កីឡា

ប៉េតង់កម្ពុជាបង្ហាញសមិទ្ធផលមេដាយអន្តរជាតិ៣៨៧គ្រឿង

បានផុស

២ years មុន

នៅ

ថ្ងៃចន្ទ ១៧ តុលា ២០២២

ដោយ

កីឡាប៊ូល និងប៉េតង់កម្ពុជាបានក្លាយជាកីឡាដ៏មានសក្តានុពលលើឆាកអន្តរជាតិក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីសហព័ន្ធត្រូវបានបង្កើតឡើងជាផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបើកការប្រកួតកីឡាប៊ូល និងប៉េតង់ជើងឯកថ្នាក់ជាតិឆ្នាំ២០២២ លោក សុខ សូកាន ប្រធានសហព័ន្ធកីឡាប៊ូល និងប៉េតង់កម្ពុជា បានលើកឡើងថា ក្រោមការដឹកនាំរបស់អតីតថ្នាក់ដឹកនាំមានសម្តេចវិបុលបញ្ញា សុខ អាន ជាប្រធាន និងសម្តេចក្រឡាហោម ស ខេង ជាប្រធានកិត្តិយស រហូតដល់ លោក ស សុខា រដ្ឋលេខាធិការក្រសួងអប់រំ យុវជន និងកីឡាជាប្រធានកិត្តិយស និងខ្លួនលោកផ្ទាល់ជាប្រធានបច្ចុប្បន្ន កីឡា ប៊ូល និងប៉េតង់កម្ពុជាបានក្លាយជាកីឡាដ៏មានសក្តានុពលនៅក្នុងពិភពលោក។

ចាប់តាំងពី សហព័ន្ធកីឡាប៊ូល និងប៉េតង់កម្ពុជា ត្រូវបានបង្កើតក្នុងឆ្នាំ១៩៩២ កីឡានេះឈ្នះមេដាយអន្តរជាតិចំនួន៣៨៧គ្រឿងគិតត្រឹមខែតុលា ឆ្នាំ២០២២នេះ។ ក្នុងចំណោមមេដាយទាំងអស់នោះមានមាស១១៣ ប្រាក់១៣៦ និងសំរិទ្ធ១៣៨គ្រឿង។ សមិទ្ធផលទាំងនេះកើតចេញពីការខិតខំប្រឹងប្រែងរបស់អតីតថ្នាក់ដឹកនាំសហព័ន្ធ ឥស្សរជន ព្រមទាំងគ្រូបង្វឹក កីឡាករ កីឡាការិនី រហូតត្រូវបានសហព័ន្ធកីឡាប៊ូល និងប៉េតង់អន្តរជាតិ ប្រសិទ្ធនាមថា «មហាអំណាចលើកីឡាប៊ូល និងប៉េតង់» និងប្រគល់ពានរង្វាន់ «Le Prix MarchelB Pagnol »ទៀតផងដែរ៕