កីឡា
កីឡដ្ឋានបាល់ទាត់កម្ពុជារីកចម្រើនយ៉ាងលឿនប៉ុន្មានឆ្នាំចុងក្រោយ
ហេដ្ឋារចនាសម្ព័ន្ធបាល់ទាត់កម្ពុជាកំពុងបោះជំហានទៅមុខយ៉ាងលឿនក្នុងរយៈពេលប៉ុន្មានឆ្នាំចុងក្រោយនេះទាំងរដ្ឋ និងឯកជន។ មូលដ្ឋានគ្រឹះទាំងអស់នេះហើយជាផ្នែកមួយដ៏សំខាន់ក្នុងការជំរុញ និងអភិវឌ្ឍវិស័យបាល់ទាត់កម្ពុជាឲ្យរីកចម្រើន ជឿនលឿនឈានទៅរកកម្រិតស្តង់ដាអាស៊ី និងពិភពលោក។
ពហុកីឡដ្ឋានជាតិមរតកតេជោ
រាជរដ្ឋាភិបាលកម្ពុជាបានកសាងពហុកីឡដ្ឋានជាតិមរតកតេជោរួចរាល់ជាស្ថាពរដើម្បីត្រៀមរៀបចំការប្រកួតកីឡាស៊ីហ្គេម ឆ្នាំ២០២៣ នៅកម្ពុជា។ នេះមិនត្រឹមតែជាសមិទ្ធផលកីឡាដ៏សម្បើមនៅក្នុងប្រទេសប៉ុណ្ណោះទេ ប៉ុន្តែជាការរួមចំណែកដ៏សំខាន់លើវិស័យកីឡាក្នុងតំបន់ និងអន្តរជាតិ។
ពហុកីឡដ្ឋានជាតិ
ពហុកីឡដ្ឋានជាតិ (អូឡាំពិក) នៅតែដើរតួនាទីយ៉ាងសំខាន់សម្រាប់បម្រើដល់វិស័យកីឡាបាល់ទាត់នៅក្នុងប្រទេសកម្ពុជា។ ថ្មីៗនេះ ក្រសួងអប់រំ យុវជន និងកីឡាកំពុងផ្លាស់ប្តូរពីស្មៅជ័រទៅជាស្មៅធម្មជាតិដើម្បីឲ្យត្រូវតាមកម្រិតស្តង់ដាសម្រាប់រៀបចំការប្រកួតកីឡាស៊ីហ្គេម ឆ្នាំ២០២៣។
សាលាបាល់ទាត់ជាតិបាទី
មជ្ឈមណ្ឌលបណ្តុះបណ្តាលបាល់ទាត់ជាតិបាទីបានដើរតួនាទីយ៉ាងសំខាន់ក្នុងការអភិវឌ្ឍថ្នាលយុវជនកម្ពុជា បន្ទាប់ពីត្រូវបានបង្កើតឡើងជាផ្លូវការ។ ជាក់ស្តែងក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំបានឡើងវគ្គពាក់កណ្តាលផ្តាច់ព្រ័ត្រលើកដំបូងនៅស៊ីហ្គេម កាលពីឆ្នាំ២០១៩។ ជាមួយគ្នានេះ កីឡាករអាជីពជាច្រើនបានជាប់ជម្រើសជាតិ និងលេងឲ្យក្លឹបអាជីពដែលពួកគេប្រសូតចេញពីសាលាបាល់ទាត់ជាតិបាទី។
សាលាតម្រង់ទិស២៤ខេត្ត-ក្រុង
សហព័ន្ធកីឡាបាល់ទាត់កម្ពុជាបានកសាងរួចរាល់ហើយនូវទីសាលាតម្រង់ទិស២៤ខេត្ត-ក្រុងដែលងាយស្រួលសម្រាប់គ្រប់ខេត្តទាំងអស់មានទីលានក្នុងការបណ្តុះបណ្តាល ហ្វឹកហាត់ និងអភិវឌ្ឍវិស័យបាល់ទាត់នៅកម្ពុជា។
កីឡដ្ឋានរបស់ក្លឹបលីគកំពូល
ក្លឹបទាំង៨នៃលីគលីគកំពូលកម្ពុជាសុទ្ធតែមានកីឡដ្ឋានផ្ទាល់ខ្លួនដែលបានក្លាយជាកន្លែងបណ្តុះបណ្តាល អភិវឌ្ឍ និងប្រកួតអាជីព។ ក្រៅពីនេះ ក្លឹបមួយចំនួនក៏មានទីលានហ្វឹកហាត់ក្រៅពីកីឡដ្ឋានសំខាន់ទៀតផង។
១-កីឡដ្ឋាន ភ្នំពេញក្រោន របស់ក្លឹបភ្នំពេញក្រោន
២-កីឡដ្ឋាន ខេត្តស្វាយរៀង របស់ក្លឹបព្រះខ័នរាជស្វាយរៀង
៣-កីឡដ្ឋាន ព្រីនស៍ របស់ក្លឹប វិសាខា
៤-ស្តាតចាស់ របស់ក្លឹបក្រសួងការពារជាតិ
៥-កីឡដ្ឋាន កំពង់ស្ពឺ របស់ក្លឹបណាហ្គាវើលដ៍
៦-កីឡដ្ឋាន ហនុមាន របស់ក្លឹបអង្គរថាយហ្គឺរ
៧-កីឡដ្ឋាន ខេមបូឌាអ៊ែវ៉េ របស់ក្លឹបបឹងកេត
៨-កីឡដ្ឋាន គិរីវង់សុខសែនជ័យ របស់ក្លឹបគិរីវង់សុខសែនជ័យ
កីឡដ្ឋានរបស់ក្លឹបលីគកម្ពុជាទី២
ក្លឹបទាំង១២នៃលីគកម្ពុជាទី២ក៏មានកីឡដ្ឋាន ឬទីលានផ្ទាល់ខ្លួនដែលអាចរៀបចំការប្រកួតក្នុងផ្ទះ និងក្រៅផ្ទះបានដូចជា កីឡដ្ឋាន អគ្គិសនីកម្ពុជា របស់ក្លឹបអគ្គិសនីកម្ពុជា។ កីឡដ្ឋាន អេអីយូ ស្ព័តផាក របស់ក្លឹបអាស៊ីអឺរ៉ុប។ កីឡដ្ឋាន អេអាយអេ ខេអឹមអេច របស់ក្លឹប អាយអេសអាយ ដង្កោសែនជ័យ និងក្លឹបផ្សេងទៀតសុទ្ធតែមានទីលានប្រកួតធ្វើជាម្ចាស់ផ្ទះ។
ទីលានបាល់ទាត់របស់គ្រឹះស្ថានផ្សេងៗ
ក្រៅពីជាតិ ក្លឹបអាជីព និងខេត្តមានកីឡដ្ឋាន ឬទីលានផ្ទាល់ខ្លួន ស្ថាប័នឯកជនមួយចំនួនដូចជាសាកលវិទ្យាល័យ និងវិទ្យាល័យមួយចំនួនក៏មានទីលានប្រកួតផ្ទាល់ខ្លួន។ ទីលានខ្លះមានកម្រិតស្តង់ដា និងអាចរៀបចំការប្រកួតផ្លូវការបាន ហើយពួកគេមួយចំនួនក៏មានក្រុមបាល់ទាត់របស់ខ្លួនទៀតផង។
សរុបមកវិញ ពហុកីឡដ្ឋានជាតិ កីឡដ្ឋាន និងទីលានក្លឹប គ្រឹះស្ថានឯកជនសុទ្ធតែបម្រើដល់ការបណ្តុះបណ្តាល អភិវឌ្ឍ និងជំរុញវិស័យបាល់ទាត់កម្ពុជាឲ្យរីកចម្រើន។ ទោះបីជាយ៉ាងណា រហូតដល់ពេលនេះ ថ្វីបើ ពហុកីឡដ្ឋានជាតិ កីឡដ្ឋាន និងទីលានបានកំពុងរីកចម្រើនច្រើនគួរឲ្យកត់សំគាល់ ប៉ុន្តែគុណភាពបាល់ទាត់ទាំងក្រុមជម្រើសជាតិ និងក្លឹបនៅមិនទាន់ល្អប្រសើរប៉ុន្មានឡើយ បើប្រៀបធៀបនឹងកាលពីជិត១០ឆ្នាំមុន៕
អត្ថបទ៖ វីរបុត្រ
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
អភិបាលខេត្តកែប៖ ក្តាមសេះខេត្តកែបមានរសជាតិឆ្ងាញ់ ដោយសារមានស្មៅសមុទ្រជាចំណីពិសេស
អាជ្ញាធរសង្កាត់ផ្សារកណ្តាលទី១ ជូនដំណឹងដល់អាជីវករលក់ដូរលើចិញ្ចើមផ្លូវព្រះស៊ីសុវត្តិ ពីការរៀបចំ ផ្លូវថ្មើរជើង
គណៈកម្មាធិការអភិវឌ្ឍតំបន់ឆ្នេរ ប្រជុំលើកយករបៀបវារៈចំនួន ៨ ដើម្បីតាមដានជំរុញការអភិវឌ្ឍ
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៦ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១៩ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»