កីឡា
ចប់ជុំទី៣ ព្រះខ័នរាជស្វាយរៀង នៅតែសង្ឃឹមខ្ពស់ក្នុងការឈ្នះជើងឯកលីគ
ព្រះខ័នរាជស្វាយរៀង នៅតែមានភាគរយខ្ពស់ជាងគេក្នុងការគ្រងជើងឯកលីគកំពូលកម្ពុជារដូវកាល២០២២នេះ បន្ទាប់ពីចប់ជុំទី៣នាំមុខ៦ពិន្ទុលើគូប្រជែងវិសាខាដែលស្ថិតនៅចំណាត់ថ្នាក់លេខ២ ខណៈភ្នំពេញក្រោន និងបឹងកេតនៅលេខ៣ និង៤។

ការប្រកួតចុងក្រោយនៃជុំទី៣កាលពីថ្ងៃសៅរ៍កន្លងទៅនេះ ម្ចាស់ផ្ទះ វិសាខា និង ព្រះខ័នរាជស្វាយរៀង ចែកគ្នា១ពិន្ទុម្នាក់តាមរយៈលទ្ធផលស្មើគ្នា១-១។ ចំណែក បឹងកេតធ្លាក់ទៅចំណាត់ថ្នាក់លេខ៤ បន្ទាប់ពីចាញ់ភ្នំពេញក្រោនដែលបានរំកិលខ្លួនឡើងលេខ៣ដោយលទ្ធផល ៣-០ នៅក្រៅដី។
បច្ចុប្បន្ននេះ ព្រះខ័នរាជស្វាយរៀង មាន៤៦ពិន្ទុ ឈរលើកំពូលតារាង តាមរយៈការជ័យជម្នះ១៤ដង ស្មើ៤ដង និងចាញ់៣ដងប៉ុណ្ណោះ ខណៈ វិសាខា លេខ២ មាន៤០ពិន្ទុ ពីការឈ្នះ១២ដង ស្មើ៤ដង និងចាញ់៥ដង។ ចំណែកភ្នំពេញក្រោនលេខ៣ មាន៣៦ពិន្ទុ ពីការឈ្នះ១០ដង ស្មើ៦ដង និងចាញ់៥ ហើយបឹងកេតលេខ៤មាន៣៥ពិន្ទុ ពីការឈ្នះ១០ដង ស្មើ៥ដង និងចាញ់៦ដង។

ក្រុមកំពូលទាំង៤ ត្រូវមានភារកិច្ចប្រកួតវិលជុំសន្សំពិន្ទុ៦ប្រកួត (ក្នុងដីនិងក្រៅដី) ដូចគ្នាទៀតទើបរកឃើញជើងឯក។ យ៉ាងណា សម្រាប់ព្រះខ័នរាជស្វាយរៀងមាន៦ពិន្ទុនាំមុខស្រាប់ ក្នុងករណីឈ្នះ៤ប្រកួតទៀត ក្នុងចំណោម៦ប្រកួតគឺនឹងក្លាយជាជើងឯក។
គិតចាប់តាំងពីបើករដូវកាល២០២២រហូតដល់ចប់ជុំទី៣ និងបន្តឈានចូលជុំទី៤នៃវគ្គសន្សំពិន្ទុ៤ក្រុមចុងក្រោយ ព្រះខ័នរាជស្វាយរៀង តែងតែឈរលើកំពូលតារាងរហូត បើទោះជាចាញ់៣ប្រកួតក៏មិនដែលធ្លាក់ចេញពីចំណាត់ថ្នាក់លេខ១ឡើយ៕
អត្ថបទ៖ វីរបុត្រ

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?