កីឡា
លោកគ្រូ Conor៖ «ព្រះខ័នរាជស្វាយរៀងត្រៀមខ្លួនបានល្អជួប វិសាខា ស្អែក»
ព្រះខ័នរាជស្វាយរៀងនឹងធ្វើដំណើរទៅជួប វិសាខា វេលាម៉ោង៦:៣០នាទីល្ងាច ថ្ងៃសៅរ៍ ទី២២ ខែតុលានេះ នៅកីឡដ្ឋានព្រីនស៍ សម្រាប់ការប្រកួតសប្តាហ៍ទី២១ នៃលីគកំពូលកម្ពុជា។

នេះជាជំនួបដ៏សំខាន់ និងគួរឲ្យចាប់អារម្មណ៍ដោយសារក្រុមកំពូលតារាងប៉ះក្រុមលេខ២។ ព្រះខ័នរាជស្វាយរៀងមាន៤៥ពិន្ទុ ឈរលើកំពូលតារាង បន្ទាប់ពីឈ្នះ១៤ដង ស្មើ៣ដង និងចាញ់៣ដង។ ចំណែក វិសាខា ដែលកំពុងឡើងជើងមាន៣៩ពិន្ទុ ឈរលេខ២ បន្ទាប់ពីឈ្នះ១២ដង ស្មើ៣ដង និងចាញ់៥ដង។
នេះជាការប្រកួតចុងក្រោយសម្រាប់ជុំទី៣ ប៉ុន្តែក្រុមទាំងពីរត្រូវប៉ះគ្នា២ដងទៀតក្នុងជំនួបក្រុមលំដាប់កំពូលទាំង៤ដើម្បីស្វែងរកជើងឯកប្រចាំរដូវកាល២០២២។

មុនការប្រកួតមកដល់នាថ្ងៃស្អែកនេះ លោក Conor Nestor បានប្រាប់«កម្ពុជាថ្មី»ថា ៖«យើងត្រៀមខ្លួនបានល្អ ប៉ុន្តែយើងនឹងអវត្តមានកីឡាករ O’Connell ដោយសារជាប់ពិន័យ ហើយយើងក៏អវត្តមានកីឡាករខ្លះទៀត ដោយសារពួកគេឈឺ។ យ៉ាងណា កីឡាករយើងហ្វឹកហាត់បានយ៉ាងល្អ ហើយយើងរីករាយសម្រាប់ការប្រកួតដ៏សំខាន់នេះ»។
ជួបគ្នា២លើកចុងក្រោយក្នុងលីគកំពូលកម្ពុជា២០២២នេះ ជុំទី១ ព្រះខ័នរាជស្វាយរៀង ឈ្នះ វិសាខា ២-១ ខណៈជុំទី២ វិសាខា យកឈ្នះវិញដោយលទ្ធផល ១-០។ ស្អែកនេះជាការជួបគ្នាក្នុងជុំទី៣ មុនពេលប៉ះគ្នា២លើកទៀតក្នុងជំនួបក្រុមកំពូលទាំង៤៕

អត្ថបទ៖ វីរបុត្រ

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?