កីឡា

កីឡាករខ្មែរ-អាមេរិក Nick Taylor បានជួបទូតអាមេរិកនៅកម្ពុជា

បានផុស

២ years មុន

នៅ

ថ្ងៃព្រហស្បតិ៍ ២៩ កញ្ញា ២០២២

ដោយ

កីឡាករបាល់ទាត់ខ្មែរ-អាមេរិកជម្រើសជាតិកម្ពុជា ថេឡូរ នីកូឡាស់ ឌឿង (Nick Taylor)របស់ក្លឹបបាល់ទាត់អាមេរិក Orlando City B បានជួបឯកអគ្គរដ្ឋទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nick Taylor បាននិយាយថា ៖«អរគុណស្ថានទូតសហរដ្ឋអាមេរិក នៅរាជធានីភ្នំពេញ ព្រះរាជាណាចក្រកម្ពុជាដែលបានអនុញ្ញាតឲ្យខ្ញុំជួបសំណេះសំណាល។ វាជាក្តីរំភើបរីករាយមួយដែលបានជួបលោកឯកអគ្គរដ្ឋទូច W. Patrick Murphy និងក្រុមការងារនៅស្ថានទូត»។

កាលពីថ្ងៃទី២២ ខែកញ្ញាកន្លងទៅនេះ Nick Taylor ត្រូវបានដូរចូលឲ្យលេងក្នុងវគ្គទី២នៅពេលក្រុមបាល់ទាត់ជម្រើសជាតិកម្ពុជាប្រកួតមិត្តភាពអន្តរជាតិចាញ់ជម្រើសជាតិបង់ក្លាដែសដោយលទ្ធផល ១-០។ នេះជាលើកដំបូងដែលរូបគេត្រូវបានកោះហៅចូលជម្រើសជាតិកម្ពុជា និងបានបង្ហាញខ្លួននៅលើទីលានប្រកួតតែម្តង។

Nick Taylor បាននិយាយថា ៖«ពិតជាមានកិត្តិយសណាស់ដែលខ្ញុំបានប្រកួតអន្តរជាតិជាលើកដំបូងតំណាងឲ្យប្រទេសកម្ពុជាដ៏ស្រស់ស្អាត។ វាជាជោគជ័យមួយដែលមានន័យបំផុតសម្រាប់ជីវិតរបស់ខ្ញុំរហូតដល់ពេលនេះ។ សូមអរគុណដែលទទួលស្វាគមន៍ជាមួយនឹងក្តីស្រឡាញ់ និងគាំទ្រដែលជាពេលវេលាខ្ញុំមិនអាចភ្លេចបាន។ ខ្ញុំពិតជាមានមោទនភាពដែលពាក់អាវជម្រើសជាតិ ហើយសង្ឃឹមបន្តច្រើនឆ្នាំទៀត»។

សូមបញ្ជាក់ថា Nick Taylor កើតឆ្នាំ១៩៩៨ នៅតំបន់ Coppell រដ្ឋតិចសាស សហរដ្ឋអាមេរិក ដែលមានម្តាយជាជនខ្មែរ និងឪពុកជាជនអាមេរិក ដូច្នេះរូបគេមានសិទ្ធិតំណាងឲ្យជម្រើសជាតិកម្ពុជា។ បច្ចុប្បន្ន រូបគេកំពុងលេងក្លឹបអាមេរិក Orlando City B៕

អត្ថបទ៖ វីរបុត្រ