កីឡា
ឥណ្ឌូណេស៊ី ត្រៀមធ្វើពិធីផ្ដល់សញ្ជាតិកូនកាត់ ២ រូប សម្រាប់ប្រកួត AFF Cup 2022
សហព័ន្ធកីឡាបាល់ទាត់ឥណ្ឌូណេស៊ី ត្រៀមធ្វើពិធីផ្ដល់សញ្ជាតិដល់កីឡាករកូនកាត់ ២ នាក់ គឺកូនកាត់អេស្ប៉ាញ និងកូនកាត់បែលហ្ស៊ិក ដើម្បីបញ្ចូលឈ្មោះទៅក្នុងកាប្រកួតជើងឯកអាស៊ាន (AFF Mitsubishi Electric Cup 2022) នៅខែធ្នូខាងមុខ។
តាមការបញ្ជាក់ដោយសហព័ន្ធដដែល ពិធីសច្ចាប្រណិធានរបស់កីឡាករទាំងពីរ នឹងធ្វើឡើងនៅថ្ងៃទី ១៧ ខែវិច្ឆិកា ឆ្នាំ ២០២២ ស្អែកនេះ នោះគឺកីឡាករ Jordi Amat Maas ជាកូនកាត់អ៉េស្បាញ និងកីឡាករ Shayne Elian Jay Pattynama ជាកូនកាត់បែលហ្ស៊ិក។
កីឡាករទាំងពីរ បានឆ្លងកាត់ដំណើរការជាបន្តបន្ទាប់ជាច្រើន។ ចាប់ផ្ដើមជាមួយនឹងការសម្ភាសន៍នៅទីភ្នាក់ងារស៊ើបការណ៍សម្ងាត់រដ្ឋ (BIN) បន្ទាប់មកពិនិត្យសុខភាពនៅមន្ទីរពេទ្យក្នុងទីក្រុងហ្សាកាតា ពួកគេក៏បានទទួលអនុសាសន៍ពីគណៈកម្មការ III និងគណៈកម្មការ X នៃ DPR RI ផងដែរ។
ទីបំផុត នៅថ្ងៃទី ០៩ ខែវិច្ឆិកា ឆ្នាំ ២០២២ ក្រឹត្យរបស់ប្រធានាធិបតី នៃសាធារណរដ្ឋឥណ្ឌូណេស៊ី ត្រូវបានចុះហត្ថលេខាដោយ លោក Joko Widodo។
កីឡាករ Jordi Amat Maas (ខ្សែការពារកណ្ដាល) គឺជាកូនកាត់អ៉េស្បាញ បច្ចុប្បន្នមានវ័យ ៣០ ឆ្នាំ ដោយមានជីដូនជាជនជាតិឥណ្ឌូណេស៊ី។ គេធ្លាប់លេងឲ្យក្លិបល្បីៗដូចជា Espanyol, Rayo Vallecano, Swansea City, Betis និងបច្ចុប្បន្នលេងឲ្យ Johor Darul Ta’zim របស់ម៉ាឡេស៊ី។ គេធ្លាប់ជាប់ជម្រើសជាតិយុវជនអ៉េស្បាញ តាំងពីឈុត U-16 រហូតដល់ U-21។
កីឡាករ Sandy Harry Walsh (ខ្សែការពារស្លាបស្ដាំ និងកណ្ដាល) គឺកូនកាត់បែលហ្សិក បច្ចុប្បន្នមានវ័យ ២៧ ឆ្នាំ ដោយមានម្ដាយជាជនជាតិឥណ្ឌូណេស៊ី កាត់ហូឡង់។ គេធ្លាប់ជាយុវជនរបស់ Anderlecht និងបច្ចុប្បន្នលេងឲ្យក្លិប K.V. Mechelen នៃលីគកំពូលបែលហ្សិក។ គេធ្លាប់ជាប់ជម្រើសជាតិយុវជនហូឡង់ តាំងពីឈុត U-15 រហូតដល់ U-20។
លោក Mochamad Iriawan ប្រធានសហព័ន្ធកីឡាបាល់ទាត់ឥណ្ឌូណេស៊ី បានបង្ហាញទំនុកចិត្តថា ការចូលរួមរបស់ Sandy និង Jordi នឹងបន្ថែមភាពរឹងមាំដល់ក្រុមជម្រើសជាតិ។
ឥណ្ឌូណេស៊ី ក៏ជាក្រុមរួមពូល A ជាមួយកម្ពុជា, ថៃ, ហ្វីលីពីន និងព្រុយណេ ផងដែរ ក្នុងពានរង្វាន់បាល់ទាត់ធំជាងគេប្រចាំតំបន់មួយនេះ។ ក្រុមរហស្សនាម ‘មហាគ្រុឌ’ មួយនេះ នឹងជួប កម្ពុជា នៅប្រកួតទី ២ ត្រូវនឹងថ្ងៃទី ២៣ ខែធ្នូ ឆ្នាំ ២០២២ នាទឹកដីប្រទេសឥណ្ឌូណេស៊ី៕
ប្រភព ៖ សហព័ន្ធបាល់ទាត់ឥណ្ឌូណេស៊ី-PSSI.org
អត្ថបទ ៖ មន្នីរ័ត្ន
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
អភិបាលក្រុងខេមរភូមិន្ទ ជំរុញដល់ពលរដ្ឋយកចិត្តទុកដាក់ថែរក្សាសុខភាព ខណៈអាកាសធាតុចុះត្រជាក់
នាវាដឹកប្រេង៧គ្រឿងចាកចេញពីសិង្ហបុរី ក្រោយអាមេរិកដាក់ទណ្ឌកម្មនាវាដឹកប្រេងរុស្ស៊ី
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ