កីឡា

Mbappe ត្រូវអ្នកគាំទ្រក្នុងទីក្រុងប៉ារីសស្រែកចំអក ពេលដើរមកដល់ពិធី Ballon d’Or យប់មិញ

បានផុស

២ years មុន

នៅ

ថ្ងៃអង្គារ ១៨ តុលា ២០២២

ដោយ

កីឡាករ Kylian Mbappe ត្រូវបានអ្នកគាំទ្រស្រែកចំអក (booed) ខណៈដែលតារាឆ្នើមរបស់ក្លិប PSG រូបនេះ បានមកដល់ក្នុងពិធីប្រគល់ពាន Ballon d’Or ក្នុងទីក្រុងប៉ារីស កាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រធ្វើចំពោះខ្សែប្រយុទ្ធរូបនេះបែបនេះ បន្ទាប់ពីរឿងរ៉ាវបានលេចឡើងកាលពីសប្ដាហ៍មុនថារូបគេចង់ចាកចេញពី Paris-Saint Germain។

ថ្វីត្បិតតែជាកីឡាករឆ្នើមម្នាក់សម្រាប់ក្លិប និងជាតួអង្គដ៏ធំសម្រាប់ក្រុមជម្រើសជាតិបារាំងក៏ដោយ គេមានអារម្មណ៍ខឹងសម្បាពីអ្នកគាំទ្រក្នុងប្រទេស ជាពិសេសក្នុងទីក្រុងប៉ារីស នៅពេលដែល Mbappe មកដល់កម្មវិធីប្រគល់ពានរង្វាន់ ដោយស្លៀកឈុតពណ៌ខ្មៅ និងត្រូវបានឆ័ត្រការពារពីភ្លៀង រូបគេចាប់ផ្ដើមដើរឆ្ពោះទៅអគារក្នុងទីក្រុងប៉ារីស។

ប៉ុន្តែការស្រែកហ៊ោបែបមិនពេញចិត្តយ៉ាងខ្លាំង (Booed) ត្រូវបានឮយ៉ាងឆាប់រហ័ស ក្រៅពីចាប់ដៃជាមួយមនុស្សម្នាក់ កីឡាករវ័យ ២៣ ឆ្នាំរូបនេះ ស្ទើរតែមិនហ៊ានមើលហ្វូងមនុស្សឡើយ ហើយរក្សាទឹកមុខដើរត្រង់ឆ្ពោះទៅមុខ។ នៅទីបំផុតគេទៅដល់ក្រុមអ្នកថតរូបដែលបានប្រមូលផ្តុំ ហើយញញឹមដាក់កាមេរ៉ា។

ខ្សែប្រយុទ្ធរូបនេះ ត្រូវឈរនៅលេខរៀងទី ៦ ក្នុងតារាង Ballon d’Or ដោយ Karim Benzema ឈ្នះរង្វាន់ ហើយ Sadio Mane និង Kevin De Bruyne ឈរនៅកំពូលទាំង ៣។

កាលពីម្សិលមិញ Mbappe បាននិយាយអំពីរឿងរ៉ាវដែលបង្ហាញថា ខ្លួនចង់ចាកចេញពី PSG។ យ៉ាងណាគេបាននិយាយថា ៖ «ខ្ញុំសប្បាយចិត្តណាស់ ខ្ញុំមិនដែលសុំចាកចេញក្នុងខែមករាទេ។ ខ្ញុំមិនយល់ទេថាហេតុអ្វីបានជារឿងចេញមកនៅថ្ងៃប្រកួត។ ខ្ញុំភ្ញាក់ផ្អើលដូចគ្រប់គ្នា។ មនុស្សអាចគិតថាខ្ញុំបានចូលរួម ប៉ុន្តែខ្ញុំមិនដឹងអ្វីទាំងអស់»។

របាយការណ៍ពីសប្ដាហ៍មុនបានបង្ហាញថា កីឡាករបារាំងមានអារម្មណ៍ថា “ក្បត់” ដោយក្លិប និងសកម្មភាពផ្ទេរមួយចំនួនរបស់ពួកគេ។

រឿងនេះបានធ្វើឲ្យមានពាក្យចចាមអារ៉ាមថា ជារឿងហួសហេតុ ហើយឥឡូវនេះគេលេចឮដំណឹងអំពីការមានទំនាក់ទំនងជាមួយនឹងក្លិបយក្ស Premier League Manchester City និង Liverpool៕

ប្រភព ៖ thesun.uk

អត្ថបទ ៖ មន្នីរ័ត្ន

Related Topics:Liverpool