កីឡា
ដឹងទេ បុគ្គល ២ រូប បង្ហាញវត្តមានក្នុងពិធីបើក World Cup យប់មិញ ជានរណា?
ភាពភ្ញាក់ផ្អើលនៃពិធីបើកព្រឹត្តិការណ៍ប្រកួតបាល់ទាត់ពិភពលោកឆ្នាំ២០២២នៅប្រទេសកាតាកាលពីយប់មិញនេះ គឺជាការបង្ហាញខ្លួនរបស់តារាភាពយន្តអាមេរិក និងបុរសសញ្ជាតិកាតាម្នាក់ដែលមានពិការភាព។

បុរសវ័យ៨៥ឆ្នាំសក់ ស គឺជាតារាសម្តែងឈ្មោះ Morgan Freeman ចំណែកឯបុរសមានពិការភាពគឺជាអ្នកជំនួញកាតាឈ្មោះ Ghanim Al Muftah។
ក្នុងពិធីបើក លោក Freeman បានសម្តែងក្នុងឈុតឆាកដែលមានចំណងជើងថា “The Calling” ហើយបានប្រាប់អ្នកទស្សនាថា “យើងទាំងអស់គ្នាមកទីនេះក្នុងកុលសម្ព័ន្ធដ៏ធំមួយ”។

ចំណែក Al Muftah វិញ ក្រៅពីជាអ្នកជំនួញ គាត់ក៏ជា YouTuber ផងដែរ។
Al Muftah ត្រូវបានគេស្គាល់ដោយសារតែសុន្ទរកថាលើកទឹកចិត្តរបស់គាត់ និងវត្តមានក្នុងប្រព័ន្ធផ្សព្វផ្សាយសង្គម។ គាត់បានបង្ហាញខ្លួនក្នុងព្រឹត្តិការណ៍ TEDxQatarUniversity កាលពីឆ្នាំ២០១៨ នៅវ័យ១៦ឆ្នាំ ដើម្បីនិយាយអំពីស្ថានភាពរបស់គាត់ គឺរោគសញ្ញានៃបញ្ហាសរសៃប្រសាទឆ្អឹងខ្នង ដែលធ្វើឲ្យផ្នែកខាងក្រោមនៃរាងកាយរបស់គាត់ មិនអាចវិវត្តបាន។

លោក Al Muftah ត្រូវបានជ្រើសរើសជាឯកអគ្គរាជទូតផ្លូវការរបស់ FIFA World Cup នៅឆ្នាំនេះ។
នៅក្នុងសេចក្តីថ្លែងការណ៍មួយ និស្សិតផ្នែកនយោបាយនៃសាកលវិទ្យាល័យ Loughborough រូបនេះបាននិយាយថា “ក្នុងនាមជាឯកអគ្គរាជទូត FIFA World Cup ខ្ញុំចង់ផ្ញើសារនៃក្តីសង្ឃឹម ការរួមបញ្ចូល សន្តិភាព និងការរួបរួមសម្រាប់មនុស្សជាតិ”។
លោក Al Muftah គឺជាសប្បុរសជន ដោយបានបង្កើតសមាគម Ghanim ដែលមានជំនួយពីគ្រួសាររបស់គាត់ផ្ទាល់។ សមាគមនេះ បានបរិច្ចាគរទេះជនពិការដល់ប្រជាពលរដ្ឋដែលខ្វះខាត៕
ប្រែសម្រួល៖ Vann Vann
ប្រភព៖ Marca, Daily Mail
ចុចអាន៖ កីឡាករ១០រូប អ្នកប្រហែលជាលែងបានឃើញទៀតហើយ ក្នុងព្រឹត្តិការណ៍ World Cup លើកក្រោយ

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?