កីឡា
គ្រូព័រទុយហ្គាល់ថា មិនចង់បានលទ្ធផលស្មើឡើយ ខណៈជួបអេស្ប៉ាញយប់នេះ
លទ្ធផលស្មើរវាងព័រទុយហ្គាល់ ទល់នឹង អេស្ប៉ាញ យប់នេះគ្រប់គ្រាន់នឹងឱ្យក្រុមរបស់កំពូលតារាបាល់ទាត់ Ronaldo បានកៅអីឡើងវគ្គពាក់កណ្ដាលផ្ដាច់ព្រ័ត្រ ពានរង្វាន់ UEFA Nations League របស់ទ្វីបអឺរ៉ុប ដ្បិតបច្ចុប្បន្នកំពុងមានពិន្ទុនាំមុខក្នុងពូល។
ក្រុមទាំងពីរនេះ ស្ថិតនៅពូល A2 ជាមួយគ្នា ហើយយប់នេះគឺជាប្រកួតចុងក្រោយ ដើម្បីសម្រេចក្រុមឡើងទៅវគ្គពាក់កណ្ដាលផ្ដាច់ព្រ័ត្រ ជាក់ស្ដែងប្រកួត ៥ ដង ព័រទុយហ្គាល់ មាន ១០ ពិន្ទុ ខណៈអេស្ប៉ាញ មាន ៨ ពិន្ទុ ហើយជួបគ្នាយប់នេះ ព័រទុយហ្គាល់ ត្រូវការតែឈ្នះក៏អាចឡើងជុំបន្ទាប់បានផងដែរ ប៉ុន្តែគ្រូបង្វឹក លោក Fernando Santos ថាមិនចង់ស្មើឡើយ។
លោកថា៖ «យើងគ្រាន់តែផ្តោតលើការឈ្នះ ជាជាងឈានដល់វគ្គ ៤ ក្រុមចុងក្រោយ។ ខ្ញុំចង់ឱ្យកីឡាករប្រឈមមុខនឹងប្រទេសអេស្ប៉ាញដោយគុណសម្បត្តិនៃភាពខ្លាំងរបស់ពួកគេ ដូចដែលពួកគេធ្វើគ្រប់គូប្រកួត។ ធ្វើដូច្នេះ ហើយយើងនឹងខិតទៅជិតកន្លែងដែលយើងចង់ទៅជានិច្ច។»
នេះក៏ជាការត្រៀមដ៏ល្អមួយ ព័រទុយហ្គាល់ កំពុងបន្តឆ្ពោះទៅរកការប្រកួតបើកឆាក World Cup របស់ពួកគេជាមួយក្រុមហ្គាណា នៅថ្ងៃទី ២៤ ខែវិច្ឆិកា មុនពេលការប្រកួតបន្ថែមក្នុងពូល H ជាមួយអ៊ុយរូហ្គាយ និងកូរ៉េខាងត្បូង នៅកាតា។
ដោយឡែក លោក Luis Enrique គ្ររបស់អេស្ប៉ាញ បាននិយាយថានឹងលេងជាមួយព័រទុយហ្គាល់ ដូចនៅវគ្គផ្ដាច់ព្រ័ត្រ ខណៈជាមួយនឹងការប្រកួត World Cup តិចជាងពីរខែទៀតនឹងមកដល់ គ្រូបង្វឹកសញ្ជាតិអេស្ប៉ាញបាននិយាយថាពួកគេនឹងផ្តោត ១០០% លើការផ្តួលព័រទុយហ្គាល់ ដោយមិនមានការរំខានអ្វីឡើយ។
លោក Luis Enrique បានប្រាប់សន្និសីទសារព័ត៌មានមុនការប្រកួតដែលអេស្ប៉ាញត្រូវតែឈ្នះ ដើម្បីឈានដល់វគ្គពាក់កណ្តាលផ្តាច់ព្រ័ត្រជំនួសឱ្យព័រទុយហ្គាល់ថា៖ «យើងនឹងប្រឈមមុខនឹងវាដូចជាវគ្គផ្តាច់ព្រ័ត្រ។ មានតែជ័យជម្នះមួយប៉ុណ្ណោះដែលមានតម្លៃ សម្រាប់ពួកយើង។ វាគឺជាវគ្គផ្តាច់ព្រ័ត្រ ហើយពេញមួយអាជីព អ្នកមិនលេងច្រើនទេ សូម្បីតែតិចជាមួយជម្រើសជាតិរបស់អ្នក។»
សម្រាប់អេស្ប៉ាញវិញ ត្រៀម World Cup គឺត្រូវជួប កូស្តារីកា, អាល្លឺម៉ង់ និង ជប៉ុន។
សូមបញ្ចាក់ថា UEFA Nations League គឺជាការប្រកួតបាល់ទាត់អន្តរជាតិប្រចាំឆ្នាំ ដែលប្រកួតដោយក្រុមបាល់ទាត់ជម្រើសជាតិឈុតធំបុរស នៃសមាគមសមាជិក UEFA ដែលជាស្ថាប័នគ្រប់គ្រងកីឡាបាល់ទាត់របស់អឺរ៉ុប។ ព្រឹត្តិការណ៍នេះរៀបចំឡើងជំនួសឱ្យថ្ងៃប្រកួត FIFA Day ធម្មតា ហើយបច្ចុប្បន្ន ហូឡង់, ក្រូអាត និងអ៊ីតាលី កំពុងរង់ចាំក្រុមឈ្នះរវាងអេស្ប៉ាញ និង ព័រទុយហ្គាល់ ដើម្បីបង្គ្រប់កៅអីវគ្គពាក់កណ្ដាលផ្ដាច់ព្រ័ត្រនៅខែមិថុនា ឆ្នាំក្រោយ៕
ប្រភព៖ sportstar
អត្ថបទ៖ មន្នីរ័ត្ន
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?