កីឡា

កាលពីខែកក្កដា U20 កម្ពុជា ឈ្នះ សិង្ហបុរី ១-០ ចុះយប់នេះពាន AFC U20?

បានផុស

២ years មុន

នៅ

ថ្ងៃសុក្រ ១៦ កញ្ញា ២០២២

ដោយ

ក្រុមបាល់ទាត់ ជម្រើសជាតិកម្ពុជាអាយុក្រោម២០ឆ្នាំ នឹងជាមួយក្រុមបាល់ទាត់ជម្រើសជាតិសិង្ហបុរីអាយុក្រោម២០ឆ្នាំវេលាម៉ោង៧យប់ ថ្ងៃទី១៦ ខែកញ្ញានេះ វគ្គជម្រុះក្នុងពូលពានរង្វាន់ AFC U20 Championship 2023 នៅប្រទសតាជីគីស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យប់នេះជាការប្រកួតលើកទី២ វគ្គសន្សំពិន្ទុក្នុងពូល I ដោយក្រុម U20 កម្ពុជាបើកឆាកចាញ់ក្រុម U20 លីបង់ ដោយលទ្ធផល ១-០ បន្ទាប់ពីការប្រកួត៩០នាទីដ៏គួរឲ្យចាប់អារម្មណ៍។ ចំណែក U20 សិង្ហបុរី រកបាន១ពិន្ទុហើយ តាមរយៈការប្រកួតលើកទី១ស្មើគ្នា ០-០ ជាមួយម្ចាស់ផ្ទះតាជីគីស្ថាន។

ឆ្លងកាត់១ប្រកួតដូចគ្នា តាលីបង់ មាន៣ពិន្ទុ កំពុងឈរលើកំពូលតារាង ហើយលេខ២ តាជីគីស្ថាន និងលេខ៣សិង្ហបុរី ដែលមាន១ពិន្ទុដូចគ្នា ខណៈកម្ពុជានៅបាតតារាងមិនទាន់មានពិន្ទុរាប់ទេ។

ក្រុមយុវជនគោព្រៃកម្ពុជា និង សិង្ហបុរី ទើបតែជួបគ្នាម្តងកាលពីខែកកក្កដាកន្លងទៅនេះក្នុងពានរង្វាន់ 2022 AFF U19 Youth Championship ដែលពេលនោះក្រុមយុវជនកម្ពុជាទទួលបានជ័យជម្នះដោយលទ្ធផល ១-០។ គ្រាប់បាល់ជ័យជម្នះរបស់កម្ពុជារកបានដោយកីឡាករ សុវណ្ណ ដូណា របស់ក្លឹបអង្គរថាយហ្គឺរ ដែលរូបគេក៏មានវត្តមានក្នុងការប្រកួតនៅប្រទេសតាជីគីស្ថានដែរ។

ប្រសិនបើក្រុមយុវជនកម្ពុជាអាចយកឈ្នះក្រុមយុវជនសិង្ហបុរីជាថ្មីនោះមានន័យថា យុវជនកម្ពុជាក៏អាចមានភាគរយច្រើនក្នុងការយកឈ្នះម្ចាស់ផ្ទះតាជីគីស្ថាន ពីព្រោះក្រុមនេះទើបតែស្មើគ្នាជាមួយសិង្ហបុរី៕