កីឡា

ធ្លាប់ចាញ់កម្ពុជា U-17 អូស្ត្រាលី កោះហៅកីឡាករថ្មីថែម ត្រៀមពានថ្មីពេលប៉ះគ្នាម្ដងទៀត រសៀលនេះ

បានផុស

២ years មុន

នៅ

ថ្ងៃសុក្រ ៧ តុលា ២០២២

ដោយ

ក្រុមជម្រើសជាតិអូស្ត្រាលី អាយុក្រោម ១៧ ឆ្នាំ បានកោះហៅកីឡាករចំនួន ២៤ នាក់ ដើម្បីចូលរួមការប្រកួតជម្រុះពានរង្វាន់យុវជនទ្វីបអាស៊ីអាយុក្រោម ១៧ ឆ្នាំ (AFC U-17 Asian Cup)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

U-17 អូស្ត្រាលី រួមពូល G ជាមួយកម្ពុជា, ចិន និងកោះម៉ារីណាខាងជើង ខណៈកាលពីខែសីហា កន្លងទៅ ក្រុមនេះបានចាញ់កម្ពុជាម្ដងហើយ (៤-២) ក្នុងពានយុវជនអាស៊ីអាគ្នេយ៍។ នៅលើកនេះគេបានកោះហៅកីឡាករថ្មីច្រើន ជាពិសេសជាកីឡាករដែលមានទម្រង់លេងល្អជាងឈុតមុន។

កីឡាករដែលត្រូវបានកោះហៅថ្មី ក្នុងបញ្ជីកីឡាករ ២៤ នាក់ មានកីឡាករថ្មី ១៣ នាក់ ហើយភាគច្រើនជាខ្សែការពារ ជាក់ស្ដែង ៤ នាក់ខាងក្រោមថ្មីជាជម្រើស ១១ នាក់ដំបូងផ្ទាល់តែម្ដង។

លើសពីនេះ កីឡាករថ្មីដែលកោះហៅមានខ្សែប្រយុទ្ធម្នាក់ រកបាន ៥ គ្រាប់ម្នាក់ឯង កាលពីប៉ះកោះម៉ារីណាខាងជើង ក្នុងជ័យជម្នះដែលគេបានយកឈ្នះ ២៣-០ និងម្នាក់ទៀតរកបាន ៤ គ្រាប់ផងដែរ។

បញ្ជាក់ថា U-17 អូស្ត្រាលី នឹងជួប U-17 កម្ពុជា នៅថ្ងៃទី ០៧ តុលានេះ វេលាម៉ោង ៣ និង ៣០ នាទីរសៀល។

ម្ចាស់ផ្ទះអូស្ត្រាលី កំពុងកាន់កាប់កំពូលតារាង តាមពីក្រោយដោយចិន ដោយឡែក U-17 កម្ពុជា ស្ថិតនៅលេខ ៣ ក្នុងពូល ខណៈកោះម៉ារីណាខាងជើង ស្ថិតនៅបាតតារាង៕

អត្ថបទ ៖ មន្នីរ័ត្ន