កីឡា
ព្រះខ័នរាជស្វាយរៀងប៉ះទ័ព ថ្ងៃស្អែកដោយមានទំនុកចិត្ត
ព្រះខ័នរាជស្វាយរៀង មានទំនុកចិត្តក្នុងការជួប ក្រសួងការពារជាតិ ក្នុងសប្តាហ៍ទី១៨ ខែជម្រើសជើងឯក ខេមបូឌានព្រីមៀរលីគ វេលាម៉ោង៦:៣០នាទីល្ងាច ថ្ងៃសៅរ៍ ទី១ ខែតុលា ស្អែកនេះនៅស្តាតចាស់។

ជួបគ្នា៤លើកកន្លងមកក្នុងលីគរដូវកាល២០២២ និងរដូវកាល២០២១ ក្រសួងការពារជាតិមិនធ្លាប់ឈ្នះព្រះខ័នរាជស្វាយរៀងឡើយ។ ក្នុងរដូវកាលនេះ ជើងទី១ ព្រះខ័នរាជស្វាយរៀងឈ្នះ១-៣ នៅទឹកដីរបស់ទ័ព និងជើងទី២ស្មើ ១-១ នៅទឹកដីខេត្តស្វាយរៀង។ រដូវកាល២០២១ ក្រសួងការពារជាតិចាញ់ព្រះខ័នរាជស្វាយរៀងទាំងពីរលើកគឺជើងទី១ ចាញ់ ៣-២ និងជើងទី២ ចាញ់១-៣។
សម្រាប់ការប្រកួតថ្ងៃស្អែក លោក Conor Nestor គ្រូបង្វឹកព្រះខ័នរាជស្វាយរៀង បាននិយាយថា ៖«សម្រាប់ការប្រកួតនេះ យើងត្រៀមខ្លួនបានល្អ ប៉ុន្តែវាមានការរំខានច្រើនដោយសារយើងឈប់សម្រាកមួយខែ នៅពេលលីគរបស់ប្រទេសផ្សេងឈប់ត្រឹមតែ២សប្តាហ៍ប៉ុណ្ណោះ។ វាធ្វើឲ្យមានការលំបាកក្នុងការរក្សាកម្រិតលេងខ្ពស់ ប៉ុន្តែរាល់ការប្រកួត មិនថាជួបក្រុមណានោះទេ គឺយើងត្រូវតែកែលំអ»។

ពេលសួរថា តើការប្រកួតថ្ងៃស្អែកនឹងល្អប្រសើរជាងប៉ុន្មានប្រកួតចុងក្រោយទេ? លោក Conor Nestor បានឆ្លើយថា ៖«ខ្ញុំគិតថា ជារឿងធម្មតាក្នុងរដូវកាលមួយវែង ប្រាកដជាបាត់បង់ពិន្ទុខ្លះមិនខាន។ តាំងពីការចាប់ផ្តើមរដូវកាលមក យើងមិនរំពឹងឈ្នះគ្រប់ការប្រកួតនោះទេ។ ខ្ញុំគិតថា ការលេងរបស់យើងក្នុងលីគល្អគ្រប់ការប្រកួត ទោះជាការប្រកួតនោះ យើងចាញ់ ឬស្មើក៏ដោយ។ ការលេងខ្សោយបំផុតរបស់យើងតែម្តងគត់គឺជាមួយភ្នំពេញក្រោន។ ដូច្នេះយើងឆ្ពោះទៅការប្រកួតដោយមានទំនុកចិត្ត ប៉ុន្តែយើងក៏ដឹងថា យើងត្រូវប៉ះដៃគូដ៏លំបាកមួយដែរ»។
៤ប្រកួងចុងក្រោយក្នុងលីគរបស់ក្រុមទាំងពីរក៏ធ្វើមិនសូវបានល្អដូចគ្នា។ ព្រះខ័នរាជស្វាយរៀង ដែលកំពុងស្ថិតនៅកំពូលតារាង បានចាញ់វិសាខា ០-១, ឈ្នះគិរីវង់សុខសែនជ័យ ១០-០, ចាញ់ភ្នំពេញក្រោន ០-៣ និងស្មើ បឹងកេត ២-២។ ចំណែក ក្រសួងការពារជាតិ ដែលស្ថិតលេខ៧ ក៏ធ្វើមិនបានល្អដែរគឺចាញ់គិរីវង់សុខសែនជ័យ ០-១, ចាញ់ ភ្នំពេញក្រោន ១-០, ចាញ់ បឹងកេត ៣-២ និងស្មើណាហ្គាវើលដ៍ ១-១៕

អត្ថបទ៖ វីរបុត្រ

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?