កីឡា

រូបភាពជក់ចិត្តពី ធន់ មករា ផ្តួលថៃសន្លប់ទឹក៣ល្ងាចមិញ

បានផុស

២ years មុន

នៅ

ថ្ងៃសៅរ៍ ៣ កញ្ញា ២០២២

ដោយ

អ្នកលេងគុនខ្មែរ ធន់ មករា បានវិលត្រឡប់មកកាន់ពិភពប្រដាល់គុនខ្មែរវិញហើយ បន្ទាប់ពីស្ងប់ស្ងាត់មួយរយៈពេល ហើយមកលើកនេះពិតជាមិនធ្វើឲ្យអ្នកគាំទ្រខកចិត្តឡើយក្នុងព្រឹត្តិការណ៍ប្រកួតជើងឯក គូបូតា បច្ចេកវិទ្យាកសិកម្មថ្មី យប់ថ្ងៃសុក្រ ទី២ ខែកញ្ញា ឆ្នាំ២០២២នៅសង្វៀនបាយ័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបានប្រព្រឹត្តទៅត្រឹមតែ៣ទឹកប៉ុណ្ណោះ ធន់ មករា បានផ្តួលកីឡាករថៃ ស៊ុបពើអេច ស៊ិតផេតស៊ិរិ ឲ្យសន្លប់ក្នុងទឹកទី៣។ គូនេះពិតជាជក់ចិត្តសម្រាប់អ្នកគាំទ្រដោយកីឡាករទាំងពីរវាយសម្រុកគ្នាទៅវិញទៅមកយ៉ាងសាហាវ។

អ្នកលេងគុនខ្មែរពោរពេញដោយទំនុកចិត្តតាមការវាយកែងកាចផ្ទួនៗ និងធ្វើឲ្យកីឡាករថៃដួលត្រូវបានលោកអាជ្ញាកណ្តាលរាប់៨។ នៅទឹកទី៣ ធន់ មករា វាយកណ្តាប់ដៃស្តាំពេញបណ្តាលឲ្យ ស៊ុបពើអេច ដួលដាច់ផ្ងា និងសន្លប់ក្រោកលែងរួច បើទោះជាអាជ្ញាកណ្តាលរាប់ដល់១០ក៏ដោយ។

ចំណែកគូអន្តរជាតិមួយទៀត កីឡាករថៃ មេធី សច.តយប៉ែតរិវ ប្រើជំនាញពិឃាតរបស់ខ្លួនគឺជង្គង់ផ្ទួនៗផ្តួលអ្នកលេងគុនខ្មែរវ័យក្មេង ពេជ្រ សុខឃីម ឲ្យសន្លប់ក្នុងទឹកទី២។ កីឡាករថៃម្នាក់នេះពិតជារឹងមាំ និងពូកែឡើងជង្គង់ ស្របពេលកីឡាករ ពេជ្រ សុខឃីម ជាអ្នកប្រដាល់វ័យក្មេង និងបទពិសោធខ្ចីនៅឡើយ៕

សូមទស្សនារូបភាពដ៏សំបូរបែប