កីឡា

មុនប៉ះគ្នាវគ្គផ្តាច់ព្រ័ត្រថ្ងៃអាទិត្យ ពេជ្រ សម្បត្តិ ធ្លាប់ចាញ់ ផាត់ថាណា ម្តងហើយ

បានផុស

២ years មុន

នៅ

ថ្ងៃពុធ ១៩ តុលា ២០២២

ដោយ

អ្នកប្រដាល់គុនខ្មែរ ពេជ្រ សម្បត្តិ និងអ្នកលេងឆ្លងដែនថៃ ផាត់ថាណា នឹងជួបគ្នាលើកទី៣ វគ្គផ្តាច់ព្រ័ត្រដណ្តើមខ្សែក្រវាត់ខារ៉ាបាវ នាថ្ងៃអាទិត្យ ទី២៣ ខែតុលា នេះនៅសង្វៀនបាយ័នស្ទឹងមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតិប្រកួត

ពេជ្រ សម្បត្តិ៖ ធ្លាប់ប្រកួត៤៣ដង ឈ្នះ៣៣ដង និងផ្តួលដៃគូឲ្យសន្លប់២៣ដង។
ផាត់ថាណា៖ ធ្លាប់ប្រកួត៨៥ដង ឈ្នះ៦៥ដង និងផ្តួលដៃគូឲ្យសន្លប់៨ដង។

ប្រវត្តិជួបគ្នា

ជើងខ្លាំងទាំងពីរធ្លាប់ជួបគ្នាពីរដងហើយក្នុងនោះចាញ់ម្តងម្នាក់ដូចគ្នា។

លើកទី១ការប្រកួតមិត្តភាពអន្តរជាតិកាលពីថ្ងៃទី១៧ ខែមិថុនា ឆ្នាំ២០២២ ពេជ្រ សម្បត្តិ បានចាញ់ ថាត់ថាណា ដោយពិន្ទុ។
ជួបគ្នាលើកទី២ក្នុងវគ្គសន្សំពិន្ទុដណ្តើមខ្សែក្រវាត់ខារ៉ាបាវ ថាត់ថាណា បានចាញ់ ពេជ្រ សម្បត្តិ ដោយពិន្ទុវិញ។
ថ្ងៃអាទិត្យ ទី២៣ ខែតុលា នេះ គឺជាការជួបគ្នាលើកទី៣របស់អ្នកទាំងពីរ។

អាវុធគ្រោះថ្នាក់

ពេជ្រ សម្បត្តិ៖ កណ្តាប់ដៃជាអាវុធពិឃាតរបស់អ្នកលេងគុនខ្មែររូបនេះ ប៉ុន្តែផ្តួលដៃគូឲ្យសន្លប់២លើកចុងក្រោយដោយផ្លែកែង។
ថាត់ថាណា៖ ជង្គង់គឺជាអាវុធគំរាមខ្លាំងដល់ ពេជ្រ សម្បត្តិ ប៉ុន្តែរូបគេមានអាវុធល្អចម្រុះតែម្តងគឺទាត់ កណ្តាប់ដៃ និងកែង។

កុំភ្លេចចាប់ពីម៉ោង៦ល្ងាច ថ្ងៃអាទិត្យ ទី២៣ ខែតុលា នេះនៅសង្វៀនបាយ័នស្ទឹងមានជ័យ។ ចាំមើលនរណាជាម្ចាស់ខ្សែក្រវ៉ាត់អមដោយប្រាក់រង្វាន់៦ពាន់ដុល្លារអាមេរិក។ ចំណែក ធន់ ផានិត ត្រូវប្រកួតជាមួយ ទន់ប៉េ ដើម្បីចំណាត់ថ្នាក់លេខ៣៕

អត្ថបទ៖ វីរបុត្រ