កីឡា

អបអរសាទរ ខាន់ ចេសា ឈ្នះមេដាយមាសពិភពលោកហើយ

បានផុស

២ years មុន

នៅ

ថ្ងៃពុធ ២ វិច្ឆិកា ២០២២

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា បានឈ្នះមេដាយមាសពិភពលោក បន្ទាប់ពីបានយកឈ្នះកីឡាការិនីអេស្ប៉ាញ Matthews Martin Naiomi Anaians ដោយពិន្ទុ ក្នុងវគ្គផ្តាច់ព្រ័ត្រក្នុងការប្រកួតកីឡាជឺជីតស៊ូជើងឯកពិភពលោកនៅប្រទេសអារ៉ាប់រួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនឈានដល់វគ្គផ្តាច់ព្រ័ត្រ ខាន់ ចេសា បានយកឈ្នះកីឡាករហ្វីលីពីន Baluyot Ashley Jeramine សម្រាប់ការប្រកួតទី២។ ការប្រកួតទី៣វគ្គ៨រូបចុងក្រោយកីឡាការិនីខ្មែរ-អាមេរិករូបនេះបានយកកីឡាការិនីម្ចាស់ផ្ទះ Shraim Maitha និងបន្តឈ្នះកីឡាការិនីអ៊ីស្រាអែល Lavion Bokovza Gali នៅវគ្គពាក់កណ្តាលផ្តាច់ព្រ័ត្រ។

សូមបញ្ជាក់ថា វិញ្ញាសាទម្ងន់ក្រោម ៥២គីឡូក្រាមនៃការប្រកួតជើងឯកពិភពលោកឆ្នាំ២០២២នេះ មានកីឡាការិនីចំនួន១៧រូប មកពី១៥ប្រទេសផ្សេងគ្នា ក្នុងប្រទេសអារ៉ាប់រួមដែលជាម្ចាស់ផ្ទះមានកីឡាការិនី២រូប ប៉ុន្តែធ្លាក់ទាំងអស់។

សហព័ន្ធជឺជីតស៊ូកម្ពុជាបានចាត់ទុកការប្រកួតនេះ គឺជាឱកាសមួយដ៏ល្អ សម្រាប់កីឡាករ កីឡាការិនីជឺជីតស៊ូកម្ពុជា ធ្វើការវាស់ស្ទង់ ក៏ដូចជាពង្រឹងសមត្ថភាព និងបច្ចេកទេស តាមរយៈការប្រកួតប្រជែងជាមួយដៃគូខ្លាំងៗជុំពិភពលោកដែលចូលរួម ក្នុងន័យសម្រួចគុណផលកម្រិតខ្ពស់ ត្រៀមការប្រកួតកីឡាស៊ីហ្គេម ឆ្នាំ២០២៣ នៅកម្ពុជា៕