កីឡា

ប្រដាល់សកលកម្ពុជា សម្លឹងឃើញប្រទេស ២ ដើម្បីចេញទៅហ្វឹកហាត់ ត្រៀមស៊ីហ្គេម ២០២៣

បានផុស

២ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

សហព័ន្ធកីឡាប្រដាល់សកលកម្ពុជា គ្រោងបញ្ជូនអត្តពលិកជម្រើសជាតិរបស់ខ្លួនទៅហ្វឹកហាត់ នៅប្រទេស កាហ្សាក់ស្ថាន ឬ អ៊ូបេគីស្ថាន ដែលប្រទេសទាំងពីរនេះមានជំនាញប្រដាល់សកលកម្រិតពិភពលោក ដើម្បីពង្រឹងសមត្ថភាពត្រៀមប្រជែងមេដាយ ស៊ីហ្គេម ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុយ សោភ័ណ្ឌ អគ្គលេខាធិការសហព័ន្ធប្រដាល់សកលកម្ពុជា បានប្រាប់ Cambodia 2023 ថា គ្រូបង្វឹកថ្មី ដែលទទួលបានការជួយគាំទ្រពីគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ (CAMSOC) យកមកបង្ហាត់ដល់អត្តពលិកជម្រើសជាតិកម្ពុជាសព្វថ្ងៃមានសមត្ថភាព និងបច្ចេកទេសល្អក្នុងការបង្ហាត់។

លោក Kassymhanov Berikbol Amantayevich ដែលជាគ្រូបង្វឹកថ្មីនោះ ក៏បានរៀបចំការស្នើសុំទៅកាន់ CAMSOC ក្នុងការបញ្ជូនអត្តពលិកប្រដាល់សកលទៅហាត់នៅប្រទេស កាហ្សាក់ស្ថាន ឬ អ៊ូបេគីស្ថាន ដែលជាប្រទេសមានកម្រិតប្រដាល់សកលលំដាប់ថ្នាក់ពិភពលោក។

លោក ប៊ុយ សោភ័ណ្ឌ បានបន្ថែមថា ៖«តាមគម្រោងយើងគ្រោងបញ្ជូនទៅចំនួន ២ សប្ដាហ៍។ យើងគិតថា នឹងចេញទៅហាត់នៅអំឡុងខែ ១២ (ខែធ្នូ) ឆ្នាំ ២០២២។ បន្ទាប់ពីការហ្វឹកហាត់នេះបញ្ចប់ ដល់ឆ្នាំក្រោយ យើងនឹងរៀបចំឲ្យពួកគាត់បានចេញទៅហាត់ម្ដងទៀតផងដែរ ដើម្បីឲ្យសមត្ថភាពពួកគាត់កាន់តែល្អប្រសើរ»។

កាលពីពេលថ្មីៗនេះ សហព័ន្ធប្រដាល់សកលកម្ពុជា ក៏ធ្លាប់បានបញ្ជូនកីឡាករកម្ពុជាចំនួន ៩ រូបទៅហាត់នៅថៃ រយៈពេល ២ សប្ដាហ៍។ ការហ្វឹកហាត់នេះក៏ក្នុងទិសដៅពង្រឹងសមត្ថភាព ដើម្បីស៊ីហ្គេមឆ្នាំ ២០២៣ ផងដែរ៕

អត្ថបទ៖ មន្នីរ័ត្ន