងជើងទី២នេះ។ កាលពីជើងទី១ វិសាខា បានយកឈ្នះនៅក្រៅផ្ទះដោយលទ្ធផល ១-៣ ដូច្នេះសរុបទាំងពីរជើងក្រសួងការពារជាតិបានចាញ់ដោយលទ្ធផល ១-៦ ។

ចំណែកភ្នំពេញក្រោន និងណាហ្គាវើលបានក្លាយជាគូតានតឹងបំផុតក្នុងចំណោមគូទាំង៤វគ្គ៨ក្រុមចុងក្រោយនេះ។ កាលពីជើងទី១ ក្រុមទាំងពីរបញ្ចប់ដោយលទ្ធផលគ្មានគ្រាប់បាល់ ០-០ ហើយនៅជើងទី២នៅតែគ្មានគ្រាប់បាល់ទៀតគឺ ០-០។ ទីបំផុតការប្រកួតត្រូវទាត់ប៉េណាល់ទីកាត់សេចក្តី ហើយ ភ្នំពេញក្រោន ទទួលបានជ័យជម្នះដោយលទ្ធផល ៤-៣។

ជើងទី២ នៅទឹកដីរបស់ខ្លួន បឹងកេត បានបញ្ចប់ដោយលទ្ធផលស្មើគ្នា ៣-៣ ជាមួយ កោះកុង អេហ្វស៊ី ប៉ុន្តែសរុបទាំងពីរជើង បឹងកេត បានយកឈ្នះដោយលទ្ធផល ៥-៣ ដោយសារកាលពីជើងទី១ កោះកុង អេហ្វស៊ី បានចាញ់ ០-២៕