ចាញ់អេក្វាឌ័រយប់មិញ​ ម្ចាស់ផ្ទះកាតា បង្កើតប្រវត្តិសាស្រ្តដ៏អាក្រក់មួយនៅ World Cup

ក្រុមបាល់ទាត់ជម្រើសជាតិកាតា បានក្លាយជាក្រុមប្រទេសម្ចាស់ផ្ទះដំបូងគេ ដែលចាញ់ការប្រកួតបើកឆាក ក្នុងប្រវត្តិសាស្រ្តព្រឹត្តិការណ៍ World Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមក្រសែភ្នែកអ្នកគាំទ្រ ៦៧៣៧២នាក់នៅពហុកីឡដ្ឋាន​​​ Al Bayt, ក្រុមម្ចាស់ផ្ទះត្រូវបរាជ័យក្នុងលទ្ធផល ២-០។ ២គ្រាប់របស់អេក្វាឌ័រ រកបានដោយកីឡាករ Enner Valencia តែម្នាក់ឯងពោលគឺដោយការស៊ុតបាល់ពិន័យ១១ម៉ែត្រនៅនាទីទី១៦ និងការតែតបញ្ចូលទីនៅនាទីទី៣១។ នៅតង់ទី២ ក្រុមទាំង២មិនអាចបំប៉ោងសំណាញ់ទីគ្នាបានឡើយ។

បន្ទាប់ពីការប្រកួត គ្រូបង្វឹកកាតា លោក Felix Sanchez បាននិយាយថា “បរិយាកាសគឺជាការរំពឹងទុកដ៏អស្ចារ្យមួយ។ យើងសោកស្តាយដែលពួកយើងមិនអាចចូលរួមក្នុងពិធីជប់លៀងបាន ប៉ុន្តែយើងដឹងហើយថា រឿងនេះអាចកើតឡើង។ យើងនឹងព្យាយាមសិក្សា”។

បរាជ័យនេះ បានធ្វើឲ្យកាតា កាន់តែអស់ក្តីសង្ឃឹមក្នុងការឈានទៅវគ្គបន្ត ដោយក្នុងពូលនេះ ក្រុមម្ចាស់ផ្ទះត្រូវជួបជាមួយក្រុមខ្លាំង២ទៀត ដូចជា ហូឡង់ និង សេណេហ្គាល់៕

ប្រែសម្រួល៖ Vann Vann

ប្រភព៖ i24 News

ចុចអាន៖ ឥស្សរជនរូបណាខ្លះ ចូលរួមពិធីបើក World Cup យប់នេះ?