កីឡា

ប្រធាន FIFA អំពាវនាវឱ្យមាន “បទឈប់បាញ់ រវាងរុស្ស៊ី-អ៊ុយក្រែន” អំឡុង World Cup

បានផុស

២ years មុន

នៅ

ថ្ងៃអង្គារ ១៥ វិច្ឆិកា ២០២២

ដោយ

ប្រធានសហព័ន្ធកីឡាបាល់ទាត់ពិភពលោក (FIFA) លោក Gianni Infantino បានអំពាវនាវឱ្យមានបទឈប់បាញ់ក្នុងអំឡុងការប្រកួត FIFA World Cup រយៈពេលមួយខែ ក្នុងការលុកលុយរបស់រុស្ស៊ី មកលើអ៊ុយក្រែន។

Infantino កំពុងនិយាយទៅកាន់មេដឹកនាំពិភពលោក នៅឯកិច្ចប្រជុំកំពូល G20 នៅកោះបាលី ប៉ុន្មានថ្ងៃមុនពេលការប្រកួតចាប់ផ្តើមនៅប្រទេសកាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាមានរយៈពេលជិត ៩ខែហើយចាប់តាំងពី លោក Vladimir Putin បានបញ្ជាឱ្យមានការលុកលុយទៅលើអ៊ុយក្រែន ដោយមិនមានសញ្ញាណាមួយដែលថា ជម្លោះនឹងបញ្ឈប់នៅពេលណានោះទេ។

រុស្សី ក៏នឹងត្រូវចូលរួមប្រកួត Play-off ជាមួយប៉ូឡូញ នៅដើមឆ្នាំនេះ ដើម្បីធ្វើការប្រកួត World Cup តែត្រូវបាន FIFA ហាមប្រាមមិនឱ្យមានការប្រកួត។

Infantino នៅក្នុងការអង្វររបស់លោកបានអំពាវនាវដល់មេដឹកនាំពិភពលោកនូវអ្វីគ្រប់យ៉ាងដែលពួកគេអាចធ្វើបានដើម្បីបញ្ចប់ជម្លោះ។ លោកបាននិយាយថា “បាល់ទាត់គឺជាកម្លាំងចលកសម្រាប់ល្អ។ ជាការពិតណាស់ យើងមិនឆោតល្ងង់ក្នុងការជឿថា បាល់ទាត់អាចដោះស្រាយបញ្ហារបស់ពិភពលោកបានទេ – សម្រាប់រឿងនេះ អ្នកនៅទីនោះ។

“យើងដឹងថា ការផ្តោតសំខាន់របស់យើងជាអង្គការកីឡា ហើយគួរតែជាកីឡា។ ប៉ុន្តែដោយសារតែបាល់ទាត់បង្រួបបង្រួមពិភពលោក ការប្រកួតបាល់ទាត់ពិភពលោកនេះ ដែលមានមនុស្សចំនួន ៥ពាន់លាននាក់បានទស្សនា វាអាចជាគន្លឹះនៃកាយវិការវិជ្ជមានសម្រាប់សញ្ញា ឬសារនៃក្តីសង្ឃឹម។

“រុស្ស៊ីធ្វើជាម្ចាស់ផ្ទះ World Cup ចុងក្រោយក្នុងឆ្នាំ២០១៨។ អ៊ុយក្រែន កំពុងដេញថ្លៃធ្វើជាម្ចាស់ផ្ទះ World Cup នៅឆ្នាំ២០៣០។ ប្រហែលជាការប្រកួតបាល់ទាត់ពិភពលោក បច្ចុប្បន្នដែលចាប់ផ្តើមក្នុងរយៈពេលប្រាំថ្ងៃអាចជាកត្តាវិជ្ជមាន។

“ដូច្នេះការអង្វររបស់ខ្ញុំសម្រាប់អ្នកទាំងអស់គ្នា គឺគិតអំពីបទឈប់បាញ់បណ្តោះអាសន្នរយៈពេលមួយខែ សម្រាប់រយៈពេលនៃការប្រកួតបាល់ទាត់ពិភពលោក ឬយ៉ាងហោចណាស់ច្រករបៀងមនុស្សធម៌មួយចំនួន ឬអ្វីដែលអាចនាំទៅរកការបន្តការសន្ទនាជាជំហានដំបូងដើម្បីសន្តិភាព។

‘អ្នកគឺជាអ្នកដឹកនាំពិភពលោក អ្នកមានសមត្ថភាព មានឥទ្ធិពលលើដំណើរប្រវត្តិសាស្ត្រ។ បាល់ទាត់ និងព្រឹត្តិការណ៍ World Cup កំពុងផ្តល់ជូនអ្នក និងពិភពលោកនូវវេទិកាតែមួយគត់នៃការរួបរួម និងសន្តិភាព ដូច្នេះសូមយកឱកាសនេះដើម្បីធ្វើអ្វីគ្រប់យ៉ាងដែលយើងអាចធ្វើបាន ដើម្បីចាប់ផ្តើមបញ្ចប់ជម្លោះទាំងអស់។’

គួរបញ្ជាក់ថា រុស្ស៊ី និងលោកពូទីន មិនស្ថិតក្នុងបញ្ជីភ្ញៀវទេ ខណៈការប្រកួត Word Cup ចាប់ផ្តើមនៅថ្ងៃអាទិត្យនេះ៕

ប្រភព ៖ dailymail.co.uk

អត្ថបទ ៖ មន្នីរ័ត្ន