កីឡា

Haaland ត្រូវបានគេចាត់ទុកថាជា Ronaldo, Zlatan និងកំពូលតារាជាច្រើនទៀតនៅក្នុងខ្លួនតែមួយ

បានផុស

២ years មុន

នៅ

ថ្ងៃចន្ទ ៣ តុលា ២០២២

ដោយ

កីឡាករខ្សែប្រយុទ្ធឆ្នើម Erling Haaland បានបំបែកកំណត់ត្រាមួយផ្សេងទៀតហើយនៅក្របខ័ណ្ឌលីគកំពូលអង់គ្លេស (Premier League) ក្រោយជួយឱ្យក្រុមឈ្នះ Man United ៦-៣ កាលពីយប់មិញ ខណៈគេរកបាន ៣ គ្រាប់ម្នាក់ឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បាល់ទាំងបីរបស់ Haaland ក្នុងការយកឈ្នះ ៦-៣ លើ Manchester United នៅកីឡដ្ឋាន Etihad បានធានាថាគេបានក្លាយជាកីឡាករដំបូងគេដែលរកបាន ៣ គ្រាប់ជាប់ៗគ្នានៅលើទឹកដីរបស់ខ្លួន ក្នុង Premier League ជាហេតុធ្វើឱ្យអតីតអ្នកចាំទីរបស់ United និង City លោក Peter Schmeichel ចាត់ទុករូបគេថាជា Ronaldo, Zlatan Ibrahimovic និងកំពូលតារាជាច្រើនទៀតនៅក្នុងខ្លួនតែមួយ។

លោក Peter Schmeichel បានប្រាប់ BBC ថា៖ «អ្នកអាចឃើញកីឡាករផ្សេងគ្នានៅក្នុងខ្លួនរបស់ Haaland ហើយគាត់ គឺដូចជាកំពូលខ្សែប្រយុទ្ធជាច្រើនក្នុងពេលតែមួយ។»

Schmeichel បានបន្តថា «នៅពេលអ្នកក្រឡេកមើល Haaland អ្នកឃើញកីឡាករផ្សេងៗជាច្រើនគ្នា។ គ្រាប់បាល់ដូច Zlatan ហើយ Ronaldo ក៏នៅទីនោះដែរ។ អ្នកឃើញកំពូលខ្សែប្រយុទ្ធកំពូលៗនៅក្នុងខ្លួនមនុស្សតែម្នាក់។ នោះហើយជាមូលហេតុដែលគាត់ជាកីឡាករគ្រោះថ្នាក់។ គាត់មានភាពអស្ចារ្យក្នុងការឃើញខ្សែប្រយុទ្ធកំពូលជាច្រើន ហើយពួកគេទាំងអស់ត្រូវបានបញ្ចូលទៅក្នុងកីឡាករតែមួយ។» Schmeichel បានបន្ថែម។

Haaland ស៊ុតបញ្ចូលទីបាន ១៧ គ្រាប់ និងបញ្ជូនបាល់ (assist) ៣ ដង ក្នុង ១១ ប្រកួតចុងក្រោយរបស់គាត់។

គេស៊ុតបញ្ចូលទីបាន ៣ គ្រាប់បន្ថែមទៀត នៅក្នុងការប្រកួត Premier League ត្រឹម ៨ ប្រកួតដំបូងរបស់ខ្លួន ធ្វើបានល្អជាងកំណត់ត្រាមុនៗរបស់ Mick Quinn, Papiss Cisse និង Diego Costa បន្ទាប់ពីចាយដល់ ១០ ប្រកួត។

គ្រាប់បាល់ចំនួន ៩ គ្រាប់របស់គេ ក្នុង ៥ ប្រកួតដំបូង បានធ្វើឱ្យក្លាយជាអ្នកស៊ុតបញ្ចូលទីច្រើនជាងគេក្នុងខែសីហា នៃដើមរដូវកាល Premier League បើធៀបទៅនឹងពីមុនៗ។

អ្វីដែលពិសេសទៀត គេធ្វើបាន Hat-trick ៣ ដង ក្នុង ៨ ប្រកួតដែលនេះវាបានដាច់កំណត់ត្រារបស់ Owen ដែលចាយដល់ ៤៨ ប្រកួតទើបរកបាន Hat-trick ៣ ដង៕

ប្រភព៖ BBC

អត្ថបទ៖ មន្នីរ័ត្ន