កីឡា

៥ចំណុចនេះ ប្រមុខដឹកនាំកីឡាកាយសម្ព័ន្ធឲ្យពង្រឹងដើម្បីស៊ីហ្គេម២០២៣

បានផុស

២ years មុន

នៅ

ថ្ងៃសុក្រ ២៨ តុលា ២០២២

ដោយ

ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានសហព័ន្ធកីឡាកាយសម្ព័ន្ធកម្ពុជាបានជំរុញគណៈកម្មការប្រតិបត្តិសហព័ន្ធពង្រឹងលើកត្តា៥ចំណុចសម្រាប់កីឡាកាយសម្ព័ន្ធដើម្បីត្រៀមដណ្តើមមេដាយស៊ីហ្គេម ឆ្នាំ២០២៣នៅកម្ពុជា។

ឯកឧត្តម ថោង ខុន និងអគ្គលេខាធិការ ណយ ផាណា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបិទការប្រកួតកីឡាកាយសម្ព័ន្ធជើងឯកថ្នាក់ជាតិកាលពីថ្ងៃទី២៧ ខែតុលានេះ ឯកឧត្តម ថោង ខុន បានលើកឡើងពីចំណុចទាំង៥ថា ១. បណ្តុះបណ្តាលថ្នាក់ថ្នាលតាមកម្រិតអាយុ និងបង្កើនបរិមាណ-គុណភាពកីឡាករ កីឡាការិនី ក្លិប សមាគមកីឡាកាយសម្ព័ន្ធឱ្យបានទូលំទូលាយ។ ២. ពង្រឹងសមត្ថភាព អាជ្ញាកណ្ដាល ចៅក្រម មន្ត្រីបច្ចេកទេសឱ្យកាន់តែល្អប្រសើ ទាំងបរិមាណ និងគុណភាព។ ៣. ជំរុញឱ្យមានការរៀបចំការប្រកួតឱ្យបានច្រើន ការហ្វឹកហាត់ជាប្រចាំ នៅតាមបណ្តាក្លិប សមាគម។ ៤. ពង្រឹងរចនាសម្ព័ន្ធគ្រប់គ្រងសហព័ន្ធ ក្លិប សមាគមទូទាំងប្រទេសឱ្យបានរឹងមាំ និងស្វែងរកដៃគូអភិវឌ្ឍបន្ថែមទៀត។ ទី៥ជំរុញឱ្យមានការចូលរួមប្រកួតជាលក្ខណៈអន្តរជាតិឱ្យបានច្រើនមុនពេលស៊ីហ្គេម លើកទី៣២ ឆ្នាំ២០២៣ ចូលមកដល់។

បច្ចុប្បន្ននេះ អត្តពលិកកីឡាកាយសម្ព័ន្ធកម្ពុជាចំនួន១០រូប និងគ្រូជំនួយម្នាក់កំពុងហ្វឹកហាត់នៅប្រទេសចិនរហូតដល់កីឡាស៊ីហ្គេម នាខែឧសភា ឆ្នាំ២០២៣ទើបវិលត្រឡប់មកវិញដើម្បីប្រកួតតែម្តង។

កាលស៊ីហ្គេម លើកទី៣១ ឆ្នាំ២០២១ (លើកឆ្នាំ២០២២) នៅប្រទេសវៀតណាម ក្រុមកីឡាកាយសម្ពន្ធកម្ពុជាធ្វើបានល្អមែនទែនដោយទទួលបានមេដាយប្រាក់៣គ្រឿង និងសំរឹទ្ធ១គ្រឿងដែលជាប្រវត្តិសាស្ត្រដំបូងសម្រាប់កីឡាកាយសម្ព័ន្ធកម្ពុជា៕