កីឡា
បាល់ទាត់វៀតណាម ឆ្នាំ ២០២២ នេះ ជម្រុះឡើងទៅលេងជុំផ្ដាច់ព្រ័ត្រគ្រប់ឈុត ក្នុងពានទ្វីបអាស៊ី
ក្រុមជម្រើសជាតិវៀតណាម ៤ ឈុតផ្សេងគ្នា ក្នុងឆ្នាំ ២០២២ នេះ បានប្រកួតជម្រុះ និងឆ្លងផុតឡើងទៅលេងជុំផ្ដាច់ព្រ័ត្រនៅឆ្នាំក្រោយគ្រប់ឈុតទាំងអស់ ដែលនាំឲ្យគេក្លាយជាប្រទេសក្នុងតំបន់អាស៊ានតែមួយគត់ ធ្វើបានដូច្នេះ។
ឈុតទាំង ៤ របស់វៀតណាមដែលឡើងទៅប្រកួតជុំផ្ដាច់ព្រ័ត្រពានជើងឯកទ្វីបអាស៊ី រួមមាន ជម្រើសជាតិឈុតធំវៀតណាម, ឈុតអាយុក្រោម ២០ ឆ្នាំវៀតណាម, ឈុតអាយុក្រោម ១៧ ឆ្នាំវៀតណាម និងក្រុមជម្រើសជាតិហ្វូតសាល។
-ជម្រើសជាតិឈុតធំ ៖ តាមពិតទៅជម្រើសជាតិឈុតធំ បានជម្រុះជាប់ឡើងទៅលេងជុំផ្ដាច់ព្រ័ត្រ ពានជើងឯកទ្វីបអាស៊ី (AFC Asian Cup) តាំងពីឆ្នាំមុនមកម្ល៉េះ ក្នុងនាមគេជាក្រុមខ្លាំងដែលជម្រុះជាប់តាំងពីជុំទី ២ ជាមួយក្រុមចំនួន ១១ ផ្សេងទៀត។ ពាននេះ នឹងប្រកួតជុំផ្ដាច់ព្រ័ត្រ នៅខែមិថុនា ឆ្នាំ ២០២៣ នាប្រទេសកាតា។
-ជម្រើសជាតិអាយុក្រោម ២០ ឆ្នាំវៀតណាម ៖ ក្រុមនេះ បានជម្រុះជាប់ពានយុវជនអាយុក្រោម ២០ ឆ្នាំ អាស៊ី (AFC U-20 Asian Cup) ដោយជោគជ័យ កាលពីពាក់កណ្ដាលខែកញ្ញា គ្រាដែលគេប្រកួតជម្រុះក្នុងពូល F ហើយឈរនៅលេខ ២ ក្នុងពូល ដូច្នេះក៏ទទួលបានសិទ្ធិឡើងទៅជុំចុងក្រោយ នាមជាក្រុមលេខ ២ ល្អ ហើយឈរលើគេទៀត ពោលគឺនៅលេខ ១ ក្នុងចំណោមការប្រៀបធៀបជាមួយក្រុមពី ៩ ពូលផ្សេងទៀត។ ពាននេះ នឹងប្រកួតជុំផ្ដាច់ព្រ័ត្រ នៅខែមិនា ឆ្នាំ ២០២៣ នាប្រទេសអ៊ូសបីគីស្ថាន។
-ជម្រើសជាតិអាយុក្រោម ១៧ ឆ្នាំវៀតណាម ៖ ក្រុមនេះទើបតែជម្រុះជាប់កាលពីពេលថ្មីៗនេះ គ្រាដែលគេស្ថិតនៅពូល F ដូចគ្នាផងដែរ ក្នុងវគ្គជម្រុះ ពានយុវជនអាយុក្រោម ១៧ ឆ្នាំអាស៊ី (AFC U-17 Asian Cup) បញ្ចប់ទៅដោយឈរកំពូលតារាង។ ដូច្នេះនឹងបានឡើងទៅប្រកួតជុំផ្ដាច់ព្រ័ត្រ នៅខែឧសភា ឆ្នាំ ២០២៣ ខណៈម្ចាស់ផ្ទះមិនទាន់រកឃើញនៅឡើយ។
-ក្រុមជម្រើសជាតិហ្វូតសាល ៖ ហ្វូតសាលវៀតណាម ក៏បានឡើងទៅជុំផ្ដាច់ព្រ័ត្រ ជើងឯកហ្វូតសាលអាស៊ី (AFC Futsal Asian Cup) ផងដែរ ដោយបានជម្រុះជោគជ័យកាលពីខែមេសា ដោយយកការប្រកួត AFF Futsal Championship ជាការប្រកួតជម្រុះផ្ទាល់តែម្ដង ហើយវៀតណាម ទទួលបានចំណាត់ថ្នាក់លេខ ៣។
យ៉ាងណា ពានរង្វាន់នេះ បានប្រកួតបញ្ចប់រួចរាល់ហើយ ហើយវៀតណាម បានឡើងត្រឹមវគ្គ ៨ ក្រុមចុងក្រោយ ក្រោយចាញ់ អ៊ីរ៉ង់ ៨-១។
វៀតណាម ស្ថិតក្នុងចំណោមប្រទេសចំនួន ៧ នៅទ្វីបអាស៊ីឆ្នាំនេះ ដែលមានក្រុមជម្រើសជាតិគ្រប់ឈុតបង្ហាញមុខក្នុងជុំផ្ដាច់ព្រ័ត្រ ពោលគឺបន្ទាប់ពីជប៉ុន, កូរ៉េខាងត្បូង, អារ៉ាប់ប៊ីតសាវឌីត, អ៊ីរ៉ង់, អ៊ូសបីគីស្ថាន និងតាជីគីស្ថាន៕
អត្ថបទ ៖ មន្នីរ័ត្ន
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?