កីឡា

លីគកម្ពុជា២០២២រកឃើញ៤ក្រុមឡើងវគ្គបន្ត តើប្រកួតយ៉ាងម៉េចទៀត?

បានផុស

២ years មុន

នៅ

ថ្ងៃចន្ទ ១៧ តុលា ២០២២

ដោយ

ខេមបូឌានព្រីមៀរលីគរដូវកាល២០២២នៅសល់១ប្រកួតទៀតទើបបញ្ចប់ការប្រកួតវគ្គសន្សំពិន្ទុជុំទី៣ ប៉ុន្តែគិតត្រឹមសប្តាហ៍បទី២០ រកឃើញក្រុមកំពូលទាំង៤ឡើងវគ្គបន្តហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកំពូលទាំង៤ដែលឡើងវគ្គបន្តមាន ព្រះខ័នរាជស្វាយរៀង (៤៥ពិន្ទុ), វិសាខា (៣៩ពិន្ទុ), បឹងកេត (៣៥ពិន្ទុ) និងភ្នំពេញក្រោន (៣៣ពិន្ទុ) ខណៈ ណាហ្គាវើលដ៍ អង្គរថាយហ្គឺរ និងក្រសួងការពារជាតិ ស្ថិតនៅលេខរៀងទី៥ ទី៦ និងទី៧ ហើយលេខ៨គឺ គិរីវង់សុខសែនជ័យ ដែលត្រូវកាត់ចេញទៅលីគទី២។

បន្ទាប់ពីចប់ការប្រកួតវគ្គសន្សំពិន្ទុទាំង៣ជុំ ដែលមាន១ជុំមាន៧ប្រកួត សរុបទាំងអស់ ក្រុមមួយត្រូវប្រកួត២១លើក មានតែក្រុមកំពូលទាំង៤ប៉ុណ្ណោះដែលត្រូវប្រកួតសន្សំពិន្ទុជុំទី៤ដែលវគ្គបញ្ចប់។ ក្រុមនីមួយៗត្រូវប្រកួតគ្នា២ដង (ក្នុងដី និងក្រៅដី) ដូច្នេះត្រូវមាន៦ប្រកួតទៀតទើបចប់ ពោលគឺ ព្រះខ័នរាជស្វារៀង ប្រកួតជាមួយ វិសាខា ២ប្រកួត, ជាមួយ បឹងកេត ២ប្រកួត និងជាមួយ ភ្នំពេញក្រោន ២ប្រកួត។