កីឡា

កីឡាប៉េតង់កម្ពុជា ឈរលេខ១ ក្នុងចំណោមប្រទេស១៥ប្រកួតជើងឯកអាស៊ីឆ្នាំនេះ

បានផុស

២ years មុន

នៅ

ថ្ងៃអង្គារ ១៥ វិច្ឆិកា ២០២២

ដោយ

កីឡាប៉េតង់កម្ពុជាបានឈរចំណាត់ថ្នាក់លេខ១ក្នុងការប្រកួតប៉េតង់ជើងឯកទ្វីបអាស៊ី លើកទី៤ ឆ្នាំ២០២២នេះ បន្ទាប់ពីព្រឹត្តិការណ៍ប្រកួតទើបតែបញ្ចប់ទៅកាលពីពេលថ្មីៗនេះនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចាប់ផ្តើមពីថ្ងៃទី១០ ដល់ទី១៤ ខែវិច្ឆិកា នៅប្រទេសថៃ ដែលប្រទេសអាស៊ី១៥ចូលរួមប្រកួតប្រជែង។ កម្ពុជាបានបញ្ជូនប្រតិភូ និងអត្តពលិកដែលមានចំនួន២៧រូបចូលរួមប្រកួត ហើយជាលទ្ធផលឈ្នះ ៧គ្រឿង ក្នុងនោះមាស៣ ប្រាក់២ និងសំរិទ្ធ២។

ចំនួនមេដាយ៧គ្រឿងនេះគឺច្រើនជាងប្រទេសណាៗទាំងអស់ដែលបានចូលរួម ខណៈប្រទេសថៃក្នុងនាមជាម្ចាស់ផ្ទះឈ្នះមេដាយមាស ២គ្រឿង និងវៀតណាម ឈ្នះមេដាមាស១គ្រឿង។

គិតចាប់តាំងពីសហព័ន្ធកីឡាប៊ូល និងប៉េតង់កម្ពុជាត្រូវបានបង្កើតឡើង និងស្ថិតក្រោមការដឹកនាំពីប្រធានជាច្រើនរូបជាបន្តបន្ទាប់មក ពេលនេះកីឡាប៉េតង់កម្ពុជារកបានមេដាយសរុបចំនួន ៣៩៤គ្រឿងហើយ។

សមិទ្ធផលថ្មីចុងក្រោយបំផុតនេះជាផ្នែកមួយជួយជំរុញសហព័ន្ធកីឡាប៊ូល និងប៉េតង់កម្ពុជាឲ្យកាន់តែមានទំនុកចិត្តក្នុងការប្រកួតក្នុងនាមជាម្ចាស់ផ្ទះកីឡាស៊ីហ្គេម លើកទី៣២ ឆ្នាំ២០២៣៕

អត្ថបទ៖ វីរបុត្រ

Related Topics:កីឡាប៉េតង់