កីឡា

Ronaldo មានអារម្មណ៍ថា ត្រូវបាន “ក្បត់” ដោយ Manchester United

បានផុស

២ years មុន

នៅ

ថ្ងៃចន្ទ ១៤ វិច្ឆិកា ២០២២

ដោយ

តារាឆ្នើម Cristiano Ronaldo បាននិយាយខ្លួនមានអារម្មណ៍ថា ត្រូវបាន “ក្បត់” ដោយក្លិប Manchester United និងដូចត្រូវបានបង្ខំឲ្យចេញពីក្លិប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ronaldo បានសន្យាកាលពីខែសីហាថា គេនឹងផ្តល់ឲ្យនូវជីវិតរបស់ខ្លួននៅ Old Trafford បន្ទាប់ពីបរាជ័យក្នុងការផ្ទេរចេញពី United ទៅក្លិបដែលកំពុងលេងនៅ Champions League ដូចដែលគេបានរំពឹងទុក។

កីឡាករជើងចាស់ព័រទុយហ្គាល់ពេលនេះបានទម្លាយភាពស្ងៀមស្ងាត់របស់ខ្លួននៅក្នុងបទសម្ភាសន៍បើកចំហជាមួយ Piers Morgan សម្រាប់កម្មវិធីទូរទស្សន៍ TalkTV។ Manchester United ត្រូវបានគេស្នើសុំការឆ្លើយតបទៅនឹងការអះអាងរបស់ Ronaldo។

United ដែលបានយកឈ្នះ Fulham ២-១ កាលពីថ្ងៃអាទិត្យនោះ ស្ថិតនៅលំដាប់ទី ៥ ក្នុងក្របខ័ណ្ឌ Premier League ក្នុងការដឹកនាំរដូវកាលដំបូងរបស់អ្នកចាត់ការ Ten Hag។

នៅពេលសួរថា តើ Man Utd ព្យាយាមបង្ខំគាត់ចេញពីក្លិប ឬអត់ Ronaldo បាននិយាយថា “បាទ មិនត្រឹមតែគ្រូបង្វឹក [Erik ten Hag] ប៉ុណ្ណោះទេ ប៉ុន្តែក៏មានបុរសពីរ ឬបីនាក់ផ្សេងទៀតនៅជុំវិញក្លិប។ ខ្ញុំមានអារម្មណ៍ថា ត្រូវគេក្បត់”។

នៅពេលត្រូវបានគេសួរម្ដងទៀត ប្រសិនបើនាយកប្រតិបត្តិក្លិបព្យាយាមបណ្ដេញចេញ កីឡាករវ័យ ៣៧ ឆ្នាំរូបនេះ បាននិយាយថា «ខ្ញុំមិនខ្វល់ទេ»។ មនុស្សគួរតែស្តាប់ការពិត។

“បាទ ខ្ញុំមានអារម្មណ៍ថា ត្រូវគេក្បត់ ហើយខ្ញុំមានអារម្មណ៍ថា ដូចជាមនុស្សមួយចំនួនមិនចង់ឲ្យខ្ញុំនៅទីនេះ មិនត្រឹមតែឆ្នាំនេះប៉ុណ្ណោះទេ ប៉ុន្តែកាលពីឆ្នាំមុនផងដែរ”៕

ប្រភព ៖ BBC

អត្ថបទ ៖ មន្នីរ័ត្ន