Connect with us

កីឡា

គ្រូព្រះខ័នរាជស្វាយរៀង បកស្រាយការរកគ្រាប់បាល់បានតិច នាប៉ុន្មានប្រកួតចុងក្រោយ

បានផុស

នៅ

ក្លិបបាល់ទាត់ព្រះខ័នរាជស្វាយរៀង នាប៉ុន្មានប្រកួតចុងក្រោយនេះ ហាក់រកគ្រាប់បាល់បានតិចគ្រាប់ក្នុងការប្រកួតនីមួយៗ ខណៈលោក Conor Nestor បានបង្ហើបឱ្យដឹងពីមូលហេតុ នៅមុនការជួបប្រកួតបន្តទៀតជាមួយ ក្លិបណាហ្គាវើលដ៍ នៅល្ងាចនេះនៃសប្ដាហ៍ទី១៩ លីគកំពូលកម្ពុជា។

ការរកគ្រាប់បាល់បានតិច គឺក្រោយការប្រកួតទល់នឹង សមាគមកីឡាបាល់ទាត់កងយោថពលខេមរភូមិន្ទ (ទ័ព) កាលពីសប្ដាហ៍មុន ដោយយកឈ្នះត្រឹម ០-១ ខណៈមុននឹងទៀតករបាន តែ ២គ្រាប់ក្នុងចំណោម ៣ប្រកួតចុងក្រោយទល់នឹងក្រុមនៅតំបន់ Top 4។

លោក Conor Nestor បាននិយាយដូច្នេះថា៖ «ទាក់ទងទៅនឹងការរកគ្រាប់បាល់បានតិច តែអ្វីដែលសំខាន់គឺយើងទទួលបានពិន្ទុច្រើន គ្រាប់បាល់សងច្រើន ខ្ញុំឃើញថាយើងធ្វើបានល្អ របៀបដែលរកគ្រាប់តិចពិតហើយ តើយើងរក្សាសំណាញ់ទីបាន? ពិតហើយ! គ្រាប់បាល់ធ្វើឲ្យយើងឈ្នះការប្រកួត ហើយរក្សាសំណាញ់ទីជួយឲ្យយើងឈ្នះពាន ខ្ញុំរីករាយចំពោះការឈ្នះ ១ទល់នឹង០ ទោះវាមិនមែនជាទម្រង់លេងដ៏ល្អមួយ តែដូចខ្ញុំនិយាយអញ្ចឹងអ្នកដែលរិះគន់ចំពោះការរកគ្រាប់បាល់របស់យើង ហាក់ដូចជាយើងមានកីឡាករតែ ៥,៦នាក់អញ្ចឹង។»

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ក្នុងនាមខ្ញុំជាគ្រូបង្វឹក គឺខ្ញុំរីករាយចំពោះកូនក្រុម ហើយខ្ញុំដឹងច្បាស់ពីភាពខ្លាំងរបស់គូប្រកួតមានកម្រិតប៉ុណ្ណា មិនមានន័យថាយើងស៊ុតបញ្ចូលទីបានច្រើនប៉ុណ្ណានៅជើងទី១ វាគ្មានន័យអីចំពោះជើងទី២ ទី៣ ឡើយ ដូចខ្ញុំបានឃើញកាលដែល Man United ប៉ះជាមួយ Man City ថ្ងៃមុនអញ្ចឹង មានអ្នកគាំទ្រ United ជាច្រើនភ្ញាក់ផ្អើលចំពោះការធ្លាយគ្រាប់បាល់ នៅក្នុងបាល់ទាត់គឺមិនប្រាកដនោះទេ មិនមែនមានន័យថា ថ្ងៃនេះអ្នកឈ្នះ ៤ទល់នឹង០ ហើយប្រកួតក្រោយអ្នកនឹងឈ្នះគេ ៤ទល់នឹង០ ទៀតនោះឡើយ ចំពោះការដែលប៉ះទ័ព ខ្ញុំពេញចិត្តមែនទែនដែលយើងរកបាន ៧ពិន្ទុពីពួកគេ បឹងកេតរកបាន៦ពិន្ទុ វិសាខារកបានបីពិន្ទុ ក្រោនរកបាន ៤ពិន្ទុ គ្មានក្រុមណានៅក្នុងកំពូលតារាងទាំង ៤រកពិន្ទុពីទ័ពច្រើនជាងយើងឡើយ តែថាពួកយើង អាចរកគ្រាប់បាល់ច្រើនទៀតទេពិតណាស់ ក៏ប៉ុន្តែនិយាយបែបនោះហាក់ដូចជាខ្វះការគោរពចំពោះក្រុមទាំងមូលដែលខិតខំប្រឹងប្រែងយ៉ាងខ្លាំង។» គ្រូបង្វឹកសញ្ជាតិអៀរឡង់ខាងជើង សង្កត់ធ្ងន់បន្ថែម។

នៅល្ងាចនេះ នាវេលាម៉ោង ៦:៣០នាទីយប់ ព្រះខ័នរាជស្វាយរៀង នឹងបើកទ្វារកីឡដ្ឋានខេត្តស្វាយរៀង ដើម្បីទទួលស្វាគមន៍ក្រុមភ្ញៀវ ណាហ្គាវើលដ៍ ដែលការប្រកួតនឹងផ្សាយផ្ទាល់នៅលើហ្វេសប៊ុកផេក “កម្ពុជាថ្មី – Kampuchea Thmey Daily” ស្របពេលដែល លោក Conor Nestor ក៏បាននិយាយពីការប្រកួតនេះផងដែរ។

លោក Conor Nestor បានឱ្យដឹងដូច្នេះថា ៖«ជាការប្រកួដ៏ពិបាកមួយ ដែលកាលពីមុនពួកគេទទួលបានការពិន័យជាច្រើន ហើយការសម្រេចបែបនេះបង្ករផលវិបាកជាច្រើនចំពោះពួកគេ ប៉ុន្តែឥឡូវនេះកីឡាករដែលជាប់ពិន័យទាំងនោះបានត្រឡប់មកវិញហើយ ដែលនឹងធ្វើអោយការប្រកួតនេះនឹងតានតឹងខ្លាំង។»

គួររំលឹកថា កាលពីជើងទី១ ព្រះខ័នរាជស្វាយរៀង បានស្មើជាមួយណាហ្គាវើលដ៍ ១-១ នៅកីឡដ្ឋានខេត្តស្វាយរៀង ហើយជើងទី២ ព្រះខ័នរាជស្វាយរៀង បានយកឈ្នះ ណាហ្គាវើលដ៍ ០-១ ខណៈការប្រកួតល្ងាចនេះ អាចជាការជួបគ្នាលើកចុងក្រោយក្នុងរដូវកាលនេះ ដ្បិតណាហ្គាវើលដ៍ នឹងអស់ឱកាសឡើងទៅតំបន់ Top 4 ករណីបើចាញ់ ព្រះខ័នរាជស្វាយរៀង ហើយ ភ្នំពេញក្រោន យកឈ្នះ គីរីវង់សុខសែនជ័យ៕ 

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទីutes មុន

ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ

ជីវិតកម្សាន្ដ១៣ នាទីutes មុន

រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត

សុខភាព២៤ នាទីutes មុន

ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre

ព័ត៌មានអន្ដរជាតិ២៥ នាទីutes មុន

តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍

ព័ត៌មានជាតិ២៧ នាទីutes មុន

ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣

ព័ត៌មានអន្ដរជាតិ១៩ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៨ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៩ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៩ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ២ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម