ព្រះនត្តារបស់សម្តេចក្រុមព្រះ ទទួលបានពានរង្វាន់ចំនួន ៣ ក្នុងការប្រកួតកីឡាហែលទឹកជ្រើសរើសជើងឯក​យុវជន​ព្រឹទ្ធាចារ្យ ហែម ថុន

ព្រះនត្តា (ចៅស្រី) របស់សម្តេចក្រុមព្រះ នរោត្តម រណឫទ្ធិ និង ព្រះអង្គម្ចាស់ក្សត្រីយ៍ នរោត្តម ម៉ារី រណឫទ្ធិ គឺ នាង កាឡាទេវី ម៉ារាជិនី ម៉ារី ដែលជាបុត្រី ព្រះអង្គម្ចាស់ក្សត្រី នរោត្តម រតនាទេវី បានទទួលពានរង្វាន់ចំនួន ៣ផ្ទួនៗគ្នា ក្នុងតារាងមេដាយ និងលទ្ធផលការប្រកួតថ្ងៃទី ១​ នៃការប្រកួតកីឡាហែលទឹកជ្រើសរើសជើងឯក​យុវជន​ ព្រឹទ្ធាចារ្យ ហែម ថុន លើកទី ៥ ឆ្នាំ២០២២ ​(The 5th HEM THON Junior Swimming Championships 2022) កាលពីថ្ងៃ​ទី ៥ ខែវិច្ឆិកា ឆ្នាំ ២០២២កន្លងទៅនេះ។

បច្ចុប្បន្ននេះ នាង កាឡាទេវី ម៉ារាជិនី ម៉ារី ដែលជាព្រះនត្តា (ចៅស្រី) របស់សម្តេចក្រុមព្រះ នរោត្តម រណឫទ្ធិ បានខិតខំហ្វឹកហាត់ជាប្រចាំ ដោយមានគ្រូខ្មែរ និងគ្រូបរទេសជាអ្នកបង្រៀន ដើម្បីឲ្យមានសមត្ថភាពគ្រប់គ្រាន់ ចូលរួមការប្រកួតស៊ីហ្គេមក្នុងឆ្នាំ ២០២៣ខាងមុខ និងសង្ឃឹមថា ទទួលបានលទ្ធផលល្អសម្រាប់ជូនប្រទេសជាតិ៕