កីឡា
ពានរង្វាន់បាល់ទះសម្ដេចតេជោ ហ៊ុន សែន ធ្វើឲ្យគុណផលរបស់កីឡាកររីកចម្រើន គួរកត់សម្គាល់
ពានរង្វាន់បាល់ទះសម្ដេចអគ្គមហាសេនាបតីតេជោ ហ៊ុន សែន បានបញ្ចប់ដោយជោគជ័យ និងរលូន ស្របពេលសហព័ន្ធកីឡាបាល់ទះកម្ពុជា មានផែនការជាច្រើនដែលត្រូវធ្វើនៅពេលខាងមុខ ជាពិសេសត្រៀមខ្លួនឲ្យបានល្អមុនព្រឹត្តិការណ៍កីឡាស៊ីហ្គេមឆ្នាំ ២០២៣ ខាងមុខ។
លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានប្រាប់អ្នកសារព័ត៌មានក្រោយបញ្ចប់ព្រឹត្តិការណ៍ដ៏ធំប្រចាំឆ្នាំនេះ កាលពីរាត្រីថ្ងៃអាទិត្យ ទី ៣០ ខែតុលា ឆ្នាំ ២០២២ ថា «លទ្ធផលជារួមពានរង្វាន់សម្ដេចតេជោ ហ៊ុន សែន ឆ្នាំ ២០២២ បានបញ្ចប់ទៅដោយភាពរលូន និងអស្ចារ្យ ព្រោះថាក្លិបជាសមាជិកទាំង ១១ ចូលរួមសុទ្ធតែជាក្រុមខ្លាំង មិនតែប៉ុណ្ណោះ យើងបានបង្កើតឲ្យមានការប្រកួតមិត្តភាពអន្តរជាតិសម្រាប់ក្រុមជម្រើសជាតិកម្ពុជា ជាមួយសិង្ហបុរី និងគុយបា»។
លោកបន្តថា «គុណផលរបស់កីឡាករមានការរីកចម្រើនគួរឲ្យកត់សម្គាល់ លើសពីការរំពឹងទុក។ ខ្ញុំជឿជាក់ថា នៅពេលព្រឹត្តិការណ៍នេះបានបញ្ចប់ដោយជោគជ័យ ផ្អែកលើបទពិសោធន៍របស់គាត់ លេងលើទីលានបានល្អប្រសើរ។ អីចឹងយើងកម្រិតអនាគតរបស់យើងសម្រាប់ស៊ីហ្គេមឆ្នាំ ២០២៣ យើងអាចឈានមួយកម្រិតទៀត។ ប៉ុន្តែទន្ទឹមនឹងនេះដែរ យើងមិនអាចដេកលង់លក់ក្នុងភាពសប្បាយរីករាយនៅពេលនេះទេ អ្វីដែលយើងគិតបន្តនោះ គឺស៊ីហ្គេម ២០២៣ ដែលនៅសល់មិនដល់ ២០០ ថ្ងៃទេ»។
លោកអគ្គលេខាធិការសង្កត់ធ្ងន់ថា «អីចឹង សហព័ន្ធ បានដុតដៃដុតជើងយ៉ាងខ្លាំង បើតាមអនុសាសន៍របស់ លោក នេត សាវឿន ប្រធានសហព័ន្ធកីឡាបាល់ទះកម្ពុជា បានបង្ហើបហើយ យើងនឹងមានមិត្តភាពបន្ថែមទៀតជាមួយនឹងបារាំង ដោយអាចអញ្ជើញក្រុម U21 របស់បារាំង មកប្រកួតនៅកម្ពុជា ឬ នាំយកកីឡាករកម្ពុជា ទៅប្រកួតនៅប្រទេសបារាំង តែម្ដង ហើយការប្រកួតនេះអាចនឹងកើតមានឡើងក្នុងពេលឆាប់ៗ។ ខ្ញុំជឿជាក់ថា ស៊ីហ្គេមឆ្នាំ ២០២៣ កម្ពុជា នឹងធ្វើអ្វីរឹតតែអស្ចារ្យថែមទៀតជូនជាតិមាតុភូមិ»។
លោកនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា បានថ្លែងអំណរគុណគ្រប់ភាគីពាក់ព័ន្ធដែលរួមចំណែកសហការគ្នា ដំណើរការប្រកួតរហូតបញ្ចប់ដោយរលូន និងជោគជ័យ។
លោកបានបញ្ជាក់ថា ការរៀបចំពានរង្វាន់សម្ដេចតេជោ នេះឡើង ក្នុងគោលបំណងសំខាន់ៗដូចជា ៖ « ១).ផែនការ ១ ក្នុងការធ្វើឲ្យកីឡាបាល់ទះកម្ពុជា កាន់តែមានគុណភាពខ្ពស់ និងឈានទៅរកស្តង់ដារកម្រិតពិភពលោក។ ២).ពង្រឹងវិស័យបាល់ទះឲ្យកាន់តែមានប្រជាប្រិយភាព និងមានការគាំទ្រកាន់តែខ្លាំងពីសំណាក់យុវជន រួមចំណែកធ្វើឲ្យប្រជាជនកម្ពុជា មានសុខភាពល្អ ជៀសផុតពីអំពើអសកម្មនានាក្នុងសង្គម។ ៣).បង្កើនកម្រិតសមត្ថភាពឲ្យកាន់តែប្រសើរឡើង សម្រាប់ត្រៀមប្រកួតសំខាន់ៗនាពេលខាងមុខ ជាពិសេសការជ្រើសរើសកីឡាករចូលក្នុងជម្រើសជាតិ សម្រាប់ត្រៀមស៊ីហ្គេម ២០២៣ ដែល កម្ពុជា ធ្វើជាម្ចាស់ផ្ទះ។ ៤).ពង្រឹងក្រុមជម្រើសជាតិកម្ពុជា ដើម្បីឈ្នះមេដាយមាសស៊ីហ្គេមលើកទី ៣២ និងប្រកួតអន្តរជាតិនានា»។
សម្រាប់ពានរង្វាន់សម្ដេចតេជោ ហ៊ុន សែន ឆ្នាំ ២០២២ មានក្រុមចំនួន ១១ ចូលរួម ដោយក្នុងនោះក្រុមចំនួន ៥ ក្រុម (បានពីការអញ្ជើញ) និង ៦ ក្រុម ឡើងមកពីពានរង្វាន់សម្ដេចក្រឡាហោម កន្លងទៅ ដោយបែងចែកជាពូលប្រកួតជម្រុះតាំងពីថ្ងៃទី ១៥ ខែតុលា មកម្ល៉េះ លើទីលានកីឡដ្ឋានព្រីនស៍ ស្របពេលជើងឯកបានទៅក្រុមបាល់ទះវិសាខា ហើយជើងឯករងបានទៅក្រុមក្រសួងមហាផ្ទៃ ចំណាត់ថ្នាក់លេខ ៣ បានទៅក្រុមបញ្ជាការដ្ឋានអង្គរក្ស ក្រុមលេខ ៤ បានទៅក្រុមកងពលធំអន្តរាគមន៍លេខ ៣៕
អត្ថបទ ៖ មន្នីរ័ត្ន
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២០ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ