កីឡា
លោក Conor Nestor ៖ ក្រុមរីករាយក្នុងការត្រលប់មករកជ័យជម្នះវិញសម្រាប់ ព្រះខ័នរាជស្វាយរៀង
ក្លិបបាល់ទាត់ព្រះខ័នរាជស្វាយរៀង បានត្រលប់មករកជ័យជម្នះវិញក្នុងពានរង្វាន់ខេមបូឌានព្រីមៀរលីគ (Cambodian Premier League) ឆ្នាំ ២០២២ ក្រោយយកឈ្នះដោយលទ្ធផល ៦-០ លើក្លិបអង្គរថាយហ្គឺរ នាជំនួបសប្ដាហ៍ទី ២០ កាលពីចុងសប្ដាហ៍កន្លងទៅ ក្រោយចាញ់ណាហ្គាវើលដ៍ កាលពីសប្ដាហ៍មុន។
៦ គ្រាប់របស់ព្រះខ័នរាជស្វាយរៀង រកបានដោយកីឡាករ Marcus Haber ២ គ្រាប់, Clyde O’Conell ២ គ្រាប់ និង ជូ ស៊ិនទី ជាមួយ Victor Blasco ម្នាក់ ១ គ្រាប់។
គ្រូបង្វឹកព្រះខ័នរាជស្វាយរៀង លោក Conor Nestor បានបញ្ជាក់ក្រោយចប់ការប្រកួតថា ៖ «យើងរីករាយណាស់ក្នុងការត្រលប់ទៅរកការឈ្នះៗវិញ។ ថាយហ្គឺរ គឺជាក្រុមដែលរកបាន ៣ ពិន្ទុ ពីក្រុមចំនួន ២ ក្នុងចំណោមក្រុមកំពូលទាំង ៤ ដូច្នេះវាជាការឈ្នះដ៏សំខាន់សម្រាប់ពួកយើង»។
បើទោះបីជាទទួលបានជ័យជម្នះ ប៉ុន្តែលោក Conor នៅតែយល់ថា កាលពីសប្ដាហ៍មុនក្រុមធ្វើបានល្អជាង បើទោះបីជារងបរាជ័យក្រោមថ្វីជើងណាហ្គាវើលដ៍ ក៏ដោយ។ នេះបើនិយាយចំពោះតែទម្រង់លេង។
«ក្នុងផ្នែកជាច្រើនដែលខ្ញុំមានអារម្មណ៍ថា យើងធ្វើបានល្អជាងពេលប៉ះណាហ្គាវើល កាលពីសប្ដាហ៍មុន ប៉ុន្តែឱកាសមិននៅខាងយើងទេ។ យ៉ាងណាការការពារយើងរឹងមាំជាងមុន»។ គ្រូបង្វឹកសញ្ជាតិអៀរឡង់ខាងជើងរូបនេះបានសង្កត់ធ្ងន់។
សូមបញ្ជាក់ថា ព្រះខ័នរាជស្វាយរៀង នៅកាន់កាប់កំពូលតារាង នៃលីគកំពូលកម្ពុជា ឆ្នាំ ២០២២ ត្រឹមសប្ដាហ៍ទី ២០ ដោយមាន ៤៥ ពិន្ទុ ហើយក្រុមលេខ ២ វិសាខា តាមពីក្រោយ ៦ ពិន្ទុ ហើយក្រុមលេខ ៣ បឹងកេត មាន ៣៥ ពិន្ទុ និងក្រុមលេខ ៤ ភ្នំពេញក្រោន មាន ៣៣ ពិន្ទុ។
ខេមបូឌានព្រីមៀរលីគ នៅសល់ ១ ប្រកួតទៀត ទើបបញ្ចប់ជុំទី ៣ ខណៈកៅអី Top 4 ក៏បានរកឃើញ ៤ ក្រុមរួចរាល់ហើយ គឺព្រះខ័នរាជស្វាយរៀង, វិសាខា, បឹងកេត និងភ្នំពេញក្រោន។ ដូច្នេះក្រុមទាំង ៤ នឹងមានសិទ្ធិបន្តទៅប្រកួតវគ្គ ៤ ក្រុមចុងក្រោយ ដែលនឹងត្រូវប្រកួតចំនួន ៦ ប្រកួតទៀត ដើម្បីសម្រេចជើងឯក ឆ្នាំ ២០២២៕
អត្ថបទ ៖ មន្នីរ័ត្ន
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?