កីឡា
កីឡាករសង្ស័យមានសញ្ជាតិពីរ ពុំមានឈ្មោះជាមួយក្រុមជម្រើសជាតិអេក្វាឌ័រ សម្រាប់ការប្រកួត World Cup ឡើយ
សហព័ន្ធកីឡាបាល់ទាត់អេក្វាឌ័រ បាននិយាយកាលពីថ្ងៃអង្គារថា ខ្សែការពារ Byron Castillo ត្រូវបានដកចេញពីក្រុមជម្រើសជាតិ សម្រាប់ការប្រកួតបាល់ទាត់ពិភពលោក (FIFA World Cup 2022) ដើម្បីជៀសវាង “ការដាក់ទណ្ឌកម្មអយុត្តិធម៌” បន្ថែមទៀត នៅក្នុងជម្លោះលើសញ្ជាតិរបស់កីឡាករ។
កាលពីសប្ដាហ៍មុន តុលាការអាជ្ញាកណ្ដាលសម្រាប់កីឡា (CAS) បានសម្រេចថា Castillo មានសិទ្ធិទៅលេងនៅប្រទេសកាតា ប៉ុន្តែបានដាក់ទណ្ឌកម្មសហព័ន្ធជុំវិញ “ការក្លែងបន្លំ” លិខិតឆ្លងដែនរបស់គេ។ នោះបានជម្រះផ្លូវសម្រាប់ប្រជាជាតិអាមេរិកខាងត្បូង ដើម្បីចូលរួមក្នុងការប្រកួត World Cup បន្ទាប់ពីឈីលី និងប៉េរូ បានប្រជែងគ្នាដណ្ដើមកៅអីអេក្វាឌ័រ ជុំវិញសិទ្ធិរបស់ Castillo។
សហព័ន្ធបាល់ទាត់ឈីលី (FFCH) បាននិយាយថា គេមានភស្តុតាងដែលថា កីឡាកររូបនេះ កើតនៅប្រទេសកូឡុំប៊ី ក្នុងឆ្នាំ ១៩៩៥ ហើយមិនមែននៅទីក្រុង Playas ប្រទេសអេក្វាឌ័រ ក្នុងឆ្នាំ ១៩៩៨ នោះទេ។ FFCH បានចោទប្រកាន់ “ការប្រើប្រាស់សំបុត្រកំណើតក្លែងក្លាយ ការប្រកាសអាយុ និងសញ្ជាតិក្លែងក្លាយ”។
យ៉ាងណាមិញ សហព័ន្ធបាល់ទាត់ពិភពលោក (FIFA) បានច្រានចោលកាលពីខែកញ្ញា ហើយថា Castillo ដែលលេងក្នុងវគ្គជម្រុះចំនួន ៨ លើក ឲ្យអេក្វាឌ័រ ត្រូវបានចាត់ទុកថាមាន “សញ្ជាតិអេក្វាឌ័រអចិន្ត្រៃយ៍”។
ករណីនេះបានទៅដល់តុលាការអាជ្ញាកណ្ដាលសម្រាប់កីឡា (CAS) ដែលបានតម្កល់មួយផ្នែកលើបណ្ដឹងឧទ្ធរណ៍របស់ប្រទេសឈីលី និងប៉េរូ។
តុលាការបាននិយាយថា Castillo មានសិទ្ធិលេងឲ្យអេក្វាឌ័រក្នុងវគ្គជម្រុះ “ដោយពិចារណាថាអាជ្ញាធរអេក្វាឌ័របានទទួលស្គាល់ Byron Castillo ជាជនជាតិអេក្វាឌ័រ”។ ប៉ុន្តែវាបានបន្ថែមថា “ខណៈពេលដែលលិខិតឆ្លងដែនអេក្វាឌ័ររបស់កីឡាករគឺពិតជាពិតប្រាកដ ព័ត៌មានមួយចំនួនដែលបានផ្តល់ឲ្យ គឺមិនពិត។ ជាពិសេស ទាក់ទងនឹងថ្ងៃខែឆ្នាំកំណើត និងទីកន្លែងកំណើតរបស់កីឡាករមិនត្រឹមត្រូវ ចាប់តាំងពីកីឡាកររូបនេះពិតជាបានកើតនៅទីក្រុង Tumaco ប្រទេសកូឡុំប៊ី នៅថ្ងៃទី ២៥ ខែមិថុនា ឆ្នាំ ១៩៩៥”។
សហព័ន្ធកីឡាបាល់ទាត់ត្រូវបានបញ្ជាឲ្យបង់ប្រាក់ពិន័យចំនួន ១០០,០០០ ហ្វ្រង់ស្វីស (ប្រមាណ ១០ ម៉ឺនដុល្លារ) ហើយក្រុមបុរស នឹងត្រូវដក ៣ ពិន្ទុ ក្នុងការប្រកួតជម្រុះ World Cup ឆ្នាំ ២០២៦។
សហព័ន្ធអេក្វាឌ័រ បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអង្គារថា Castillo នឹងមិនធ្វើដំណើរទៅប្រទេសកាតាទេ។
សហព័ន្ធកីឡាបាល់ទាត់អេក្វាឌ័រ មានកាតព្វកិច្ចមិនដាក់បញ្ចូលកីឡាករ Byron Castillo Segura ក្នុងបញ្ជីចុងក្រោយដែលបង្ហាញដល់ FIFA ប្រឈមមុខនឹងហានិភ័យ នៃទណ្ឌកម្មអយុត្តិធម៌បន្ថែមទៀត។
អេក្វាឌ័រ នឹងត្រូវប្រកួតដំបូងក្នុងការប្រកួត World Cup ទល់នឹងប្រទេសម្ចាស់ផ្ទះកាតា នៅថ្ងៃអាទិត្យនេះ៕
ប្រភព ៖ supersport.com
អត្ថបទ ៖ មន្នីរ័ត្ន
រាជរដ្ឋាភិបាលជប៉ុន នឹងរៀបចំពិព័រណ៍ការងារអនឡាញ សម្រាប់ប្រព័ន្ធពលករជំនាញ នៅប្រទេសជប៉ុន
តារានិករ Gemini មានរាសីបែបណា ក្នុងឆ្នាំ2025នេះ
រដ្ឋមន្ត្រីមហាផ្ទៃ ឱ្យពន្លឿនការដោះស្រាយករណីពលរដ្ឋដាក់តាមទំព័រហ្វេសប៊ុករបស់លោក និងសម្ដេច ស ខេង ឱ្យឆាប់ចប់
ឆ្នាំ ២០២៥ ស្រុកព្រែកប្រសព្វជាប់ដងទន្លេ ដាក់ផែនការចុះបញ្ជីដីធ្លីចំនួន ២២ ២៩៧ ក្បាលដីជូនប្រជាពលរដ្ឋ
ចំណាប់ខ្មាំង៣៣នាក់ នឹងត្រូវក្រុមហាម៉ាសដោះលែង ក្នុងដំណាក់កាលដំបូងនៃកិច្ចព្រមព្រៀង
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ