កីឡា
១១ ក្រុម ត្រៀមប្រកួតបាល់ទះជើងឯកពានរង្វាន់សម្ដេចតេជោ ហ៊ុន សែន ឆ្នាំ ២០២២ ចុងសប្ដាហ៍នេះ
ក្រុមបាល់ទះជាសមាជិកទាំង ១១ ក្រុម ក្នុងពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ ២០២២ បានគណៈកម្មការរៀបចំការប្រកួតចាប់ឆ្នោតបែងចែកពូលរួចរាល់ នៅមជ្ឈមណ្ឌលជាតិហ្វឹកហ្វឺនកីឡា ខណៈការប្រកួតចាប់ដំណើរទៅថ្ងៃទី ១៥ ខែតុលា ឆ្នាំ ២០២២ ចុងសប្ដាហ៍នេះតទៅ។
លទ្ធផល នៃការចាប់ឆ្នោតឃើញថា ៖
ពូល A ៖ រដ្ឋបាលរាជធានីភ្នំពេញ, សមាគមបាល់ទះវិសាខា, ស្នងការដ្ឋាននគរបាលខេត្តបាត់ដំបង។
ពូល B ៖ បញ្ជាការដ្ឋានកងអង្គរក្ស, ស្នងការដ្ឋាននគរបាលខេត្តត្បូងឃ្មុំ, សមាគមបាល់ទះខេត្តសៀមរាប។
ពូល C ៖ ក្លិបកងពលធំអន្តរាគមន៍លេខ ៣, ក្លិបកូននាគឧត្តរ, ស្នងការដ្ឋាននគរបាលខេត្តព្រះសីហនុ។
ពូល D ៖ សមាគមបាល់ទះក្រសួងមហាផ្ទៃ, ស្នងការដ្ឋាននគរបាលខេត្តស្វាយរៀង។
លោក តែន ឡន អគ្គលេខាធិការរងសហព័ន្ធកីឡាបាល់ទះកម្ពុជា បញ្ជាក់ថា ក្រុមដែលមានឈ្មោះចូលរួមនេះ មាន ៥ ក្រុម (បានពីការអញ្ជើញ) និង ៦ ក្រុម ដែលឡើងមកពីពានរង្វាន់សម្ដេចក្រឡាហោម កន្លងទៅ។ ជាដំបូងក្រុមដែលចូលរួមទាំង ១១ នេះ ត្រូវបែងចែកជា ៤ ពូល ប្រកួតវិលជុំ ១ ជើងសន្សំពិន្ទុ ហើយក្រុមលេខ ១ និងលេខ ២ តាមពូលនីមួយៗ មានឈ្មោះឡើងទៅប្រកួតវគ្គ ៨ ក្រុមចុងក្រោយ ដែលការបែងចែកពូលប្រកួតវិលជុំជម្រុះ ហើយក្រុមដែលឈ្នះ មានឈ្មោះបន្តកៅអីឡើងទៅវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។
លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានបញ្ជាក់ នេះជាសកម្មភាពប្រកួតមួយក្នុងចំណោមសកម្មភាពមួយចំនួនដែលសហព័ន្ធរៀបចំឡើងនៅឆ្នាំ ២០២២ នេះ។
លោកបន្តថា ៖ «ព្រឹត្តិការណ៍នេះ នឹងកក្រើកក្នុងពិភពបាល់ទះ យើងបានជីកកកាយពានរង្វាន់នេះឡើងវិញ ខណៈនៅទសវត្សទី ៩០ ធ្លាប់បានរៀបចំម្តងរួចមកហើយ។ ព្រឹត្តិការណ៍នេះក៏យើងទទួលបានការឯកភាពពី សម្ដេច ផងដែរ។ ខ្ញុំជឿជាក់ថា និរន្តរភាព នៃពានរង្វាន់នេះ នឹងរៀបចំឡើងរៀងរាល់ឆ្នាំ ព្រោះថា បើចង់បានគុណផលសម្រាប់ជាតិបានទាល់តែមានព្រឹត្តិការណ៍ នៃការប្រកួតឲ្យបានច្រើន។ ព្រឹត្តិការណ៍ នៃការប្រកួតនេះ យើងត្រូវបែងចែកជាកម្រិត នៃការប្រកួតផងដែរ។ ពានរង្វាន់កាន់តែធំ កីឡាករអាជីពមានកាន់តែច្រើន»។
តាមគម្រោងការប្រកួតដណ្ដើមពានរង្វាន់សម្ដេចតេជោ ហ៊ុន សែន នេះ នឹងរៀបចំប្រកួតពីថ្ងៃ ១៥ ដល់ថ្ងៃទី ៣០ ខែតុលា ឆ្នាំ ២០២២ នៅកីឡដ្ឋានព្រីនស៍។ សម្រាប់ក្រុមជ័យលាភីវិញ នឹងទទួលបានដូចជា ៖
-ក្រុមជើងឯក ៖ ពានរង្វាន់ធំ ១ មេដាយមាសម្នាក់ ១ អមដោយថវិកា ១ ម៉ឺនដុល្លារ។
-ជើងឯករង ៖ មេដាយប្រាក់ ម្នាក់ ១ អមដោយថវិកា ៥ ពាន់ដុល្លារ។
-លេខ ៣ ៖ មេដាយសំរឹទ្ធិ ម្នាក់ ១ អមដោយថវិកា ៣ ពាន់ដុល្លារ។
-លេខ ៤ ៖ ថវិកា ២ ពាន់ដុល្លារ។
ក្រៅពីនោះ ក៏មានពានរង្វាន់ឯកត្តជនដែរ ដោយសម្រាប់កីឡាករល្អជាងគេប្រចាំព្រឹត្តិការណ៍ កីឡាករលើកបាល់ល្អ កីឡាករធ្វើរនាំងល្អ និងកីឡាករវាយសេវាល្អជាងគេជាដើម។
អ្វីដែលពិសេសថែមទៀតនោះ ក្នុងការប្រកួតពានរង្វាន់បាល់ទះសម្ដេចតេជោ ហ៊ុន សែន ឆ្នាំ ២០២២ នេះ ក៏មានការប្រកួតមិត្តភាពអន្តរជាតិចំនួន ២ គូដែរ ដោយក្នុងនោះ ៖
-១៥ តុលា ២០២២ ក្រុមបាល់ទះជម្រើសជាតិកម្ពុជា ប៉ះ សិង្ហបុរី វេលាម៉ោង ៧ យប់។
-២០ តុលា ២០២២ ក្រុមបាល់ទះជម្រើសជាតិកម្ពុជា ប៉ះ គុយបា វេលាម៉ោង ៧ យប់៕
អត្ថបទ ៖ មន្នីរ័ត្ន
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
លើកទី១ក្នុងឆ្នាំថ្មី សម្ដេចធិបតី បំពេញទស្សនកិច្ចនៅហ្វីលីពីន ដើម្បីផ្ដល់សន្ទុះទំនាក់ទំនងប្រទេសទាំងពីរ
ក្រសួងការងារ ណែនាំកម្មវិធី App ស្វែងរកការងារនៅបរទេសដោយទំនុកចិត្តខ្ពស់ និងសុវត្ថិភាព
ស្ថិរភាពតម្លៃប្រាក់រៀល រួមចំណែកក្នុងការរក្សាស្ថិរភាពថ្លៃទំនិញនៅលើទីផ្សារ
តារាចម្រៀងជើងចាស់កូរ៉េ Song Dae-gwan ទទួលមរណភាព ចំថ្ងៃរំលឹកខួបម្ដាយ
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច