កីឡា

Ibrahimovic ចូលរួមសម្ដែងភាពយន្ត ស្របពេលអាជីពបាល់ទាត់ កាន់តែជិតដល់ទីបញ្ចប់

បានផុស

២ years មុន

នៅ

ថ្ងៃអង្គារ ២៧ កញ្ញា ២០២២

ដោយ

ដោយបានឈ្នះអ្វីៗទាំងអស់ដែលមានក្នុងអាជីពបាល់ទាត់របស់ខ្លួន ខ្សែប្រយុទ្ធ Zlatan Ibrahimovic របស់ AC Milan វាហាក់ដូចជាបានកំណត់គោលដៅរបស់ខ្លួនថ្មីមួយទៀតក្នុងពិភពភាពយន្តបន្ទាប់ពីបានបង្ហាញខ្លួនដោយដើរតួក្នុងខ្សែភាពយន្តថ្មីចំណងជើង “Asterix & Obelix: The Middle Kingdom”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ibrahimovic មានតួនាទីជាតួសម្ដែងក្នុងផលិតកម្មដែលមានឈ្មោះល្បីដ៏ពេញនិយម សម្ដែងក្នុងរឿង “Asterix & Obelix: The Middle Kingdom”។ ជនជាតិស៊ុយអែត ដើរតួជាមេទ័ពរ៉ូម៉ាំង មានឈ្មោះ Caius Antivirus ហើយត្រូវបានចូលរួមនៅក្នុងការសម្ដែងដោយតារាភាពយន្ដល្បីៗដូចជា Vincent Cassel (ដែលដើរតួជា Julius Caesar) និង Marion Cotillard (Cleopatra)។

ខ្សែប្រយុទ្ធរបស់ក្រុម Milan បានបង្ហាញព័ត៌មាននេះនៅលើប្រព័ន្ធផ្សព្វផ្សាយសង្គម ដោយការបង្ហោះឈុតខ្លីៗនៃខ្សែភាពយន្តនេះ ដែលរួមបញ្ចូលការមើលឃើញខ្លីៗរបស់កីឡាករវ័យ ៤០ ឆ្នាំដែលសម្តែងក្នុងឈុតសកម្មភាពដ៏ក្ដៅគគុក ខណៈពេលដែលស្លៀកពាក់ខោអាវបែបបុរាណ។

ភាពយន្តនេះត្រូវបានដឹកនាំដោយ Guillaume Canet ដែលដើរតួជា Asterix ផងដែរ ខណៈដែលតួនាទីរបស់ដៃគូរបស់គាត់ Obelix ត្រូវបានសម្តែងដោយ Gilles Lellouche។ ខ្សែភាពយន្ដនេះ នឹងត្រូវដាក់បញ្ចំងក្នុងរោងភាពយន្ដនៅក្នុងខែកុម្ភៈ ឆ្នាំ ២០២៣ ខាងមុខ នៅប្រទេសបារាំង ជាមួយនឹងការបកប្រែជាភាសាអង់គ្លេស។

បញ្ជាក់ថា បច្ចុប្បន្ននេះ Zlatan Ibrahimovic កំពុងមានបញ្ហារបួសដែលបានកើតឡើងកាលពីខែមិថុនា ឆ្នាំ ២០២២ នេះ ដោយត្រូវសម្រាកព្យាបាលរយៈពេល ៦ ខែពោល គឺមនអាចលេងបានឡើយក្នុងឆ្នាំ ២០២២ នេះ៕

ប្រភព៖ espn

អត្ថបទ៖ មន្នីរ័ត្ន